გია ყანჩელი

თბილისის ერთ-ერთ ქუჩას გია ყანჩელის სახელი მიენიჭება

94
რომელ გეოგრაფიულ ობიექტს მიენიჭება დიდი კომპოზიტორის სახელი, ყანჩელის ოჯახი და საზოგადოება გადაწყვეტს

თბილისი, 5 ოქტომბერი — Sputnik. თბილისის საკრებულოში გამოვიდნენ ინიციატივით თბილისის ერთ-ერთ გეოგრაფიულ ობიექტს გამოჩენილი ქართველი კომპოზიტორის, გია ყანჩელის სახელი მიენიჭოს, ნათქვამია თბილისის საკრებულოს სახელდებისა და სიმბოლიკის კომისიის განცხადებაში.

„მისი მელოდიები სულის სიმებს ეხებოდა“ - რუსეთში ყანჩელს გლოვობენ >>

გია ყანჩელი 84 წლის ასაკში 2 ოქტომბერს გარდაიცვალა. გამოჩენილი მუსიკოსი დღეს დიდუბის მწერალთა და საზოგადო მოღვაწეთა პანთეონში დაკრძალეს. უკანასკნელ გზაზე ის რუსთაველის თეატრიდან აპლოდისმენტების ფონზე გამოასვენეს.

„კომპოზიტორის გარდაცვალება უდიდესი დანაკლისია არა მხოლოდ ჩვენი ქვეყნისთვის, არამედ მთელი მსოფლიოს კულტურისთვის. საერთაშორისო მნიშვნელობისაა ის უკვდავი საგანძური, რომელიც გია ყანჩელმა დაგვიტოვა. ვუსამძიმრებთ ოჯახს და სრულიად საქართველოს“, - ნათქვამია განცხადებაში.

რომელ ობიექტს მიენიჭება კომპოზიტორის სახელი, კომისია ყანჩელის ოჯახთან და საზოგადოებასთან კონსულტაციების შემდეგ გადაწყვეტს.

გია ყანჩელი მრავალი სიმფონიური და კამერული ნაწარმოების ავტორია. დაწერილი აქვს მუსიკა დრამატული სპექტაკლებისთვის, ათეულობით კინოფილმისთვის, მათ შორის ისეთი პოპულარული ფილმებისთვის, როგორებიცაა „მიმინო", „შერეკილები", „არ დაიდარდო", „ქინ-ძა-ძა", „ცისფერი მთები ანუ დაუჯერებელი ამბავი" და სხვ.

გია ყანჩელი მრავალი პრემიის ლაურეატია, მინიჭებული აქვს საქართველო სახელმწიფო პრემია, რუსთაველის პრემია და „ღირსების ორდენი", პრემია „ნიკე" ფილმისთვის („ქინ-ძა-ძა") დაწერილი საუკეთესო მუსიკისთვის (1987), „ვოლფის" პრემია და სხვ. არის საქართველოს სახალხო არტისტი, მინიჭებული აქვს თბილისის საპატიო მოქალაქის წოდება (2007). ყანჩელი არის რუსეთის კინემატოგრაფიული ხელოვნების აკადემია „ნიკას" აკადემიკოსი.

დიდებული კომპოზიტორის გარდაცვალება უდიდესი დანაკლისია არა მხოლოდ ქართული ხელოვნებისთვის, არამედ მთელი მსოფლიო საზოგადოებრიობისთვის. კომპოზიტორს გლოვობს ყველა – გამოჩენილი კულტურული და საზოგადო მოღვაწეები, ისინი, ვინც ყანჩელს პირადად იცნობდა და ისინიც, ვინც მის მუსიკებზე გაიზარდა.

94
თემები:
თბილისი დღეს (1616)
კახა კალაძე

თბილისის მუნიციპალური სამსახურები მუშაობას 1 ივნისიდან განაახლებენ

58
(განახლებულია 19:17 27.05.2020)
დედაქალაქის მერია ცხოვრების ჩვეულ რიტმს ეტაპობრივად უბრუნდება – 1 ივნისიდან მუშაობას დაიწყებენ კომისიები, თანამშრომლები კი, რომლებიც დისტანციურ რეჟიმში მუშაობდნენ, სამუშაო ადგილებს დაუბრუნდებიან.

თბილისი, 27 მაისი – Sputnik. თბილისის მუნიციპალური სამსახურები მუშაობას 1 ივნისიდან ეტაპობრივად განაახლებენ, მათ შორის, გაიხსნება მოქალაქეთა მომსახურების ცენტრები, განაცხადა თბილისის მერმა კახა კალაძემ დღეს გამართულ დედაქალაქის მთავრობის სხდომაზე. 

მისი თქმით, მუნიციპალური სამსახურების მუშაობის შეფერხების მიზეზი ქვეყანაში შექმნილი რთული ეპიდვითარება გახდა.

როგორც კალაძემ აღნიშნა, აღნიშნულ პერიოდში მხოლოდ ის სამსახურები მუშაობდნენ, რომლებიც ჯანდაცვისა და სოციალურ მიმართულებებს უკავშირდებოდნენ.

„პარალელურ რეჟიმში მერიის ის თანამშრომლები, რომლებიც მთელი ამ პერიოდის განმავლობაში დისტანციურ რეჟიმში მუშაობდნენ, სამუშაო ადგილებს ეტაპობრივად დაუბრუნდებიან. მართალია, კორონავირუსი ჯერ არ დაგვიმარცხებია, მაგრამ იმედი მაქვს, რომ უსაფრთხოების ნორმებისა და რეკომენდაციების სრული შესაბამისობით ჩვენ შევძლებთ ცხოვრების ნორმალურ წესს დავუბრუნდეთ“, – განაცხადა კალაძემ. 

კალაძის სიტყვებით, 1 ივნისიდან აღდგება ადმინისტრაციული საჩივრების მიღება და განახლდება რიგი კომისიების სხდომები, მათ შორის – კულტურული ღონისძიებების დაფინანსების, თვითნებურად დაკავებულ მიწაზე საკუთრების უფლების აღიარების და დაუმთავრებელ მშენებლობებთან დაკავშირებული საკითხების განმხილველი კომისიების სხდომები.

ასევე განახლდება მერიის მუნიციპალურ სამსახურებში მოხელეთა ვაკანტურ თანამდებობებზე გამოცხადებული კონკურსები.

„აქ ასევე აუცილებელია ყველა რეკომენდაციის გათვალისწინება. ჩვენი თანამშრომლების აღჭურვა პირბადეებით, ხელთათმანებით, სადეზინფექციო ხსნარებით. ყველა ეს მიმართულება უნდა მოწესრიგდეს, რათა მოქალაქეებს კითხვები არ გაუჩნდეთ“, – განაცხადა დედაქალაქის მერმა.

დედაქალაქის მთავრობის დღევანდელ სხდომაზე ასევე გამოითქვა ის რეკომენდაციები, რომლებიც ძალაში 29 მაისიდან – საზოგადოებრივი ტრანსპორტის მუშაობის განახლებისთანავე შევა. მგზავრები ვალდებული არიან დამცავი პირბადეები გამოიყენონ, ავტობუსებმა კი უნდა იმოძრაონ გამორთული კონდიციონერებითა და ღია ფანჯრებით, რათა ტრანსპორტი კარგად განიავდეს.

58
თემები:
COVID-19 საქართველოში
მეტროში

რიგში ჩადექით: მგზავრთა ნაკადს ავტობუსების გაჩერებებზე პატრული გააკონტროლებს

99
(განახლებულია 19:12 27.05.2020)
მგზავრთნაკადის რეგულირება მოხდება როგორც ავტობუსებში, ისე მეტროში – ამას საპატრულო პოლიცია და მუნიციპალური ინსპექცია მიხედავენ.

თბილისი, 27 მაისი – Sputnik. მგზავრთა ნაკადს საზოგადოებრივ ტრანსპორტში და გაჩერებებზე მუნიციპალურ სამსახურებთან ერთად საპატრულო პოლიცია გააკონტროლებს, განუცხადა ჟურნალისტებს თბილისის ვიცე-მერმა ირაკლი ხმალაძემ.

29 მაისიდან საზოგადოებრივი ტრანსპორტი ამუშავდება>>

დღეს უწყებათშორისი საკოორდინაციო საბჭოს სხდომაზე, რომელსაც პრემიერ-მინისტრი ხელმძღვანელობს, გადაწყდა ყველა სახის მუნიციპალური ტრანსპორტის, მათ შორის, მეტროს მუშაობის განახლება პარასკევიდან, 29 მაისიდან.

„შეზღუდვები იქნება. მაგალითად, მძღოლის ბარიერი იქნება, რათა მძღოლი იყოს დაცული, პირბადეები იქნება მოთხოვნილი და ამის კონტროლს გააკეთებენ მუნიციპალური სამსახურები. ასევე საპატრულო პოლიციის დანაყოფები დაგვეხმარებიან, განსაკუთრებით, მეტროს შემთხვევაში. ჩვენი თანამშრომლები იმოძრავებენ როგორც შიგნით ტრანსპორტში, ასევე მოხდება გაჩერებებიდან გაკონტროლება... შეიძლება მოგვიწიოს გარკვეული რაოდენობრივი კონტროლის დაცვა, რათა არ მოხდეს გადავსება საზოგადოებრივი ტრანსპორტის“, – განაცხადა ხმალაძემ.

ვიცე-მერის განცხადებით, მგზავრთა რაოდენობა გაკონტროლდება მეტროს როგორც ზედა, ისე ქვედა ვესტიბიულებში.

„ადამიანების რაოდენობა მეტროს ვაგონებში არ უნდა გაკონტროლდეს. კონტროლი იქნება მეტროში შეშვებაზე. გვაქვს ყოველდღიური დაკვირვების შედეგად მონაცემები, როგორ იზრდება ნაკადები პიკის საათების და სეზონების მიხედვით. შესაბამისად, ამას დაარეგულირებს სატრანსპორტო კომპანია, რომლის აღსრულებაშიც დაგვეხმარებიან მუნიციპალური ინსპექცია, დაცვის პოლიცია და თბილისის საპატრულო პოლიცია“, – განაცხადა ხმალაძემ.

ვიცე–მერის თქმით, ძალზე რთულია იმის თქმა, თუ რამდენი ადამიანი შეიძლება შევიდეს ერთ შეშვებაზე. ყველა მეტროს სადგურს და მიმართულებას თავისი დატვირთვა აქვს დროისა და სეზონის მიხედვით.

„ადამიანების რაოდენობის კონტროლი და დაკვირვება ხდება როგორც ზედა ვესტიბიულში, ასევე ქვედა ვესტიბიულში და თვითონ ვაგონებში. შესაბამისად, ამ ინფორმაციის ოპერატიულ რეჟიმში გადაცემის შედეგად შესაძლებელია მოხდეს ორი წამის შუალედით ზედა ვესტიბიულში ნაკადების შემოდინების შეზღუდვა“, – აღნიშნა ხმალაძემ.

საზოგადოებრივი ტრანსპორტის მუშაობის აღდგენა მოქალაქეებისგან უფრო მეტ დაკვირვებასა და დადგენილი წესების შესრულებას მოითხოვს, განაცხადა ქალაქის მთავრობის სხდომაზე თბილისის მერმა კახა კალაძემ.

საქალაქთაშორისო ტრანსპორტი 8 ივნისიდან განაახლებს მუშაობას>>

„მეტროში, ისევე, როგორც ავტობუსებსა და მიკროავტობუსებში, აუცილებელი იქნება პირბადის ტარება... ჩვენ ამას გავუწევთ ზედამხედველობას“, – განაცხადა კალაძემ და ეს მიმართულება თავის მოადგილეებს ირაკლი ხმალაძესა და მაია ბითაძეს დაავალა.

ქალაქის ხელისუფლების წარმომადგენლები უკვე შეხვდნენ ავტობუსებისა და მიკროავტობუსების მძღოლებს და მათ მუშაობის ახალი წესები გააცნეს. კერძოდ, ავტობუსებმა უნდა იმოძრაონ გამორთული კონდიციონერებით და ღია ფანჯრებით, რათა ტრანსპორტი კარგად განიავდეს.

99
თემები:
COVID-19 საქართველოში
დაკეტილი კაფე მცხეთაში

კორონავირუსი საქართველოში: საგანგებო მდგომარეობის შემდეგ შეზღუდვების სრული სია/28 მაისი

78492
23 მაისიდან საქართველოში საგანგებო მდგომარეობა აღარ მოქმედებს, მაგრამ მთავრობამ შეზღუდვების ნაწილი ძალაში დატოვა.

თბილისი, 28 მაისი – Sputnik. საგანგებო მდგომარეობის რეჟიმის მოხსნის შემდეგ, კორონავირუსით ინფიცირებულთა რაოდენობის ზრდის თავიდან აცილების მიზნით, საქართველოს მთავრობამ შეზღუდვების და აკრძალვების ნაწილი ძალაში დატოვა. ეს შესაძლებელი გახდა პარლამენტის მიერ დამტკიცებული ცვლილებებით კანონში „საზოგადოებრივი ჯანმრთელობის შესახებ“. ახლა მთავრობას მიენიჭა უფლება შემოიღოს შეზღუდვები საგანგებო მდგომარეობის რეჟიმის მოხსნის შემდეგ.

ცვლილებები 15 ივლისამდე იმოქმედებს.

მოქმედი ძირითადი შეზღუდვების ჩამონათვალი:

  • რესტორნები, სასტუმროები, ტანსაცმლისა და ფეხსაცმლის მაღაზიები, სავაჭრო მოლები, სპორტდარბაზები ივნისის დასაწყისიდან ეტაპობრივად გაიხსნება;

  • რესტორნებს აქვთ მხოლოდ კერძების მიწოდების სერვისით მუშაობის უფლება, აგრეთვე ფეხსაცმლისა და ტანსაცმლის მაღაზიებს შეუძლიათ ონლაინ ვაჭრობა;
  • ტაქსის მძღოლისთვის სავალდებულოა პირბადის ტარება, ტაქსით ორზე მეტი მგზავრის გადაყვანა არ შეიძლება, ისიც უკანა სავარძელზე
  • აკრძალულია კულტურული და სპორტული ღონისძიებების გამართვა;
  • კაზინოების და ტოტალიზატორების მუშაობა დაშვებულია მხოლოდ ონლაინ;

მთავრობა საქართველოს ყველა მოქალაქეს მოქმედი რეკომენდაციების დაცვისკენ მოუწოდებს.

ტრანსპორტი

  • აკრძალულია საერთაშორისო სამგზავრო სახმელეთო და საზღვაო მიმოსვლა;
  • აკრძალულია პირდაპირი საერთაშორისო რეგულარული ავიარეისები, ჩარტერულის გარდა, რომელიც ინიშნება მხოლოდ საქართველოს მოქალაქეთა დაბრუნების მიზნით;
  • აკრძალულია სარკინიგზო ტრანსპორტით მგზავრთა გადაყვანა;
  • აკრძალულია საქალაქთაშორისო და მუნიციპალიტეტების ტერიტორიაზე მგზავრთა გადაყვანა სამარშრუტო ტაქსებითა და ავტობუსებით;
  • აკრძალულია საზოგადოებრივი ტრანსპორტით, მათ შორის, მეტროპოლიტენითა და საბაგიროთი გადაადგილება.

საზოგადოებრივი ცხოვრება

  • აკრძალულია 10-ზე მეტი ადამიანის თავშეყრა ტრადიციულ სოციალურ ღონისძიებებზე (ქორწილი, ნებისმიერი იუბილე, ქელეხი და ა.შ.);
  • ყველა სახის ტრენინგი, კონფერენცია და სემინარი უნდა ჩატარდეს დისტანციურად;
  • სკოლებსა და უნივერსიტეტებში სასწავლო პროცესი კვლავ დისტანციურად განხორციელდება;
  • დასაშვებია უნივერსიტეტში პრაქტიკული/ლაბორატორიული სამუშაოებისა და გამოცდების ჩატარება არადისტანციურად, მაგრამ რეკომენდაციების შესაბამისად;
  • კულტურული ღონისძიებები მხოლოდ დისტანციური ფორმით ჩატარდება;
  • აკრძალულია მასობრივი სპორტული ღონისძიებების, შეკრებების და შეჯიბრებების ჩატარება;

ეკონომიკური საქმიანობა

  • აკრძალულია რესტორნებში, ბარებში, კაფეებსა და სასადილოებში მომხმარებლის ადგილზე კვების მომსახურება;
  • აკრძალულია ფეხსაცმლისა და ტანსაცმლის მაღაზიების მუშაობა;
  • აკრძალულია სავაჭრო ცენტრების და ბაზრობების მუშაობა, აგრარული ბაზრობების გარდა;
  • აკრძალულია სპორტული, კულტურული და გასართობი ღონისძიებების ორგანიზება და გამართვა;
  • აკრძალულია ვალუტის გადამცვლელი პუნქტების მუშაობა;
  • აკრძალულია სპორტულ-გამაჯანსაღებელი აქტივობები და პროცედურები.

ამ მომენტისათვის ინფიცირებულთა რაოდენობა 735 ადამიანს შეადგენს, აქედან 557 გამოჯანმრთელდა, 12 კი გარდაიცვალა. კიდევ სამი ინფიცირებული მოქალაქე სამკურნალოდ სხვა ქვეყნებიდან ჩამოიყვანეს. ეპიდემიოლოგები მიიჩნევენ, რომ ჯერჯერობით აუცილებელია სოციალური დისტანციის უზრუნველყოფა და მოქალაქეთა მობილობის შეზღუდვა.

კორონავირუსით ინფიცირების ახალი შემთხვევების უმრავლესობა შიდა გადაცემას უკავშირდება.

საქართველო სხვა ქვეყნებისთვის კორონავირუსთან ბრძოლაში სამაგალითოა >>

უწყებათშორისი საკოორდინაციო საბჭო ოპერატიულად აფასებს სიტუაციას და შეიმუშავებს ახალ რეკომენდაციებს და შეზღუდვებს.

მთავრობის სპეციალურ ვებ-გვერდზე stopcov.ge გამოქვეყნებული ბოლო მონაცემების თანახმად, საკარანტინო სივრცეში იმყოფება 3076, სტაციონარებში მეთვალყურეობის ქვეშ კი 250 ადამიანია.

მთავრობა მოსახლეობას მოუწოდებს, ქვეყანაში კორონავირუსთან დაკავშირებით მხოლოდ და მხოლოდ გადამოწმებულ და ოფიციალურად დადასტურებულ ინფორმაციას ენდონ. ყველა ინფორმაციის მოძიება შესაძლებელია მთავრობის მიერ სპეციალურად შექმნილ ვებ-გვერდზე StopCoV.ge.

„ცხელი ხაზის“ ნომრები: ცხელი ხაზი კარანტინის რეჟიმის საკითხებზე – 144. საქართველოს ჯანდაცვა – 15 05 (დღე-ღამის განმავლობაში); დაავადებათა კონტროლის ცენტრი – 116 001 (21:00-მდე სამუშაო დღეებში და 18:00-მდე დასვენების დღეებში).

ყველა მოხალისეს, რომელსაც აქვს დრო და სურვილი დაეხმაროს ხანდაზმულ ადამიანებს, ასევე მათ, ვისაც სპეციალური დახმარება ესაჭიროება, შეუძლია დარეკოს მერიის ცხელ ხაზზე (032)2722222 და წითელი ჯვრის ცხელ ხაზზე - 0800 000 018.

კორონავირუსი საქართველოში: შეზღუდვების მოხსნის ეტაპები
© Sputnik / Konstantin Ivanov.
კორონავირუსი საქართველოში: შეზღუდვების მოხსნის ეტაპები
78492
თემები:
COVID-19 საქართველოში