გლდანის პარკი

გლდანში ახლად აშენებული პარკი გაანადგურეს: პარკებში უსაფრთხოების ზომები გამკაცრდება

184
(განახლებულია 20:40 04.09.2019)
პარკი დაახლოებით ერთი თვის წინ მოეწყო, თუმცა ის ფაქტიურად უკვე განადგურებულია.

თბილისი, 4 სექტემბერი — Sputnik. გლდანის მეექვსე მიკრორაიონში ახლად გახსნილი პარკი ვანდალებმა გაანადგურეს, ამის შესახებ თბილისის მერმა კახა კალაძემ დედაქალაქის მუნიციპალიტეტის მთავრობის სხდომაზე ისაუბრა.

დაპირება შესრულებულია: გლდანში განახლებული პარკი საზეიმოდ გაიხსნა >>

მისი თქმით, სულ რაღაც ერთი თვის წინ დედაქალაქის მერიამ სამ ჰექტარ მიწაზე მრავალფუნქციური პარკი მოაწყო, თუმცა ის უკვე დაზიანებულია.

მერმა სხდომაზე დაზიანებული პარკის ამსახველი სურათებიც წარმოადგინა.

„გული მწყდება, რადგან ის, რაც კეთდება, კეთდება ისევ თქვენი ფულით. თქვენი გადასახადებიდან იხარჯება თანხები, რათა ქალაქში, ქვეყანაში, სხვადასხვა მნიშვნელოვანი პროექტები განხორციელდეს. ქალაქთან მიმართებაში ისეთივე დამოკიდებულება უნდა გვქონდეს, რაც საკუთარ სახლთან მიმართებაში გაქვთ“, – განაცხადა კახა კალაძემ.

თბილისის მერმა უსაფრთხოების სამსახურსა და მუნიციპალურ ინსპექციას მოუწოდა, რომ მაქსიმალურად გაამკაცრონ უსაფრთხოების ზომები, დაამატონ კამერები და გამოყონ დაცვის თანამშრომლები, რომლებიც პატრულირებას განახორციელებენ პარკებში.

ამასთან ერთად თბილისის მერმა მოსახლეობასაც მოუწოდა დახმარებისკენ.

„ვფიქრობ, ადგილობრივი მოსახელობაც უნდა დაგვეხმაროს. ეს მათი საკუთრებაა, მათი თხოვნით გაკეთდა ეს პროექტი და ყველა ბედნიერი იყო. თუ დავანგრიეთ და დავამტვრიეთ, მაშინ საერთოდ რა აზრი აქვს ამგვარი პროექტების განხორციელებას?!“ – აღნიშნა დედაქალაქის მერმა.

თბილისის მერის თქმით, ეს პრობლემა მხოლოდ გლდანის პარკს არ ეხება, დედაქალაქში ხშირია ვანდალიზმის სხვა შემთხვევებიც.

184
თემები:
თბილისი დღეს (1704)
თბილისი

როგორი ამინდი იქნება თბილისში კვირას, 16 აგვისტოს

57
(განახლებულია 14:55 14.08.2020)
კვირას ქვეყნის დედაქალაქში შედარებით აგრილდება, დაიკლებს ტემპერატურა. მოსალოდნელია ხანმოკლე წვიმა ელჭექით.

თბილისი, 14 აგვისტო – Sputnik. სინოპტიკოსების პროგნოზით კვირას, 16 აგვისტოს თბილისში უპირატესად მოღრუბლული ამინდია მოსალოდნელი. შესაძლებელია ხანმოკლე წვიმა ელჭექით.

ტემპერატურა ღამით იქნება +18, ხოლო დღისით +26 გრადუსი.

ქარი 8–13 მეტრი წამში სიჩქარით დაუბერავს.

მზე 06:10 საათზე ამოვა და 19:58 საათზე ჩავა.

57
თემები:
ამინდის ზუსტი პროგნოზი თბილისში
მეხანძრე–მაშველები

დიდუბეში აფეთქება მოხდა

189
(განახლებულია 14:54 14.08.2020)
აფეთქების შედეგად დაშავდა ორი ადამიანი. საშუალო სიმძიმის დამწვრობით ისინი საავადმყოფოში გადაიყვანეს.

თბილისი, 14 აგვისტო – Sputnik. დიდუბეში აფეთქება მოხდა, რასაც მსხვერპლი, ხანძარი და ნგრევა არ მოჰყოლია, აცნობეს „Sputnik–საქართველოს“ საგანგებო სიტუაციების მართვის სამსახურში.

უწყებაში აღნიშნეს, რომ აფეთქება ერთ-ერთ საცხობში მოხდა. საშუალო სიმძიმის დამწვრობა მიიღო ორმა თანამშრომელმა და ისინი უკვე გადაიყვანეს საავადმყოფოში.

ამჟამად ირკვევა მომხდარის მიზეზები, აღძრულია სისხლის სამართლის საქმე.

189
თემები:
შემთხვევები საქართველოში
ნახევარმთვარე

მთვარის კალენდარი: 15 აგვისტო რისი გაკეთება შეიძლება და რისი არა

0
(განახლებულია 14:35 13.08.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

  • 15 აგვისტო, შაბათი. ამ დღეს სატურნი მართავს. კლებადი მთვარე კირჩხიბის ნიშანშია.

კირჩხიბის დღეებში ძლიერდება რომანტიკული განწყობა, ადამიანები უფრო მგრძნობიარე, სენტიმენტალური, მეოცნებე ხდებიან. საწინააღმდეგო სქესის მიმართ იღვიძებს არა ვნება, არამედ უფრო სინაზე. ამ დღეს დაწყებული ურთიერთობები ხშირად ხანგრძლივი და მტკიცე ქორწინებით სრულდება.

რეკომენდებულია ჩვეულებრივი სამუშაოს შესრულება, მეგობრების რჩევების მოსმენა და გათვალისწინება, მარტივი საკითხების გადაჭრა, კოლეგების საქმიანობაში მონაწილეობა, ან ნეიტრალური მდგომარეობის დაკავება, სამსახურის დატოვება, თუ ეს თქვენს გეგმებში შედიოდა, ნებისყოფისა და ამტანობის გამოჩენა, სიმშვიდის შენარჩუნება, ირგვლივ განვითარებული მოვლენებისადმი ყურადღებით ყოფნა, გზაზე ყურადღების გამოჩენა.

არარეკომენდებულია პროვოკაციებზე და ცდუნებებზე აყოლა, სერიოზული გადაწყვეტილებების მიღება, ბიზნეს–საქმიანობა, მოგზაურობა.

არასასურველი დღეა მგზავრობისთვის.

თმის შეჭრა, შეღებვა: ძალზე მგრძნობიარე დღეა. ნებისმიერ პროცედურას განსაკუთრებული ყურადღება სჭირდება. არარეკომენდებულია თმის შეჭრა და შეღებვა, ასევე მანიკური.

მებაღეობა: შეიძლება სინესტის მოყვარული და დეკორატიულ–ფოთლოვანი მცენარეების დარგვა, ნაყოფიანი ხეებისა და ბუჩქების შეწამვლა, ოთახის მცენარეების მორწყვა.

რეკომენდებულია მწვანილეულისა და სამკურნალო მცენარეების გამოშრობა. შეიძლება ყველაფრის დაკრეფა, რაც დიდი ხნით არ უნდა შეინახოთ. კარგი დღეებია ზამთრის მარაგის გასაკეთებლად კომპოტებისა და კონსერვების სახით.

არასასურველია იმ მცენარეების დარგვა ან დათესვა, რომლებიც მაღალი იზრდებიან, ხილისთვისა და ბუჩქებისთვის გამხმარი ტოტების მოშორება.

0