საბაგირო გზა

თბილისში მარჯვენა და მარცხენა სანაპიროები შეიძლება საბაგირო გზით დაუკავშირდეს ერთმანეთს

106
(განახლებულია 12:51 07.11.2019)
საქართველოს დედაქალაქში გაჩნდება საბაგირო გზები, რომლებიც მოსახერხებელი იქნება არა მხოლოდ ტურისტების, არამედ ადგილობრივი მოსახლეობისთვისაც.

თბილისი, 7 ნოემბერი — Sputnik. მტკვრის მარჯვენა და მარცხენა სანაპიროები თბილისში შეიძლება საბაგირო გზებით დაუკავშირდეს ერთმანეთს, განუცხადა ჟურნალისტებს თბილისის მერის მოადგილემ მაია ბითაძემ.

კუს ტბის საბაგირო გზა მარტში გაიხსნება>>

უფრო ადრე დედაქალაქის მერიამ დაუკვეთა კვლევა, რომელსაც თბილისში ახალი საბაგირო გზების მიმართულებები უნდა განესაზღვრა. საბოლოო დოკუმენტი ნოემბრის ბოლოს გახდება ცნობილი.

„იდენტიფიცირებული გვაქვს სამი მნიშვნელოვანი მიმართულება, რომელიც საბოლოო ჯამში საფუძვლად დაედება თბილისში ახალი საბაგიროების განვითარებას... ეს არის მარჯვენა და მარცხენა სანაპიროს დაკავშირების ახალი სქემა საბაგიროებით, რომელიც ვეცადეთ მკვლევარებთან ერთად შეგვედგინა ისე, რომ მაქსიმალურად მიმზიდველი ყოფილიყო ახალი საბაგირო ქსელი", – აღნიშნა ბითაძემ.

მერის მოადგილემ ახალი საბაგირო გზების რამდენიმე შესაძლო მარშრუტი დაასახელა.

„წინასწარ შემიძლია გითხრათ, რომ იკვეთება ძალიან საინტერესო სქემები თემქიდან თბილისის ზღვის მიმართულებით, ასევე სამების ეკლესიასთან დასაკავშირებლად", - აღნიშნა ბითაძემ.

ამჟამად თბილისში მხოლოდ ერთი საბაგირო გზა ფუნქციონირებს – რიყის პარკიდან ნარიყალამდე. საბაგირო გზა, რომელიც ჭავჭავაძის გამზირსა და კუს ტბას აკავშირებს, მუშაობას 2020 წლის 1 მარტს განაახლებს. საბაგირო გზა ამ ზაფხულს დაიკეტა დაგეგმილი სარემონტო სამუშაოების გამო.

„კუს ტბის საბაგიროსთან დაკავშირებით, რომელიც გამორთული იყო ტექნიკური მიზეზების გამო, ჩვენ გვყავს უკვე გამარჯვებული, რომელიც ოთხ თვეში დაასრულებს სამუშაოებს. ეს იყო გეგმიური ინსპექტირების დროს აღმოჩენილი ხარვეზი, რომელიც უახლოეს მომავალში გამოსწორდება და სეზონს ეს საბაგირო გამართული შეხვდება", – განაცხადა ბითაძემ.

სამგორი–ვაზისუბანი, ახმეტელი–თემქა თუ სამება–მახათას მთა: სად გაჩნდება ახალი საბაგირო გზა>>

მისი თქმით, თავდაპირველად შემოთავაზებული იყო თბილისში საბაგირო გზების განვითარების 123 ალტერნატიული სცენარი, საიდანაც ამ ეტაპზე შერჩეულია დაახლოებით 20. შემდეგ მერიამ უნდა შეიმუშაოს სამი ძირითადი მიმართულება, რომლებიც უფრო მომგებიანი და მოსახერხებელი იქნება როგორც ტურისტული და ეკონომიკური კუთხით, ისე მოსახლეობისთვის.

106
თემები:
თბილისი დღეს (1617)
მგზავრი ავტობუსში

ავტობუსების დამატების საკითხი მერიის გადასაწყვეტია თბილისის სატრანსპორტო კომპანია

46
(განახლებულია 19:04 28.05.2020)
სატრანსპორტო კომპანიაში ეჭვობენ, რომ ავტობუსების რაოდენობა საკმარისი იქნება იმის გათვალისწინებით, რომ მგზავრების რაოდენობა შეიზღუდება.

თბილისი, 28 მაისი — Sputnik. თუ საზოგადოებრივი ტრანსპორტის მუშაობის აღდგენის შემდეგ ავტობუსების რაოდენობა საკმარისი არ იქნება, მათი რაოდენობის გაზრდა მერიის გადასაწყვეტია, აცხადებენ თბილისის სატრანსპორტო კომპანიაში.

„ყვითელი მარშრუტკები“ თბილისის ქუჩებში 29 მაისიდან გამოჩნდება>>

ყველა სახის მუნიციპალური ტრანსპორტი, მათ შორის მეტრო, მუშაობას თბილისში 29 მაისს განაახლებს.

„ყოველდღიურად ხაზზე დაახლოებით 500-550 ავტობუსი მოძრაობს. თუ აღნიშნული რაოდენობა საკმარისი არ იქნება, ავტობუსების დამატების გადაწყვეტილება თბილისის მერიამ უნდა მიიღოს“, – აცხადებენ კომპანიაში.

ახალი წესების მიხედვით, კორონავირუსის გავრცელების თავიდან ასაცილებლად ავტობუსები ღია ფანჯრებითა და გამორთული კონდიციონერებით იმოძრავებენ.

„ხაზებზე არც ერთი ავტობუსი არ იმოძრავებს, რომელსაც ფანჯრები არ ექნება გაღებული“, – აღნიშნავენ კომპანიაში.

ყველა მგზავრს უნდა ეკეთოს პირბადე, წინააღმდეგ შემთხვევაში მათ ავტობუსის სალონში არ შეუშვებენ. მეტროში ამ პროცესს პოლიცია გააკონტროლებს, ხოლო ავტობუსებსა და გაჩერებებზე – მონიტორინგის სამსახურის კონტროლიორები და კონდუქტორები.

რაც შეეხება სოციალური დისტანციის დაცვას ავტობუსებში, თბილისის სატრანსპორტო კომპანიაში აცხადებენ, რომ ამ საკითხთან დაკავშირებით არანაირი რეკომენდაცია არ მიუღიათ.

კორონავირუსის გავრცელების აღკვეთის მიზანით საქართველოში საგანგებო მდგომარეობა 21 მარტს გამოცხადდა. 31 მარტიდან დაწესდა კომედანტის საათი, ასევე შეჩერდა საზოგადოებრივი ტრანსპორტის მოძრაობა.

46
თემები:
COVID-19 საქართველოში
საქართველოსა და აზერბაიჯანის დროშები

თბილისის ტელეანძა აზერბაიჯანის დროშის ფერებში განათდება

34
(განახლებულია 17:59 28.05.2020)
აზერბაიჯანი დღეს დემოკრატიული რესპუბლიკის შექმნის 102-ე წლისთავს აღნიშნავს, რომლის შესახებ დეკლარაციასაც 1918 წლის 28 მაისს თბილისში მოეწერა ხელი.

თბილისი, 28 მაისი — Sputnik. აზერბაიჯანის დემოკრატიული რესპუბლიკის შექმნის 102-ე წლისთავთან დაკავშირებით თბილისის ტელეანძა დღეს, საღამოს აზერბაიჯანის დროშის ფერებით განათდება.

როგორც „პირველი არხი“ იუწყება, აზერბაიჯანის ელჩმა საქართველოში დურსუნ ჰასანოვმა, საელჩოს თანამშრომლებმა, კომპანია „სოკარ ენერჯი ჯორჯიას“ (SOCAR Energy Georgia) გენერალურმა დირექტორმა მაჰირ მამედოვმა, აზერბაიჯანელ ბიზნესმენთა კავშირის (AZEBI) წევრებმა და სხვა პირებმა ჰეიდარ ალიევის სახელობის პარკში ეროვნული ლიდერის ბიუსტი მოინახულეს და ყვავილებით შეამკეს.

ისინი ასევე ეწვივნენ თბილისის ბოტანიკურ ბაღში აზერბაიჯანელ საზოგადო მოღვაწეთა პანთეონს და ყვავილებით შეამკეს აზერბაიჯანის დემოკრატიული რესპუბლიკის დამფუძნებლების ფატალი ხან ხოსკისა და ჰასან ბეი აგაევის საფლავები.

რესპუბლიკის დღისადმი მიძღვნილი ღონისძიებების ფარგლებში აზერბაიჯანის საელჩოს შენობის წინ დამონტაჟებულ სპეციალურ ელექტრონულ დაფაზე აზერბაიჯანისადმი მიძღვნილი ვიდეორგოლი წარმოადგინეს. ამას გარდა, დღის განმავლობაში ეკრანზე გავა 15-წუთიანი ვიდეორგოლი ქვეყნის განვითარების ისტორიის შესახებ.

აზერბაიჯანი დემოკრატიული რესპუბლიკის ეროვნულმა საბჭომ ქვეყნის დამოუკიდებლობა 1918 წლის 28 მაისს გამოაცხადა.

ეს იყო პირველი სეკულარული დემოკრატიული რესპუბლიკა მუსულმანურ აღმოსავლეთში.

დეკლარაციას დამოუკიდებლობის შესახებ თბილისში მოეწერა ხელი.

34
ლიზა ყენია

ლიზა ყენია ნახევრად შიშველი აივანზე პოზირებს - პიკანტური ფოტოები ბათუმიდან

0
(განახლებულია 16:45 28.05.2020)
დაწესებული შეზღუდვების შემდეგ სექსუალური ლიზა ყენია გასარუჯად გაეშურა. საცვლებსა და მაისურის ამარა სასტუმროს ნომრის აივანზე ფოტოსესია მოაწყო

თვითიზოლირების წესი ჯერ კიდევ მოქმედებს, მაგრამ ლიზას ზღვისპირა ქალაქი იმდენად მოენატრა, რომ პირველივე ხელსაყრელ მომენტში გასარუჯად გაეშურა. ცეცხლოვანმა შემსრულებელმა ბათუმის პლიაჟიდან ულამაზესი კადრები უკვე გამოაქვეყნა. მიუხედავად იმისა, რომ წლევანდელი ლოზუნგი დარჩი სახლშია, მომღერალმა სხეულს სათანადოდ მიხედა და სექსუალური ფორმები შეინარჩუნა. აღსანიშნავია, რომ ლიზას თაყვანისმცემლების არმია ჰყავს. რამდენიმე ხნის წინ მან ურთიერთობა თბილისელ უსიმპათიურეს ბიჭთან დაიწყო. ერთი წლის წინ ლიზა ყენია და კალათბურთელი გიორგი ბრაგვაძე ერთმანეთს დაშორდნენ. ახლა კი, საზოგადოება რეპერ „ძვალსა“ და მის ურთიერთობას აქტიურად განიხილავს.

View this post on Instagram

🦷

A post shared by Elizabeth Frisky (@elizabethfrisky8) on

ეპატაჟური და თანატოლებს შორის საკმაოდ პოპულარული გოგონა – ლიზა ყენია გარეგნობით, ხმის ტემბრით, მოქნილობით, პოზიტიური ხასიათითა და შესრულების განსაკუთრებული ნიჭით გამოირჩევა. მიუხედავად იმისა, რომ ლიზა ცნობილი „მზიურის“ ერთ-ერთი ცნობილი სოლისტის მაია ჯაბუას შვილია, მან თავის დამკვირდება შეძლო და დედის ჩრდილქვეშ არ მოექცა.

View this post on Instagram

Keep shining ⚡️✨🦋

A post shared by Elizabeth Frisky (@elizabethfrisky8) on

ცნობილი მომღერალი ლიზა ყენია განსაკუთრებულ ყურადღებას არა მხოლოდ შესრულების მანერით, არამედ ეპატაჟურობითაც იქცევს. შემსრულებელმა უამრავი ადამიანის ყურადღება ჯერ კიდევ თინეიჯერობის ასაკში მიიპყრო. ის სხვადასხვა მასშტაბურ შოუებსა და კონკურსებზე თავს პროფესიონალივით იჩენდა და დიდ წარმატებას უმოკლეს დროში მიაღწია. მაია ჯაბუას შუათანა ქალიშვილმა სახელი მომღერალ დედაზე სწრაფად გაითქვა.

View this post on Instagram

When somebody asks Me about Ma plans

A post shared by Elizabeth Frisky (@elizabethfrisky8) on

მიუხედავად იმისა, რომ ქართული შოუ-ბიზნესი არ არის განვითარებული, ლიზა ყენია ახალი ჰიტების შექმნას არ წყვეტს. ნიჭიერი არტისტის უახლეს კლიპებს ტენდენციურობა ეტყობა და ეს უფრო მეტ ხიბლს მატებს. მის ახალ სიმღერას YOUTUBE- ის ოფიციალურ გვერდზე 290 ათასამდე  ნახვა აქვს, რაც მთავარია ქართველი მომღერლების მიმართ კრიტიკულად განწყობილ საზოგადოებას ლიზას შემოქმედება მოეწონათ. აი, როგორ ეხმაურებიან შავკანიან მსახიობთან ერთად გადაღებულ კლიპს: „ნამდვილად კარგია, ქართველი არტისტისგან რომ არ ელი, აი ისეთია...; „სუპერ. თამამად შემიძლია ვთქვა, რომ საუკეთესოა, რაც კი მინახავს... ევროპის დონის კლიპია!“; „ძალიან კარგიაა. ლიზაა, ნიჭიერი გოგო ხარ! ეს სიმღერაა ორი დღეა აკვიატებული მაქვს“.

0
თემები:
სელებრითების ცხოვრება