ლელა ანჯაფარიძე

ძალიან დილა მშვიდობისა! - გოგო, რომელიც ყველა დილას აფერადებდა

1189
საქართველოს, თბილისს, ყველა ჩვენგანს დაგვაკლდა მისი თაობის ყველანაირად გამორჩეული გოგო - ლელა ანჯაფარიძე

„ძალიან დილა მშვიდობისა!“- ბოლო წლებია ასე ესალმებოდა მის პოსტებს ჩასაფრებულ ვირტუალურ პუბლიკას... საოცარი თემები, წერის განსხვავებული მანერა და ძალიან, ძალიან გულწრფელი ტონი, რომლითაც ყველაზე კრიტიკულად განწყობილი მკითხველის გულსაც კი ალღობდა და ათბობდა...

ჩვენი რედაქციისათვის მართლა სასიხარულო იყო, როცა ერთ მშვენიერ დღეს, სიამოვნებით დაგვთანხმდა შეთავაზებაზე, სპეციალურად ჩვენთვის დაეწერა მოგონებები.

ლელა ანჯაფარიძე მამასთან ერთად ოპერისა და ბალეტის თეატრის ეზოში
photo: courtesy of Lela Anjaparidze
ლელა ანჯაფარიძე მამასთან ერთად ოპერისა და ბალეტის თეატრის ეზოში

...და მოხდა ის, რაც უნდა მომხდარიყო!.. წელიწადნახევარის განმავლობაში გლუკოზას აბებივით „იღებდა“ ჩვენი მკითხველი მის მასალებს და ივსებოდა ენერგიით, სიკეთით და პოზიტივით... ყოველ დღე გვახსენებდა ძველ ამბებს, თანაც ისე, რომ მათ ხელახლა, ცხადად განვიცდიდით და ის განცდა მერე მთელი დღე გვყოფნიდა, მთელი დღე - მის მორიგ მოგონებამდე...  

მალე მისი ცხოვრების მთავარი პერსონაჟები ყველასთვის ახლობელი და მშობლიური გახდა: დედაჩკა- გალიჩკა, ალე ბებია, ჯემალიკო და ზურიკო, რომელთა ოჯახის წევრობითაც ასე ძალიან და სამართლიანად ამაყობდა... დღეს უკვე ყველა ერთად არის ზეციურ თბილისში, ქალაქში, რომელიც ასე უყვარდა და რომელსაც თავის მოგონებებში მეორე სიცოცხლე აჩუქა...

ლაბრადორ ბოსარიონოვიჩი და ქალბატონი ლელა ანჯაფარიძე
ლაბრადორ ბოსარიონოვიჩი და ქალბატონი ლელა ანჯაფარიძე

დღეს მისი „ძალიან დილა მშვიდობისა“ ჩვენი რედაქციის ოქროს ფონდის კუთვნილებაა და ძალიან ვამაყობთ, რომ ამ საოცარ ადამიანთან ურთიერთობის ბედნიერება გვქონდა.

მადლობა ლელა და გზა მშვიდობისა ზეციურ თბილისში!

1189

ამერიკული დავები: აშშ-ის მოქალაქეებს თბილისში პოლიცია ამშვიდებდა - ვიდეო

117
მინეაპოლისში აფროამერიკელი ჯორჯ ფლოიდის გარდაცვალებასთან დაკავშირებით საპროტესტო აქცია გაიმართა თბილისის ცენტრში. იხილეთ Sputnik-საქართველოს ვიდეოში, როგორ მიმდინარეობდა აქცია

აქციის ორგანიზატორები იყვნენ საქართველოში მცხოვრები ამერიკელები, რომლებსაც რიგითი მოქალაქეებიც შეუერთდნენ. აქცია სოციალური ქსელი Facebook-ის მეშვეობით დაიგეგმა.

საპროტესტო აქციამ, რომელიც ჯორჯ ფლოიდის გარდაცვალებას მოყვა, სწრაფად მოიცვა მთელი ამერიკა, შემდეგ კი სხვა ქვეყნებშიც გავრცელდა. აშშ-ში დემონსტრანტებმა დაარბიეს მაღაზიები, დაწვეს ავტომობილები და პოლიციის შენობები.

ასობით ადამიანი გამოვიდა ხელში პლაკატებით “ვიგუდები“ და „არ არის სამართალი, არ არის მშვიდობა“ ნიდერლანდებში, ესპანეთში, არგენტინაში, დიდ ბრიტანეთში, გერმანიასა და სხვა ქვეყნებში.

117
ავტომობილი პარკინგზე

მოქალაქეები „სითი პარკის“ გადაუხდელი ჯარიმებისგან გათავისუფლდებიან

53
(განახლებულია 19:39 04.06.2020)
მოქალაქეებს ჩამოეწერებათ ის ჯარიმები, რომლებიც დაკისრებულია 2018 წლის 10 აპრილამდე და რომელთა აღსრულება ჯერ არ მომხდარა.

თბილისი, 4 ივნისი – Sputnik. კომპანია „სითი პარკის“ მიერ დაჯარიმებული მოქალაქეები ჯარიმებისა და მათზე დარიცხული საურავებისგან წარმოშობილი ფინანსური ვალდებულებებისგან გათავისუფლდებიან, განაცხადა პარლამენტის რეგიონული პოლიტიკისა და თვითმმართველობის კომიტეტის თავმჯდომარემ ზაზა გაბუნიამ დღეს გამართულ ბრიფინგზე.

ზაზა გაბუნიამ პარლამენტში გამართულ ბრიფინგზე ახალი საკანონმდებლო ინიციატივა წარმოადგინა, რომელიც კომპანია „სითი პარკის“ მიერ დაჯარიმებული მოქალაქეების ჯარიმებისგან გათავისუფლებას ითვალისწინებს.

გაბუნიას განცხადებით, ასეთი ჯარიმების ოდენობა დაახლოებით 850 ათას ლარს შეადგენს და ამ კანონის საფუძველზე ათასობით მოქალაქე სრულად იქნება გათავისუფლებული ამ ფინანსური ვალდებულებისგან.

„საქმე ეხება ჯარიმებს, რომლებიც დაკისრებულია 2018 წლის 10 აპრილამდე, ანუ კომპანია „სითი პარკთან“ ხელშეკრულების გაწყვეტამდე და რომელთა აღსრულება ჯერ არ მომხდარა. ეს გადაუხდელი ჯარიმები რჩებოდა მნიშვნელოვან ფინანსურ და ეკონომიკურ პრობლემად მოქალაქეებისთვის და, ჩვენი გადაწყვეტილებით, ამ დავალიანების მქონე მოქალაქეები გათავისუფლდებიან ჯარიმის, საურავისა და აღსრულების ხარჯების გადახდისგან და მოეხსნებათ ფინანსური დავალიანება“, – აღნიშნა გაბუნიამ.

მისი განცხადებით, აღნიშნულ საკითხზე იდეა და ინიციატივა ეკუთვნის დედაქალაქის მერს კახა კალაძეს და მას საქართველოს პარლამენტი მხარს უჭერს.

დღეიდან პარკირების სისტემას „თბილისის სატრანსპორტო კომპანია“ გააკონტროლებს>>

კომპანია „სითი პარკმა" 2007 წელს თბილისის მთავრობის მიერ გამოცხადებულ აუქციონში გაიმარჯვა და ქალაქის პარკირების მართვის ექსკლუზიური უფლება 15 წლის ვადით მოიპოვა. თუმცა, თბილისის მერიის გადაწყვეტილებით, კომპანიასთან კონტრაქტი 2018 წლის 10 აპრილიდან გაუქმდა, რის შემდეგაც მისი ფუნქციები „თბილისის სატრანსპორტო კომპანიამ" შეითავსა.

53
თემები:
საქართველოს პარლამენტი
„აწარმოე საქართველოში“ - შპალერის ფაბრიკა

მთავრობის გეგმები: ერთ–ერთი წარმატებული პროექტი ფართოვდება

0
(განახლებულია 09:21 05.06.2020)
პროექტი ადრე 100 დარგის საწარმოებს ეხმარებოდა, ახლა ეს რაოდენობა, პრაქტიკულად, ორმაგდება, განაცხადა მინისტრმა

თბილისი, 5 ივნისი – Sputnik. საქართველოს ხელისუფლებამ ბიზნესის დახმარების ერთ–ერთი ყველაზე წარმატებული პროექტის „აწარმოე საქართველოში“ გაფართოების გადაწყვეტილება მიიღო, განაცხადა ქვეყნის ეკონომიკისა და მდგრადი განვითარების მინისტრმა ნათია თურნავამ.

თურნავა: საქართველოში საუკეთესო ბიზნეს გარემოა შექმნილი>>

სამთავრობო პროგრამა „აწარმოე საქართველოში“ 2014 წლის ზაფხულში შეიქმნა. მისი მიზანია ქვეყანაში ადგილობრივი წარმოების წახალისება. 2017 წლის აპრილში შეიქმნა ამავე სახელწოდების სააგენტო, რომელმაც გააერთიანა ქვეყნის ბიზნეს–სექტორისა და ეკონომიკური განვითარების ხელშეწყობისკენ მიმართული ყველა სახელმწიფო პროგრამა.

„სახელმწიფო პროგრამის ფარგლებში გაიზრდება სესხების არეალი, რომელსაც მთავრობა დაეხმარება. თუ აქამდე მთავრობა ეხმარებოდა კომპანიებს, რომელთა სესხის მოცულობა 150 ათასი ლარიდან 5 მილიონამდე იყო, ახლა ქვედა ზღვარი 50 ათასი ლარი იქნება, ზედა კი - 10 მილიონი. ამასთან, თუ აქამდე მთავრობის თანადაფინანსება 24 თვეს გრძელდებოდა, ახლა ეს პერიოდი 36 თვემდე იზრდება“

ამას გარდა, მინისტრის განცხადებით, თუ აქამდე პროექტი 100 დარგის საწარმოებს ეხმარებოდა, ახლა მათი რაოდენობა, პრაქტიკულად, ორმაგდება, მათ შორის მოხვდება სამშენებლო ინდუსტრია და სამშენებლო მასალების წარმოება.

თურნავამ აღნიშნა, რომ ეს გადაწყვეტილება საქართველოს მთავრობის ანტიკრიზისული პროგრამის ფარგლებში მიიღეს. ცვლილებები პროგრამაში აისახება სახელმწიფო ბიჯეტში, რომლის ახალი რედაქცია პარლამენტში პარასკევს შევა.

0
თემები:
სამთავრობო პროგრამა „აწარმოე საქართველოში“