ლისის ტბის მიმდებარე ტერიტორიის დასუფთავება

კრწანისის ტყე-პარკში დასუფთავების აქცია გაიმართა

91
(განახლებულია 21:12 21.09.2019)
კრწანისის ტყე-პარკში გამართულ ღონისძიებას ესწრებოდნენ აშშ-ს ელჩის მოვალეობის შემსრულებელი ელიზაბეტ რუთი, გარემოს დაცვისა და სოფლის მეურნეობის მინისტრის მოადგილე სოსო პავლიაშვილი და CENN–ის ხელმძღვანელი ნანა ჯანაშია

თბილისი, 21 სექტემბერი - Sputnik. დასუფთავების მსოფლიო დღესთან დაკავშირებით კრწანისის ტყე-პარკში გაიმართა დასუფთავების აქცია, რომელშიც თბილისის მერის მოადგილემ მაია ბითაძემ, მიიღო მონაწილეობა, ნათქვამია თბილისის მერიის მიერ გავრცელებულ განცხადებაში.

დასუფთავების აქციის დაწყებამდე მაია ბითაძემ შეკრებილ საზოგადოებას მიმართა და დღევანდელი დღის მნიშვნელობაზე ისაუბრა. მან ასევე გაიხსენა გარემოს დაცვის სამინისტროში მუშაობის პერიოდი, როდესაც ის „ნარჩენების შესახებ კანონზე" მუშაობდა. მან აღნიშნა, რომ კანონზე მუშაობა 1999 წელს დაიწყო და დასრულდა მხოლოდ 2015 წელს, ევროკავშირისა და ამერიკის შეერთებული შტატების განვითარების სააგენტოს (USAID) მხარდაჭერით. 

„ისინი ათეული წლების განმავლობაში გვიწევდნენ დახმარებას, რათა იმ მომავალი თაობის ცნობიერება, რომელიც აქ იმყოფება, სხვაგვარი ყოფილიყო. მადლობა მინდა ასევე გადავუხადო CENN–ს, რომელიც ჩვენი აქტიური პარტნიორია. CENN–ისა და ამერიკის შეერთებული შტატების განვითარების სააგენტოს (USAID) მეშვეობით, გასულ წელს თბილისში სეპარირებული ურნები განვათავსეთ, რაც ძალიან კარგად მუშაობს. არც ერთი იქ შეგროვებული ნარჩენი არ მიდის ნაგავსაყრელზე, არამედ მეორად პროდუქტად გადაქცევას, რეციკლირებას ექვემდებარება. აქ იმყოფებიან „თბილსერვისის“ წარმომადგენლები, ის ადამიანები, რომლებიც ყოველდღიურად ზრუნავენ თბილისის ქუჩების მოვლა-დასუფთავებაზე. მე მოსახლეობის იმედი მაქვს, რომ ამ ადამიანების შრომა თუნდაც იმით დაფასდება, რომ დამატებით ნარჩენს არ გადავაგდებთ ჩვენს საცხოვრებელ გარემოში“, - განაცხადა მაია ბითაძემ.

კრწანისის ტყე-პარკში გამართულ ღონისძიებას ესწრებოდნენ აშშ-ს ელჩის მოვალეობის შემსრულებელი ელიზაბეტ რუთი, გარემოს დაცვისა და სოფლის მეურნეობის მინისტრის მოადგილე სოსო პავლიაშვილი და კავკასიის გარემოსდაცვითი არასამთავრობო ორგანიზაციების ქსელის (CENN) ხელმძღვანელი ნანა ჯანაშია.

კრწანისის ტყე-პარკში გამართულ დასუფთავების აქციაში სხვადასხვა სკოლა და უნივერსიტეტი, მოხალისეები, კერძო კომპანიები და CENN–ის კამპანიის - „გარემოს გულისათვის“ პარტნიორი ორგანიზაციები იღებდნენ მონაწილეობას.

დასუფთავების მსოფლიო დღე: საქართველო გლობალურ აქციას უერთდება >>

გარემოსდაცვითი აქციის ორგანიზატორი არასამთავრობო ორგანიზაცია CENN–ი და USAID–ია, პარტნიორი - გარემოს დაცვისა და სოფლის მეურნეობის სამინისტრო და თბილისის მერია.

91
თემები:
გარემოს დაცვა და ეკოლოგია (153)

ანტი-კომენდანტი: აქცია კოვიდ-შეზღუდვების წინააღმდეგ თბილისში

83
შაბათს თბილისის საკრებულოს შენობასთან კოვიდ-შეზღუდვების წინააღმდეგ რამდენიმე საათიანი საპროტესტო აქცია გაიმართა. დაწვრილებით - Sputnit-საქართველოს ვიდეოში იხილავთ

კოვიდ-შეზღუდვების წინააღმდეგ აქციაში 200-ზე მეტი ადამიანი მონაწილეობდა. მომიტინგეებს შორის ძირითადად ახალგაზრდები იყვნენ, რომლებიც გასართობი დაწესებულებეის გახსნასა და საკომენდანტო საათის გაუქმებას მოითხოვდნენ. ზოგიერთი მათგანის ბანერზე ეწერა „ანტი-კომენდანტი“.

აქციაში ასევე მონაწილეობდნენ მომღერლები, მუსიკოსები, ტურისტული სფერს წარმომადგენლები, პოლიტიკოსები და საზოგადო მოღვაწეები, მათ შორის პარტია „გირჩისა“ და ლეიბორისტული პარტიის წარმომადგენლები, ასევე სამოქალაქო სექტორის აქტივისტები.

აქცია თავდაპირველად უშუალოდ საკრებულოს შენობასთან დაიწყო, მოგვიანებით დემონსტრანტებმა ბანერებიანად წრიულ კუნძულზე წმინდა გიორგის ქანდაკების ძირში გადაინაცვლეს. მიტინგის დროს სატრანსპორტო მიმოსვლა შეიზღუდა, თუმცა არ გადაკეტილა. საავტომობილო მოძრაობას ადგილზე საპატრულო პოლიციის თანამშრომლები აკონტროლებდნენ.

 

83
სანიაღვრე ჭა

თბილისში სანიაღვრე ჭების სახურავების მოპარვის ფაქტები გახშირდა

50
(განახლებულია 21:31 06.03.2021)
ღია სანიაღვრე ჭები საფრთხეს უქმნის როგორც ქვეითად მოსიარულეებს, ისე ავტომობილებს. ფაქტებზე გამოძიება მიმდინარეობს, კომპანიის თანამშრომლები კი ახალ სახურავებს ამონტაჟებენ

თბილისი, 6 მარტი – Sputnik. შპს „თბილსერვის ჯგუფი“, რომელიც დედაქალაქის კეთილმოწყობით არის დაკავებული, ბოლო პერიოდში სანიაღვრე ჭების გახშირებულ ქურდობებზე საუბრობს.

„სამწუხაროდ, ბოლო პერიოდის განმავლობაში, დედაქალაქის მასშტაბით, სანიაღვრე ჭების სახურავების მოპარვის არაერთი შემთხვევა დაფიქსირდა. ღია ჭები საფრთხეს უქმნის, როგორც ქვეითად მოსიარულეებს, ასევე, ავტომანქანების მძღოლებს“, - აცხადებენ უწყებაში.

აღნიშნულ ფაქტთან დაკავშირებით უკვე დაწყებულია შესაბამისი საგამოძიებო მოქმედებები.

გამოძიების პარალელურად, „თბილსერვის ჯგუფის“ თანამშრომლების მიერ ჭების დახურვის პროცესი მიმდინარეობს, აცხადებენ სამსახურში.

რკინის ჯართის ქურდობა 90-იანი წლების საქართველოში ერთ-ერთი ყველაზე გავრცელებული დანაშაული იყო. მაშინ მედიაში ხშირი იყო ცნობები ჭების სახურავების, მავთულების და რელსების ქურდობის შესახებ.

დღეისათვის ქურდობა ზოგადად ერთ-ერთი გავრცელებული დანაშაულია და ქვეყანაში ჩადენილი დანაშაულების დაახლოებით მეოთხედს შეადგენს.

შეზღუდული პასუხიმგებლობის საწარმო „თბილსერვის ჯგუფი“ 2007 წელს ქალაქ თბილისის მთავრობის მიერ 100%-იანი წილობრივი მონაწილეობით დაფუძნებული კომპანია.

50
საპატრულო პოლიცია

თელავში 27 წლის  მამაკაცმა ოჯახის სამი წევრი მოკლა

0
(განახლებულია 18:49 07.03.2021)
მომხდარის შესახებ დამატებითი ინფორმაცია ამ დროისთვის უცნობია. გამოძიება ოჯახური ნიშნით დამამძიმებელ გარემოებაში ჩადენილი განზრახ მკვლელობის მუხლით მიმდინარეობს

თბილისი, 7 მარტი - Sputnik. კახეთში საშინელი ტრაგედია მოხდა - თელავში, გოშაძის ქუჩაზე 27 წლის მამაკაცმა ცეცხლსასროლი იარაღით მშობლები და ბებია მოკლა და მიიმალა, იუწყება ტელეკომპანია „რუსთავი2“.

შემთხვევა ცოტა ხნის წინ მოხდა. ადგილზე პოლიციაა მობილიზებული.

შსს-ს ინფორმაციით, დანაშაულის ჩამდენი პირის დაკავების მიზნით საგამოძიებო და ოპერატიული ღონისძიებები ინტენსიურ რეჟიმში ტარდება.

ტრაგედიის მიზეზები ჯერჯერობით უცნობია.

მომხდარ ფაქტზე გამოძიება ოჯახური ნიშნით დამამძიმებელ გარემოებაში ჩადენილი განზრახ მკვლელობის მუხლით (სსკ-ის 11 პრიმა-109-ე მუხლი) მიმდინარეობს.

 

0