თბილისი, 21 იანვარი — Sputnik. თბილისის მერმა დედაქალაქის მოსახლეობას ახალი, 40 ერთეული ISUZU-ს მარკის ავტობუსი წარუდგინა, იუწყება საზოგადოებრივი მაუწყებლის პირველი არხი.

53 მგზავრზე გათვლილი ავტობუსები 23 იანვრიდან რამდენიმედღიანი ინტერვალით რვა მარშრუტზე გადანაწილდება – დედაქალაქის გარეუბნებში მცხოვრებლებს მოემსახურება და შემოერთებულ სოფლებს ქალაქის ცენტრალურ რაიონებთან დააკავშირებს.

თბილისის მერიის ინფორმაციით, უახლოეს მომავალში თბილისს კიდევ 40 ერთეული ISUZU-ს მარკის ავტობუსი შეემატება.

© Sputnik / Alexander Imedashvili

როდის გაიზრდება თბილისში ახალი ავტობუსების რაოდენობა

ავტოპარკის განახლების მიზნით 2019 წელს დედაქალაქის მერიამ 90 ერთეული ათმეტრიანი MAN-ის ტიპის და 220 ერთეული ISUZU-ს მარკის რვამეტრიანი ავტობუსი შეიძინა.

თბილისში MAN-ის მარკის 50 ერთეული ავტობუსი გაზაფხულზე შემოიყვანეს. რაც შეეხება ISUZU-ს მარკის ავტობუსებს, პირველ ეტაპზე ოქტომბერში 60 ერთეული შემოიყვანეს.

როგორც MAN-ის, ისე ISUZU-ს მარკის ავტობუსები ადაპტირებული არიან შეზღუდული შესაძლებლობების მქონე პირებისთვის. ავტობუსებში არის WiFi–ქსელი, ასევე გათბობის, კონდიცირებისა და ვენტილაციის თანამედროვე სისტემები. ავტობუსის სალონებში დამონტაჟებულია ვიდეოკამერები და USB-დამტენები.

ამჟამად თბილისში ყოველდღიურად 600-650 მუნიციპალური ავტობუსი მოძრაობს. მიმდინარე წლის ბოლოსთვის ქალაქის ხელისუფლება ამორტიზებული მუნიციპალური ტრანსპორტის მთლიანად გამოცვლას გეგმავს და ახალი ავტობუსების რაოდენობა 900-მდე გაიზრდება.

დღის განმავლობაში თბილისის ავტობუსები საშუალოდ 110 ათას კილომეტრს გადიან და 1,8 ათასზე მეტ გაჩერებაზე ჩერდებიან.

თბილისი, 8 მარტი — Sputnik. პანდემიის გამო დაწესებულ შეზღუდვებსა და იძულებით თვითიზოლაციას ევროპის ქვეყნებში შობადობის დონის მკვეთრი კლება მოჰყვა, იუწყება მედია.

© photo: Sputnik / Andrey Stenin

თითო ოჯახზე ორი ბავშვი: ეგვიპტეში შობადობის დონეს გააკონტროლებენ

ასე მაგალითად, გამოცემა El Pais–ის ინფორმაციით, მიმდინარე წლის იანვარსა და თებერვალში ესპანეთში შობადობა 22,6%-ით შემცირდა გასული წლის ანალოგიური პერიოდი მაჩვენებელთან შედარებით.

„ჯერჯერობით 2021 წლის მხოლოდ ორი თვის მონაცემები გვაქვს. ეს ცოტაა იმისათვის, რომ მთელი წლის ზუსტი პროგნოზი გავაკეთოთ. თუმცა უკვე ახლა ნათელია, რომ მოსალოდნელია ძლიერი ვარდნა“, — აცხადებს ესპანეთის ეროვნული კვლევითი ცენტრის დირექტორი დიეგო რამირო.

იგივე ვითარება შეინიშნება ევროპის სხვა ქვეყნებშიც. იტალიაში გასული წლის დეკემბერში ახალშობილთა რაოდენობა 21,6%-ით იყო შემცირებული გასული წლის ანალოგიურ პერიოდთან შედარებით, ხოლო საფრანგეთში იანვარში შობადობა 13%-ით დაეცა.

გამოცემის ინფორმაციით, იმ ფაქტორებს შორის, რომლებიც წყვილებს აიძულებს, გადადონ ოჯახების შექმნა და შვილების გაჩენა, პირველ ადგილზეა კორონავირუსის პანდემიის გამო სამუშაო ადგილების მკვეთრი შემცირება და მაღალი სიკვდილიანობა.