თბილისი, 29 სექტემბერი - Sputnik. დედაქალაქში მერვე ყოველწლიური საქველმოქმედო თბილისის მარათონი დაიწყო - თბილისის ცენტრში ტრანსპორტის მოძრაობა შეზღუდულია.
მარათონი ტრადიციულად ტარდება თბილისის ცენტრალურ ქუჩებში. მორბენლებმა სტარტი 9:00 საათზე რუსთაველის გამზირზე პირველი სკოლის ტერიტორიიდან აიღეს, დაარტყამენ წრეს და ფინიშიც იქვე იქნება.
შესაბამისად, შეზღუდვები ვრცელდება კრწანისის მოედანზე, გორგასლის ქუჩაზე, კოტე აფხაზის, თავისუფლების მოედანზე, რუსთაველის გამზირზე, ჯავახიშვილის ქუჩაზე, ტაბიძის ხიდზე, მარჯანიშვილის ქუჩაზე, აღმაშენებლის გამზირზე (მარჯანიშვილის მოედნიდან დაწყებული თამარ-მეფის გამზირამდე), ბაქოს, წინამძღვრიშვილის ქუჩებზე, ზაარბრიუკენის მოედანზე და მტკვრის მარჯვენა სანაპიროზე.
შეზღუდვა იმოქმედებს 13:00 საათამდე. საზოგადოებრივი ტრანსპორტის მარშრუტი ასევე დროებით შეიცვლება.
მარათონი საქველმოქმედოა. გასულ წელს, 50-მდე ქვეყნიდან დაახლოებით 2,8 ათასი ადამიანი მონაწილეობდა. აქედან 500 ბავშვი იყო.
