თბილისი

ამინდის ზუსტი პროგნოზი თბილისში 2 აპრილს

74
(განახლებულია 15:18 31.03.2020)
საქართველოს დედაქალაქში ხუთშაბათს ცვალებადი ამინდია ნავარაუდევი – ჰაერის ტემპერატურა პლუს 15 გრადუსი იქნება

 

თბილისი,  31 მარტი — Sputnik. სინოპტიკოსების პროგნოზით  თბილისში ხუთშაბათს, 2 აპრილს, ღრუბლიანი ამინდი და ხანმოკლე წვიმაა მოსალოდნელი.

მზე 06:41 საათზე ამოვა და 19:27 საათზე ჩავა.

ღამით ჰაერის მინიმალური ტემპერატურა  პლუს 8 გრადუსი, დღისით მაქსიმალური კი პლუს 15 გრადუსი იქნება.

ღამით ქარის სიჩქარე  წამში 10–15 მეტრი, დღისით კი 17–22 მეტრი იქნება.


74
თემები:
ამინდის ზუსტი პროგნოზი თბილისში (404)
თბილისი

როგორი ამინდი იქნება თბილისში კვირას, 31 მაისს

90
(განახლებულია 15:23 29.05.2020)
გაზაფხულის ბოლო დღეს საქართველოს დედაქალაქში მზიანი და თბილი ამინდი იქნება, დაფიქსირდება 28 გრადუსი სითბო.

თბილისი, 29 მაისი — Sputnik. სინოპტიკოსების პროგნოზით, კვირას, 31 მაისს თბილისში საკმაოდ თბილი და მზიანი ამინდი იქნება.

ტემპერატურა ღამით იქნება +17, ხოლო დღისით +28 გრადუსი.

ქარი 10–15 მეტრი წამში სიჩქარით დაუბერავს, დროგამოშვებით კი 17–22 მეტრამდე გაძლიერდება.

მზე 05:28 საათზე ამოვა და 20:28 საათზე ჩავა.

90
თემები:
ამინდის ზუსტი პროგნოზი თბილისში (404)
ავტობუსი

საზოგადოებრივმა ტრანსპორტმა მუშაობა განაახლა

87
(განახლებულია 14:57 29.05.2020)
კორონავირუსის პანდემიის საფრთხის გამო მგზავრობისას დაწესებულია გარკვეული შეზღუდვები, მათ შორის, აუცილებელია პირბადის ტარება.

თბილისი, 29 მაისი — Sputnik. საქართველოში ყველა სახის მუნიციპალურმა ტრანსპორტმა დღეიდან მუშაობა განაახლა.

კორონავირუსის გავრცელების პრევენციის მიზნით საზოგადოებრივი ტრანსპორტით – მეტროთი და ავტობუსებით გადაადგილება 30 მარტს აიკრძალა, ხოლო მიკროავტობუსების მომსახურება საქართველოს მასშტაბით 18 მარტიდან იყო შეჩერებული.

დედაქალაქის მერი კახა კალაძე გუშინ ავტოპარკს ეწვია და მუნიციპალური ავტობუსების საბოლოო შემოწმებისა და სპეციალური წესით დამუშავების პროცესს გაეცნო.

მერის განცხადებით, სადეზინფექციო სამუშაოები ტრანსპორტში ყოველდღიურ რეჟიმში ჩატარდება.

საზოგადოებრივი ტრანსპორტით მგზავრობისას მოქალაქეებმა გარკვეული წესები უნდა დაიცვან. ერთ-ერთი უმნიშვნელოვანესი მოთხოვნაა პირბადის ტარება.

ასევე საზოგადოებრივ ტრანსპორტში არ იმუშავებს კონდიციონერი, რადგან, ეპიდომიოლოგების აზრით, ის ვირუსის გავრცელების ერთ-ერთ საფრთხეს წარმოადგენს. ღია უნდა იყოს ფანჯრები.

თბილისში ტრანსპორტი გაძვირდება? კალაძის პასუხი>>

მუშაობა განაახლა ასევე სამარშრუტო მიკროავტობუსებმა, სადაც ვრცელდება იგივე წესები და, ამასთან, მგზავრების ფეხზე დგომით გადაყვანა იკრძალება.

ავტობუსებსა და გაჩერებებზე წესების დაცვას მონიტორინგის სამსახურის კონტროლიორები და კონდუქტორები გააკონტროლებენ, ხოლო მეტროში – პოლიცია.

რაც შეეხება მეტროს, დილიდან მეტროს სადგურების შესასვლელებთან გაკრულია სტიკერები, სადაც მითითებულია, რომ მოქალაქეები, რომლებსაც მეტროთი მგზავრობის სურვილი აქვთ, პირბადის გარეშე არ დაიშვებიან. მეტროს თანამშრომლები კი მოქალაქეებს დისტანციის დაცვისკენ მოუწოდებენ. ასევე პოლიციის მიერ ტერიტორია გაყოფილია ყვითელი ლენტით, რომლითაც გამიჯნულია შესასვლელ-გასასვლელი. ამასთან ერთად, სამუშაოს დაწყებამდე მეტროს თანამშრომლებს თერმოსკრინინგს უტარებენ.

საქართველოში კორონავირუსის პირველი შემთხვევა 26 თებერვალს დაფიქსირდა. კორონავირუსის პანდემიასთან დაკავშირებით საქართველოში 21 მარტს საგანგებო მდგომარეობა გამოცხადდა, რომელიც 23 მაისს გაუქმდა, თუმცა ზოგიერთი შეზღუდვა დარჩა, რომლებიც ეტაპობრივად იხსნება.

87
თემები:
COVID-19 საქართველოში
პეპელა

კვირის ასტროპროგნოზი: რას გვიმზადებენ ვარსკვლავები 1–7 ივნისის პერიოდში

0
(განახლებულია 22:16 31.05.2020)
ვარსკვლავებისა და პლანეტების ენერგეტიკა ამ კვირაში საკმაოდ ხელსაყრელია, ამიტომ თავისუფლად შეგიძლიათ შეუდგეთ მნიშვნელოვანი საქმეების გაკეთებას

ეცადეთ, მიჰყვეთ ასტროლოგების რჩევებს, რათა ზაფხულ პოზიტიური განწყობით დაიწყოთ. მთავარია, არ იზარმაცოთ და აპათიას  არ აჰყვეთ

ვერძი

იღბალი მუდამ თქვენ გვერდით იქნება, უბრალოდ, ხელი უნდა გაიწოდოთ, საკუთარ თავსა და საქმეებს სწორი იმპულსი მისცეთ. ენდეთ ინტუიციას და მიჰყევით მის ნაკარნახევ გზას. კარგი იქნება, თუ რამე ახალ საქმეს წამოიწყებთ ან სასიყვარულო სფეროში გააქტიურდებით.

ეცადეთ, არ აჰყვეთ ნეგატიურ განწყობას, მან პრობლემების ზრდის პროვოცირება შეიძლება გამოიწვიოს. არ „ჩაიციკლოთ უარყოფით მოგონებებზე ნაკლებად მოუსმინეთ ადამიანებ, რომლებიც ძაბავენ ვითარებას, სკეპტიციზმს ამჟღავნებენ და მუდამ „ცხვირჩამოშვებული“ არიან.

კურო

კვირის პირველ ნახევარში, შესაძლოა თქვენი განწყობა ძალიან შეირყეს. თავს შეგახსენებთ ნოსტალგია და სენტიმენტალიზმი. ეცადეთ, განდევნოთ ცუდი აზრები, აიმაღლოთ პროდუქტიულობა და წინსვლის სურვილი დაიბრუნოთ.

კვირის მეორე ნახევარი, 4–7 ივნისი პლანეტების ჰარმონიული ურთიერთმოქმედების ეგიდით ჩაივლის. ეს იქნება იდეალური დრო რომანტიკისთვის, საყვარელ ადამიანთან ურთიერთობებისთვის. მარტოხელებმა შეგიძლიათ, თამამად განაცხადოთ თქვენი გრძნობების შესახებ, თუმცა, სიფრთხილეც არ დაივიწყოთ, რათა ადამიანი, რომელიც მოგეწონათ, არ დააფრთხოთ.

ტყუპი

ტყუპებისთვის ხელსაყრელი პერიოდი იწყება, მაგრამ თუ შინაგან დემონებსა და ნეატოვს არ შეებრძოლებით, ყველაფერი კარგად ვერ წარიმართება. გაერკვიეთ თქვენს წყენებში, შურში, ბრაზში. რაც უფრო კარგ განწყობაზე იქნებით, მით უფრო მეტ წარმატებას მიაღწევთ სხვადასხვა სფეროში.

იქნება სტაბილური კვირა, თვითონ შეგიძლიათ შეარჩიოთ, დრო რას დაუთმოთ – მეტ მუშაობას თუ მეტ დასვენებას, თავად დაგეგმოთ თქვენი ცხოვრება სურვილის მიხედვით. ვარსკვლავები ქარიზმას შეგმატებენ, ამიტომ სიყვარულში უფრო გაგიმართლებთ, ვიდრე საქმეებში.

კირჩხიბი

კვირის პირველ ნახევარში ვარსკვლავები ძლიერ დისჰარმონიაში იქნებიან, რამაც თქვენში, შესაძლოა, მავნე ჩვევები გაააქტიუროს. 1 და 2 ივნისი ნეგატიური დღეებია, მაგრამ თუ ცუდზე არ იფიქრებთ, მიზნების მიღწევაში ვერაფერი შეგიშლით ხელს. არ იჩქაროთ დასკვნების გამოტანა და მნიშვნელოვანი გადაწყვეტილებების მიღება.

ოთხშაბათიდან ვარსკვლავების ენერგეტიკა მკვეთრად გაუმჯობესდება და შესაბამისად, თქვენი განწყობაც გამოკეთდება. შესაძლებელი გახდება, გაარკვიოთ საკუთარი დანიშნულება ცხოვრებაში, დაისახოთ მნიშვნელოვანი მიზნები შემდეგი რამდენიმე თვისთვის, გვერდი აუაროთ საშიშროებებს და დაივიწყოთ უსიამოვნო მოვლენები.

ლომი

ამ კვირაში თქვენთვის მხოლოდ ერთი დღე – 3 ივნისი შეიძლება იყოს საშიში და არაპროგნოზირებადი. ამ დღეს ვარსკვლავები დესტრუქციულ ენერგიას გამოასხივებენ, მაგრამ თუ რთულ სიტუაციებში ოპტიმიზმს შეინარჩუნებთ, თავდაჯერებულობა და იღბალი არ მიგატოვებთ.

კვირის მეორე ნახევარი იდეალურია სულიერი ძიებების, დასვენებისა და ღრმა თვითანალიზისთვის. უქმეები დინამიკური და არასტანდარტული გელოდებათ. შეიძლება ისე დასვენება, როგორზეც დიდი ხანია, ოცნებობდით, მაგრამ ვერ ახერხებდით. ირგვლივ მყოფები თქვენს განწყობაზე მნიშვნელოვან როლს შეასრულებენ.

ქალწული

ასტროლოგები ქალწულებს გირჩევენ, ყურადღებიანი იყოთ საყვარელი ადამიანების გრძნობებისა და აზრების მიმართ. არ ღირს ამ ადამიანების პროვოცირება ნეგატივზე, სჯობს, იზრუნოთ მათზე. ეს ყველაზე კარგად შეგიძლიათ, ასე რომ, ამ კვირაში იყავით ის, ვინც ხართ.

უქმეებზე გაგიჭირდებათ სულიერი ქაოსის, გაუგებრობებისა და მერყეობის თავიდან აცილება. შესაძლოა, დასვენება ან სახლში ფუსფუსი გჭირდებათ. წაგადგებათ საყვარელი ფილმის ყურება, წიგნის წაკითხვა, განმარტოება, ან, თუნდაც, საყვარელ მეგობრებთან დროსი გატარება.

სასწორი

ზაფხულის დასაწყისი თქვენთვის ხელსაყრელი დროა სასიყვარულო თავგადასავლებისთვის. იდეალური დროა მეორე ნახევრის მოსაძებნად, ფლირტისა და ხანმოკლე რომანებისთვის.

ვისაც ჰყავს პარტნიორი, სასურველია, მას მეტი დრო დაუთმოს, მაგრამ სამუშაოც არ დაივიწყოთ. ამ კვირაში მნიშვნელოვანი გადაწყვეტილებების მიღება მოგიწევთ, საჭიროა მხოლოდცოტაოდენი თავდაჯერებულობა და სითამამე.

მორიელი

მორიელებს ამ კვირაში საქმეებსა და ბიზნესში ძალიან გაგიმართლებთ. იდეალური დროა გარიგებების დადების, შეთანხმებებზე ხელმოწერის, სამუშაოს შეცვლისთვის... წარმატება ელოდება ასევე შემოქმედებით ადამიანებს. სიფრთხილე მართებს მათ, ვისაც ხშირად უწევს მივლინებებში წასვლა.

პარასკევსა და შაბათს, ვარსვლავებისა და პლანეტების „ხელშეწყობით“, შესაძლოა, თქვენი ნიშნისთვის ტიპური შეცდომები დაუშვათ. ამ დღეებში აჯობებს, თუ ნაკლებად იაქტიურებთ სამსახურში და მეტ დროს დაუთმობთ ოჯახს, მეგობრებს, სახლის საქმეებსა და დასვენებას.

მშვილდოსანი

ძალზე პოზიტიური პერიოდი გელოდებათ. ვარსკვლავები და პლანეტები ძალიან მშვიდი არიან, მათი ენერგია კი აღმშენებლობითია. შეგიძლიათ, ამბიციური გეგმები დაისახოთ. ვერავინ შეაჩერებს მოტივირებულ და პოზიტივით დამუხტულ მშვილდოსნებს.

ამ კვირაში შეგიძლიათ დაიმკვიდროთ თავი, აიმაღლოთ ავტორიტეტი გარემომყოფების თვალში. ასტროლოგები გირჩევენ, იყოთ მეტად მოქნილი და მზადმყოფნი იდეოლოგიის შეცვლისთვის. უნდა შეებრძოლოთ სიხარბესა და ეჭვიანობას – ეს უკან დაგხევთ და იღბალს დააფრთხობს.

თხის რქა

კვირის დასაწყისი ხელსაყრელი იქნება. პირველი ორი დღე სამუშაოსა და სახლის საქმეებს მიუძღვენით. გადადეთ გასართობი ღონისძიებები. ოთხშაბათიდან მოსალოდნელი მკვეთრი ცვლილებები და მოულოდნელი მოვლენები.

თუ საქმეებში არ გაგიმართლებთ, სიყვარულის სფეროზე გადაიტანეთ ყურადღება და პირიქით, ვისაც სიყვარულში გაუცრუვდება იმედები, მუშაობაზე გადაერთეთ. მთავარია, არ დაკარგოთ საკუთარი თავის რწმენა და ხელები არ ჩამოუშვათ, თუ რამე ისე არ წავა, როგორც დაგეგმილი გქონდათ. ასევე გაითვალისწინეთ, რომ არ ღირს საკუთარი გეგმების სხვებისთვის განდობა.

მერწყული

ძალზე ხელსაყრელი და პროდუქტიული პერიოდი გელოდებათ. ვარსკვლავები დაგეხმარებიან ოცნებების ახდენაში, მნიშვნელოვანი მიზნების მიღწევაში სიყვარულშიცა და სამუშაოზეც. ბევრი იფიქრეთ კარგზე და უკუაგდეთ ნეგატიური ფიქრები.

საქმეებშიცა და სასიყვარულო ფრონტზეც ეცადეთ, არ ითავხედოთ და არ იეშმაკოთ. ტყუილი კარგ არაფერს მოგიტანთ, ხოლო გულწრფელობა და პოზიტიური განწყობა დაგეხმარებათ მოტივაციის ამაღლებაში. იდეალური კვირაა ახალი ცოდნის მიღებისთვის.

თევზები

ეცადეთ, დაძლიოთ სტერეოტიპული აზროვნებისადმი სწრაფვა. ასტროლოგები გირჩევენ, ხშირად იფიქროთ საკუთარი თავით და დასკვნები არ გამოიტანოთ სხვისი სუბიექტური მოსაზრების საფუძველზე. ეცადეთ, ჭეშმარიტებას ჩაწვდეთ.

სიყვარულში იუმორის გრძნობა და ინტუიცია დაგეხმარებათ – მეექვსე გრძნობა ამ კვირაში საკმაოდ გამძაფრებული გექნებათ და დაგეხმარებათ სხვადასხვა პრობლემის გადაჭრაში. ასევე მოუსმინეთ უფროსი თაობის რჩევებს.

0