თბილისის აეროპორტი

თბილისის აეროპორტში მგზავრების კორონავირუსზე შემოწმება მიმდინარეობს

178
საქართველოში ამოწმებენ არამარტო ჩინეთიდან ჩამოსულ მგზავრებს, არამედ იმათაც, ვინც ტრანზიტული რეისებით ჩინეთის გავლით ჩამოფრინდა

თბილისი, 26 იანვარი - Sputnik. ქართველი მედიკოსების ჯგუფი მეორე დღეა ამოწმებს ჩამოსულ მგზავრებს თბილისის საერთაშორისო აეროპორტში, კორონავირუსით ინფიცირების შემთხვევები არ გამოვლენილა, განუცხადა ჟურნალისტებს ექიმმა ნანა დემურიამ.

საქართველოს ხელისუფლებამ გაითვალისწინა ჯანმრთელობის მსოფლიო ორგანიზაციის (ჯანმო) რეკომენდაციები და აეროპორტში ჩინეთიდან ჩამოსული მგზავრების შემოწმება დაიწყო. ჩინეთის ხელისუფლებამ 2019 წლის 31 დეკემბერს აცნობა ჯანმოს უცნობი წარმოშობის პნევმონიის აფეთქების შესახებ ქალაქ უხანში, რომელიც ქვეყნის ცენტრალურ ნაწილში მდებარეობს. ბოლო მონაცემებით, დაიღუპა 56 ადამიანი, ინფიცირებულთა რიცხვი 1975-ს აღწევს.

სომხეთმა ჩინეთიდან პროდუქტების იმპორტი აკრძალა >>

„პირველ რიგში ჩვენ ვზომავთ ტემპერატურას, ვეკითხებით, თუ ჰქონდათ შეხება ჩინეთთან. რა თქმა უნდა, რეკომენდაციები გვაქვს ყველა ენაზე. ამ დროისთვის შევამოწმეთ შვიდი მგზავრი, არც ერთთან არ დაფიქსირებულა ტემპერატურის მატება“, - აცხადებს მედიკოსი.

საქართველოში ჩამოსულ ყველა მგზავრს თერმოსკრინინგი უტარდება, ანუ მათ დისტანციური თერმომეტრის მეშვეობით ტემპერატურას უზომავენ, ასევე ჯანმრთელობის ზოგად მდგომარეობას აკვირდებიან. იმ შემთხვევაში, თუ სხეულის ტემპერატურა 38 გრადუსს გადააჭარბებს, ასეთი ადამიანი ავტომატურად ხვდება რისკ-ჯგუფში და მას ეპიდემიოლოგთან გადაამისამართებენ.

იმ შემთხვევაში, თუ ადამიანს აღმოაჩნდება ხველა, საერთო სისუსტე და მაღალი ტემპერატურა, მას ინფექციურ საავადმყოფოში მასშტაბური გამოკვლევის ჩასატარებლად და სამკურნალოდ გადაიყვანენ.

დემურიას თქმით, დღეს ჩინეთიდან ხუთ მგზავრს ელოდებიან.

კორონავირუსით გამოწვეული პნევმონიით ინფიცირებულთა რაოდენობა ჩინეთში სწრაფად იზრდება. ვირუსი უკვე გავრცელდა ჩინეთის ფარგლებს გარეთ, დაინფიცირების შემთხვევები დაფიქსირდა იაპონიაში, სამხრეთ კორეაში, ვიეტნამში, სინგაპურში, მალაიზიაში, ნეპალში, საფრანგეთში, ავსტრალიაში, აშშ-ში, კანადაში, ავსტრალიაში, ჰონგ-კონგში, ტაილანდში.

„მაღაზიებში არ არის პური, წყალიც მთავრდება“ - როგორ ცხოვრობს ქართველი გოგო ჩინეთში >>

ჩინეთის ხელისუფლებამ ოფიციალურად დაადასტურა, რომ ვირუსი ადამიანიდან ადამიანზე გადაეცემა. ექიმების თქმით, კორონავირუსს ახასიათებს ისეთი სიმპტომები, როგორიცაა გაციება, ხველა, ყელის ტკივილი და მოჭერის შეგრძნება მკერდის არეში, შეინიშნება პნევმონიისა და ბრონქიტის მსგავსი სიმპტომები. რისკის ჯგუფში არიან დაქვეითებული იმუნური სისტემის მქონე ადამიანები, ბავშვები და ხანდაზმულები.

178
თემები:
ჯანდაცვა საქართველოში (245)
საახალწლო ილუმინაციები თბილისში

თბილისში საახალწლო განათებების დემონტაჟი დაიწყო

26
(განახლებულია 18:34 20.01.2021)
აღნიშნულ სამუშაოებთან დაკავშირებით რუსთაველის გამზირი დღეს საღამოდან ხვალ დილამდე გადაკეტილი იქნება

თბილისი, 20 იანვარი – Sputnik. დედაქალაქის მასშტაბით, საახალწლო დეკორაციებისა და ილუმინაციების დემონტაჟი დაიწყო, იუწყება თბილისის მერია.

ამ ეტაპზე, მთავარი ნაძვის ხისა და რუსთაველის გამზირზე განთავსებული კონსტრუქციების დემონტაჟი მიმდინარეობს.

აღნიშნული სამუშაოებიდან გამომდინარე, დღეს, 21:00 საათიდან 21 იანვრის 07:00 საათამდე პერიოდში, რუსთაველის გამზირი - პირველი რესპუბლიკის მოედნიდან თავისუფლების მოედნამდე გადაიკეტება. სამუშაოებს „თბილსერვის ჯგუფი“ ახორციელებს.

წელს თბილისში საახალწლოდ ულამაზესი ილუმინაციები დამონტაჟდა. მიუხედავად იმისა, რომ 21:00 საათიდან კომენდანტის საათი მოქმედებდა, ქალაქის მცხოვრებლები მაინც ჩერდებოდნენ საახალწლო ინსტალაციებთან და მათ ფონზე სამახსოვრო ფოტოებს იღებდნენ.

© Sputnik / STRINGER
როგორ მორთეს თბილისი ახალი წლისთვის - დრონით გადაღებული ლამაზი ვიდეო კადრები
26
დასუფთავების სამსახურის წარმომადგენელი

ეს ყვავილების ქოთნები და არა ნაგვის ურნებია კალაძე ახალი დიზაინის სკამებთან დაკავშირებით

289
(განახლებულია 17:35 20.01.2021)
დედაქალაქის მერმა ახალგაზრდა დიზაინერებს ორიგინალური პროექტისა და ქალაქის სიყვარულისთვის მადლობა გადაუხადა.

თბილისი, 20 იანვარი – Sputnik. გოგებაშვილის ქუჩაზე განთავსებულ დასასვენებელ სკამებში  არა ნაგვის ურნები, არამედ ყვავილების ქოთნებია ჩამონტაჟებული, განაცხადა თბილისის მერმა კახა კალაძემ სოციალურ ქსელში გავრცელებულ ფოტოებთან დაკავშირებით კომენტარისას. 

 „გუშინ მთელი დღის განმავლობაში სოციალურ ქსელებში არასწორი ინფორმაციები ვრცელდებოდა. ცხადია,  ეს მიზანმიმართულად ხდებოდა. ავრცელებენ გოგებაშვილის ქუჩაზე გადაღებულ ფოტომასალას და ადანაშაულებენ დედაქალაქის მუნიციპალიტეტს, მერიას, რომ თურმე,  საერთოდ რაზე ვფიქრობთ და რა პროექტებს ვახორციელებთ. საუბარი იყო იმაზე, თითქოს,  სკამებში ჩავდგით სანაგვე ურნები. ეს არასწორია“, – განაცხადა კალაძემ და აღნიშნა, რომ იგი ორი ახალგაზრდის კერძო პროექტია.

ახალგაზრდებმა  გოგებაშვილის ქუჩაზე კონკრეტულ შენობა-ნაგებობაში იჯარით აიღეს  ფართი, სადაც რესტორნის გახსნას გეგმავენ. ამ ეტაპზე სამშენებლო სამუშაოები მიმდინარეობს. რესტორნის გახსნამდე კი  მათ აღნიშნული ტერიტორიის კეთილმოწყობა განიძრახეს – განათავსეს სკამები, რომლებზეც ჩამონტაჟებულია ქოთნები. ვიდრე  აღნიშნულ ქოთნებში ყვავილები ჩაირგვება, რიგითი მოქალაქეები მათ სანაგვე ურნებად იყენებენ, დასძინა კალაძემ.

დედაქალაქის მერის განცხადებით, როდესაც სამუშაოები დასრულდება, გოგებაშვილის ქუჩაზე განთავსებული სკამები სათანადო იერს მიიღებენ. 

289
თემები:
თბილისის მერია
პლიტვიცეს ჩანჩქერი

მერწყული რთული, ორიგინალური, თავისუფლებისმოყვარე ზოგადი დახასიათება

0
(განახლებულია 10:42 20.01.2021)
მერწყული ერთ–ერთი ყველაზე რთული და წინააღმდეგობებით აღსავსე ნიშანია, რომლის წარმომადგენლებიც მუდამ ახალი შეგრძნებების ძიებაშია არიან

მერწყულის ნიშნით იბადებიან 21 იანვარი – 19 თებერვლის პერიოდში.

ზოდიაქოს ხუთი ყველაზე კაშკაშა ნიშანი, რომელთა შეყვარება ძალიან ადვილია>>

მერწყული (Aquarius) – ჰაერის სტიქიის ნიშანია, რომელსაც ერთდროულად ორი პლანეტა – ურანი და სატურნი მართავს. ის ზოდიაქოს თანავარსკვლავედის ერთ–ერთი ყველაზე რთული და წინააღმდეგობებით აღსავსე ნიშანია, რომლის წარმომადგენლები მუდამ ახალი შეგრძნებების ძიებაშია არიან. თავად მერწყულის ნიშანშია ჩადებული შინაგანი კონფლიქტი – ისინი მუდმივად ისწრაფვიან თავისუფლებისკენ, ახალი გამოცდილების, ახალი ინფორმაციის მიღებისკენ. ამ ნიშნის წარმომადგენლები იდეური ადამიანები არიან, რომლებიც თავისი იდეალიზმის პრიზმაში ატარებენ ამორალურ საქციელსაც, ან ყველაზე წარმოუდგენელი სექსუალური გამოცდილების ფორმებსაც კი. სხვათა შორის, სწორედ ამ ნიშის წარმომადგენლები ადვილად მეგობრობენ ყოფილ საყვარლებთან, რადგან სექსს ურთიერთობების ბუნებრივად ბაზად მიიჩნევენ.

მერწყულები, ერთი შეხედვით, კეთილი, რბილი და მერყევი ადამიანები ჩანან. ისინი ყოველთვის მზად არიან დახმარებისთვის, დიდად აფასებენ მეგობრობას და ძალიან უყვართ ყოფის, ადამიანის არსებობის საიდუმლოებების შესწავლა – მათი ნატურის ფილოსოფიური შემადგენელი სამყაროზე მათ არასტანდარტულ შეხედულებას განსაზღვრავს. მერწყულები, გამოხატავენ რა სიძულვილს მატერიალური ფასეულობების, პათოსისა და ფუფუნების მიმართ, გულის სიღრმეში ძალზე დამოკიდებული არიან კონფორტსა და ფულზე, თუმცა, მათი ძირითადი იდეოლოგია ეხება ადამიანთა თანასწორობისა და დემოკრატიის იდეას, როგორც უმაღლეს ფასეულობას.

მერწყულები ყოველთვის ორიგინალობისკენ ისწრაფვიან, რომელიც, პირდაპირი მნიშვნელობით, ყველაფერში გამოიხატება – აზროვნების სტილიდან დაწყებული, ცხოვრების სტილამდე დამთავრებული. მათ თავიანთი მიღწევების სახალხოდ ჩვენება არ უყვართ, თუმცა ძალიან უყვართ, როცა მათი ინდივიდუალობა ღირსეულად ფასდება. ამ ნიშნის წარმომადგენლების მთავარი სულიერი პრობლემაა მთელი ინფორმაციის „შესრუტვა“ და ამის აღქმა, როგორც უმაღლესი ფასეულობისა, მაგრამ ამ ინფორმაციას ყოველთვის არა აქვს სათანადო და ღირსეული გამოყენება. ხშირად, ეზოთერულისა და ირაციონალურისადმი მიდრეკილებას მერწყულები მიჰყავს ისეთ პროფესიებთან, როგორიცაა ფოკუსების ოსტატი და მსახიობი. ამას გარდა, ისინი ძალიან კარგად შეიგრძნობენ ხელოვნებას და ხასიათის რომანტიკული წყობით გამოირჩევიან.

ზოდიაქოს ამ სამი ნიშნით ყველაზე ცოტა ადამიანი იბადება>>

მერწყულების სუსტი მხარეებია: ინფანტილიზმი, ჩანაფიქრის ბოლომდე მიყვანის უუნარობა, ნებისმიერი სოციალური ზღუდისა და ჩარჩოს უარყოფის სურვილი, სასოწარკვეთილების დროს და მაშინ, როდესაც ვერ უგებენ, დემონსტრირება იმისა, რომ ისინი უარყოფილნი არიან და სხვებს არ ჰგვანან.

მერწყული მამაკაცი

მამაკაცი მერწყულები ზეპასუხისმგებლიანი ადამიანები არიან, ამავდროლად, არასტანდარტული აზროვნებით გამოირჩევიან. მათ უყვართ გარისკვა, ექსპერიმენტები, გამოირჩევიან იუმორის ორიგინალური გრძნობით.

ურთიერთობებში მერწყული ზედაპირული ჩანს, თუმცა ხანდახან მისი ექსტრავაგანტულობა და რევოლუციონერობა არ გამორიცხავს წყნარი ნავსაყუდელისკენ სწრაფვას. ლამაზი ქალის დაპყრობის ფაქტი ხანდახან მისთვის ფიზიკურ ტკბობაზე მნიშვნელოვანია.

მერწყული მამაკაცი სამუშაოს თავდადებით ეკიდება, სანამ ის მისი თავისუფლების შეზღუდვას არ იწყებს – მერწყული თავს თავდაჯერებულად და კომფორტულად გრძნობს, როდესაც თავს არ ახვევენ პირობითობებსა და სტანდარტულ სქემებს.

ზოდიაქოს ყველაზე გულწრფელი ნიშნები>>

მერწყული ქალი

ქალი მერწყულები უშუალო, კომუნიკაბელური არიან, შეუძლიათ შთაბეჭდილების მოხდენა და სიმყუდროვის ატმოსფეროს შექმნა. კარგად ეხერხებათ მრავაფეროვნების შეტანა ინტიმურ ცხოვრებაში, ძნელია მათი შოკირება უხამსი წინადადებებით ან გამოუვალ სიტუაციაში ჩაყენება – მერწყული ქალები, არიან რა ყოველდღიურობაში მშვიდი და ყურადღებიანი, ძალზე კრეატიულნი არიან ეროტიკული თვალსაზრისით.

ქალი მერწყულები იცვამენ ორიგინალურად და ექსტრავაგანტულად და მოდას ძალზე მწვავედ შეგრძნობენ – ეს მათი ერთ–ერთი ძლიერი მხარეა. მათ უყვართ ხმაურიანი კომპანიები, ყურადღება, განსაკუთრებული ადგილები მოცალეობის ჟამს და იმ ადამიანების გარემოცვაში ყოფნა, ვისთანაც დროს მხიარულად და საინტერესოდ გაატარებენ.

სიყვარულში მერწყული ქალი მთლიანად იხარჯება, თავგანწირვით ხატავს იდეალისტურ სურათს. ამავდროულად, ძალზე მომთხოვნია და გულწრფელობასა და ერთგულებას მოითხოვს. ის ძალზე გულნატკენი რჩება საყვარელი მამაკაცის უყურადღებით მაშინ, როცა თვითონ, თუნდაც ყურებამდე იყოს შეყვარებული, ინტრიგაზე უარს არ ამბობს. მერწყულ ქალებს ბრუტალური, უხეში მამაკაცები არ იზიდავს, ჩვეულებრივ, მათთვის მნიშნელოვანია სულიერი კავშირი საყვარელ ადამიანთან.

2021 წლის ჰოროსკოპი: მერწყული – ფინანსები, სიყვარული, ჯანმრთელობა>>

მერწყულის შეთავსება სხვა ნიშნებთან

მერწყულისთვის საუკეთესო იქნება კავშირი კირჩხიბთან, ტყუპთან და სასწორთან – ამ ნიშნების წარმომადგენლები ურთიერთობებში ასევე აფასებენ დახვეწილობასა და დეტალებს.

რთული, მაგრამ ცეცხლოვანი კავშირია მოსალოდნელი ვერძებთან და თავისივე ნიშნის წარმომადგენლებთან.

ასტროლოგების მოსაზრებით, ცუდია მერწყულის კავშირი მორიელთან და ლომთან, რომელთა საქმიანობა და აქტიურობა რამდენადმე მისტიკურ და იდუმალ მერწყულში გამოძახილს ვერ ჰპოვებს.

მერწყულის ნიშნით დაიბადნენ გამოჩენილი ადამიანები:

ვოლფგანგ ამადეუს მოცარტი, ჩარლზ დიკენსი, ვირჯინია ვულფი, აბრაამ ლინკოლნი, ანტონ ჩეხოვი, ანა პავლოვა, კრისტიან დიორი, პაკო რაბანი, კლარკ გეიბლი, ანჯელა დევისი, იოკო ონო, ჯონ ტრავოლტა, ჯასტინ ტიმბერლეიკი, ეშტონ კატჩერი, ჯენიფერ ენისტონი და სხვა.

0