საბავშვო ბაღში

თბილისის მერია საბავშვო ბაღების საკვებით მომმარაგებლებს არჩევს

86
თბილისის საბავშვო ბაღების საკვები პროდუქტებით მომარაგებაზე 60 მილიონ ლარს გამოყოფს

თბილისი, 3 სექტემბერი — Sputnik. თბილისის საბავშვო ბაღების საკვებით მომარაგების ტენდერები მოიგეს კომპანიებმა „ეკოლუქსი“ და „ქართული რძის პროდუქტები“, იუწყება პირველი არხი.

თბილისის სამ ბაღში აღსაზრდელები 16 სექტემბერს ვერ მივლენ >>

მაისში თბილისის მერიამ კომპანია „ნილთან“ კონტრაქტი გაწყვიტა. 2018 წელს ეს კომპანია სამჯერ დაჯარიმდა: ორჯერ ეტიკეტირების წესების დარღვევისთვის, ერთხელ - ჰიგიენის ნორმების კრიტიკული შეუსაბამობის გამო.

ამჟამად მერია ტენდერის გამარჯვებულების დოკუმენტაციას სწავლობს. თუ ყველაფერი წესრიგში იქნება, კომპანია „ქართული რძის პროდუქტები“ პროდუქტებით მტკვრის მარჯვენა სანაპიროზე მდებარე საბავშვო ბაღებს მოამარაგებს, ხოლო „ეკოლუქსი“ - მარცხენაზე.

პირველ შემთხვევაში მერია 19 მლნ ლარს გამოყოფს, მეორეში - 43,2 მლნ ლარს.

ტენდერის პირობების თანახმად, პრეტენდენტს 2016 წლის პირველი იანვრიდან უნდა ჰქონდეს საკვები პროდუქტების მიწოდების არანაკლებ 10 000 000 ლარის ღირებულების გამოცდილება. უნდა გააჩნდეს საერთაშორისო ISO 9001:2008 ან ISO 9001:2015 ან ISO 22000 (სურსათის უვნებლობის მართვის სისტემის) მოქმედი სერტიფიკატი.

„ნილთან“ კონტრაქტის გაწყვეტის შემდეგ გარკვეული პერიოდის განმავლობაში საბავშვო ბაღები თავად უკავშირდებოდნენ კომპანიებს და ახორციელებდნენ შესყიდვებს, ხოლო 27 მაისიდან მერიამ დროებით დაიქირავა კომპანია „მზიური“, რომელსაც მუშაობის 15-წლიანი სტაჟი გააჩნია. კომპანია საკვებით 4,5 ათას ობიექტს ამარაგებს.

თბილისში 180 სახელწმიფო საბავშვო ბაღი ფუნქციონირებს. წელს დედაქალაქის საბავშვო ბაღებში 61 ათასზე მეტი ბავშვი დარეგისტრირდა.

86
თემები:
თბილისი დღეს (1704)
თბილისი

როგორი ამინდი იქნება თბილისში კვირას, 16 აგვისტოს

57
(განახლებულია 14:55 14.08.2020)
კვირას ქვეყნის დედაქალაქში შედარებით აგრილდება, დაიკლებს ტემპერატურა. მოსალოდნელია ხანმოკლე წვიმა ელჭექით.

თბილისი, 14 აგვისტო – Sputnik. სინოპტიკოსების პროგნოზით კვირას, 16 აგვისტოს თბილისში უპირატესად მოღრუბლული ამინდია მოსალოდნელი. შესაძლებელია ხანმოკლე წვიმა ელჭექით.

ტემპერატურა ღამით იქნება +18, ხოლო დღისით +26 გრადუსი.

ქარი 8–13 მეტრი წამში სიჩქარით დაუბერავს.

მზე 06:10 საათზე ამოვა და 19:58 საათზე ჩავა.

57
თემები:
ამინდის ზუსტი პროგნოზი თბილისში
მეხანძრე–მაშველები

დიდუბეში აფეთქება მოხდა

188
(განახლებულია 14:54 14.08.2020)
აფეთქების შედეგად დაშავდა ორი ადამიანი. საშუალო სიმძიმის დამწვრობით ისინი საავადმყოფოში გადაიყვანეს.

თბილისი, 14 აგვისტო – Sputnik. დიდუბეში აფეთქება მოხდა, რასაც მსხვერპლი, ხანძარი და ნგრევა არ მოჰყოლია, აცნობეს „Sputnik–საქართველოს“ საგანგებო სიტუაციების მართვის სამსახურში.

უწყებაში აღნიშნეს, რომ აფეთქება ერთ-ერთ საცხობში მოხდა. საშუალო სიმძიმის დამწვრობა მიიღო ორმა თანამშრომელმა და ისინი უკვე გადაიყვანეს საავადმყოფოში.

ამჟამად ირკვევა მომხდარის მიზეზები, აღძრულია სისხლის სამართლის საქმე.

188
თემები:
შემთხვევები საქართველოში
ნახევარმთვარე

მთვარის კალენდარი: 15 აგვისტო რისი გაკეთება შეიძლება და რისი არა

0
(განახლებულია 14:35 13.08.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

  • 15 აგვისტო, შაბათი. ამ დღეს სატურნი მართავს. კლებადი მთვარე კირჩხიბის ნიშანშია.

კირჩხიბის დღეებში ძლიერდება რომანტიკული განწყობა, ადამიანები უფრო მგრძნობიარე, სენტიმენტალური, მეოცნებე ხდებიან. საწინააღმდეგო სქესის მიმართ იღვიძებს არა ვნება, არამედ უფრო სინაზე. ამ დღეს დაწყებული ურთიერთობები ხშირად ხანგრძლივი და მტკიცე ქორწინებით სრულდება.

რეკომენდებულია ჩვეულებრივი სამუშაოს შესრულება, მეგობრების რჩევების მოსმენა და გათვალისწინება, მარტივი საკითხების გადაჭრა, კოლეგების საქმიანობაში მონაწილეობა, ან ნეიტრალური მდგომარეობის დაკავება, სამსახურის დატოვება, თუ ეს თქვენს გეგმებში შედიოდა, ნებისყოფისა და ამტანობის გამოჩენა, სიმშვიდის შენარჩუნება, ირგვლივ განვითარებული მოვლენებისადმი ყურადღებით ყოფნა, გზაზე ყურადღების გამოჩენა.

არარეკომენდებულია პროვოკაციებზე და ცდუნებებზე აყოლა, სერიოზული გადაწყვეტილებების მიღება, ბიზნეს–საქმიანობა, მოგზაურობა.

არასასურველი დღეა მგზავრობისთვის.

თმის შეჭრა, შეღებვა: ძალზე მგრძნობიარე დღეა. ნებისმიერ პროცედურას განსაკუთრებული ყურადღება სჭირდება. არარეკომენდებულია თმის შეჭრა და შეღებვა, ასევე მანიკური.

მებაღეობა: შეიძლება სინესტის მოყვარული და დეკორატიულ–ფოთლოვანი მცენარეების დარგვა, ნაყოფიანი ხეებისა და ბუჩქების შეწამვლა, ოთახის მცენარეების მორწყვა.

რეკომენდებულია მწვანილეულისა და სამკურნალო მცენარეების გამოშრობა. შეიძლება ყველაფრის დაკრეფა, რაც დიდი ხნით არ უნდა შეინახოთ. კარგი დღეებია ზამთრის მარაგის გასაკეთებლად კომპოტებისა და კონსერვების სახით.

არასასურველია იმ მცენარეების დარგვა ან დათესვა, რომლებიც მაღალი იზრდებიან, ხილისთვისა და ბუჩქებისთვის გამხმარი ტოტების მოშორება.

0