გლდანის განახლებული პარკის გახსნა

დაპირება შესრულებულია: გლდანში განახლებული პარკი საზეიმოდ გაიხსნა

162
(განახლებულია 11:01 03.08.2019)
საქართველოს პრემიერ–მინისტრმა გლდანის მეექვსე მიკრორაიონში განახლებული პარკი დედაქალაქის მერთან ერთად დაათვალიერა

თბილისი, 3 აგვისტო — Sputnik. მწვანე სივრცეების შექმნა მთავრობის მწვანე პოლიტიკის მთავარი პრიორიტეტია,  განაცხადა საქართველოს პრემიერ– მინისტრმა მამუკა ბახტაძემ პარასკევს გლდანის მეექვსე მიკრორაიონში განახლებული პარკი საზეიმოდ გახსნაზე სიტყვით გამოსვლისას.

თბილისში მტკვრის პირას გიგანტური პარკი გაშენდება >>

„როდესაც  ვმუშაობდით თბილისის განვითარების პროგრამაზე,  მთავარი მოთხოვნა, რომელსაც ვისმენდით თქვენგან, თბილისელებისგან, იყო მსგავსი მწვანე სივრცეების შექმნა, რაც ასე ძალიან გვაკლია ამ ლამაზ ქალაქში და ეს არის ჩვენი მწვანე პოლიტიკის მთავარი პრიორიტეტი. ჩვენ გვჭირდება რაც შეიძლება მეტი მსგავსი სივრცე, სადაც მომავალი თაობა გაიზრდება“, – განაცხადა პრემიერმა გლდანის პარკის გახსნაზე სიტყვით გამოსვლისას.

განახლებული პარკის გახსნა გლდანის მოსახლეობას თბილისის მერმა კახა კალაძემაც მიულოცა.

„ცენტრალური ხელისუფლების მხარდაჭერისა და თანადგომის გარეშე შეუძლებელია იმ პროექტების განხორციელება, რასაც დედაქალაქის მერია აკეთებს. მიხარია, რომ დღეს გლდანში განახლებული პარკი გავხსენით. ეს არის რაიონი, სადაც გავატარე ჩემი ბავშვობის გარკვეული პერიოდი. ჩემი წარმატება სწორედ გლდანიდან დაიწყო. როდესაც წინასაარჩევნოდ აქ მოვედი, ძალიან ბევრი ადამიანი დამხვდა, რომელთა თხოვნაც იყო, ეს სივრცე მოგვეწესრიგებინა. მე მათ პირობა მივეცი, რომ ძალიან მალე ამ პროექტს განვახორციელებდით. დღეს ვარ უბედნიერესი ადამიანი, რომ ამდენ გახარებულ ადამიანს, გაბრწყინებულ პატარებს ვხედავ“, – განაცხადა კახა კალაძემ.

ადგილობრივმა ხელისუფლებამ 1800 კვადრატული მეტრის ფართობის პარკის განახლებაზე 130 ათასი ლარი გამოყო.

პარკის რეაბილიტაციის ფარგლებში აღდგა ამფითეატრი, ფანჩატურები და შადრევანი; განახლდა ინფრასტრუქტურა. რეაბილიტაცია ჩაუტარდა საბავშვო ატრაქციონებს.

6570 კვადრატულ მეტრ ფართობზე დაითესა ბალახი, სკვერის მიმდებარე ტერიტორია მოპირკეთდა კირქვით, მოეწყო საველოსიპედო ბილიკები.

 

162
თემები:
თბილისი დღეს (1704)
თელასი

„თელასი": თბილისის რომელ უბნებს შეეზღუდება ელექტროენერგიის მიწოდება 14 აგვისტოს

63
(განახლებულია 08:58 14.08.2020)
გადაუდებელი სარემონტო სამუშაოების გამო დედაქალაქის სხვადასხვა უბნებში ელექტროენერგიის მიწოდება დროებით შეიზღუდება.

თბილისი, 14 აგვისტო — Sputnik. სააქციო საზოგადოება „თელასი" იუწყება, რომ 14 აგვისტოს გადაუდებელი სარემონტო სამუშაოების გამო დედაქალაქის სხვადასხვა უბანში ელექტროენერგიის მიწოდება დროებით შეიზღუდება.

ისნის რაიონი

10:30 საათიდან 18:00 საათამდე შეზღუდვა შეეხება: მოსკოვის გამზირის, კახეთის გზატკეცილის, ნავთლუღის დასახლების, კაკაბეთის, წალენჯიხის, ბუკისციხის, მესხეთის, კობცოვის, ტატიშვილის, ბეგიაშვილის, ხარაბაძის, ორბელების, ჩოჩუას, ლაღიძის, მათიაშვილის და ჯანელიძის ქუჩების მოსახლეობას.

გლდანის რაიონი

10:00 საათიდან 18:00 საათამდე შეზღუდვა შეეხება: გლდანის მასივის VI მიკრორაიონის, ხიზანიშვილის და ლესელიძის ქუჩების მოსახლეობას.

11:00 საათიდან 14:00 საათამდე შეზღუდვა შეეხება: ქერჩის, იპოლიტოვ-ივანოვის და გმირ კურსანტთა ქუჩების მოსახლეობას.

საბურთალოს რაიონი

10:00 საათიდან 18:00 საათამდე შეზღუდვა შეეხება: პეკინის გამზირის, კოსტავას და ბახტრიონის ქუჩების მოსახლეობას.

11:00 საათიდან 17:00 საათამდე შეზღუდვა შეეხება: ნუცუბიძის პლატოს I მიკრორაიონის, ვაჟა-ფშაველას V კვარტლის, მინდელის, ანჯაფარიძის, ნუცუბიძის და ბედიას ქუჩების მოსახლეობას.

ვაკის რაიონი

10:00 საათიდან 14:00 საათამდე შეზღუდვა შეეხება: კუს ტბის მიმდებარე ტერიტორიის, ილია ჭავჭავაძის გამზირის (ნაწილობრივ) და გიორგი წერეთლის ქუჩის მოსახლეობას.

11:00 საათიდან 18:00 საათამდე შეზღუდვა შეეხება: ნინო რამიშვილის ქუჩის მოსახლეობას.

სამგორის რაიონი

12:00 საათიდან 15:00 საათამდე შეზღუდვა შეეხება: გრიგოლ ლორთქიფანიძის ქუჩის მოსახლეობას.

დიდუბის რაიონი

10:00 საათიდან 18:00 საათამდე შეზღუდვა შეეხება: კოსმონავტების სანაპიროს და ხოშარაულის ქუჩის მოსახლეობას.

კრწანისის რაიონი

 10:00 საათიდან 18:00 საათამდე შეზღუდვა შეეხება: რუსთავის გზატკეცილის, ორთაჭალის და გორგასლის ქუჩების მოსახლეობას.

ნაძალადევის რაიონი

09:30 საათიდან 17:00 საათამდე შეზღუდვა შეეხება: ზღვისუბნის დასახლების III მიკრორაიონის I, II, III, IV კვარტლების და რომელაშვილის ქუჩის მოსახლეობას.

10:30 საათიდან 17:00 საათამდე შეზღუდვა შეეხება: თბილისის ზღვის მიმდებარე ტერიტორიის, ხეხილ-სანერგე მეურნეობის, ადამიას და ჟორდანიას ქუჩების მოსახლეობას.

12:00 საათიდან 15:00 საათამდე შეზღუდვა შეეხება: თემქის დასახლების XI მიკრორაიონის III კვარტლის მოსახლეობას.

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.

63
თემები:
თბილისი დღეს (1704)
თბილისი

მტკვრის მარჯვენა სანაპიროზე ტრანსპორტის მოძრაობა ორი კვირით იზღუდება

99
(განახლებულია 20:04 13.08.2020)
მერიის ცნობით, მოძრაობის მიმართულება მეტეხის ხიდიდან გორგასლის ქუჩისკენ მიმავალი ავტომობილებისთვის უცვლელი დარჩება.

თბილისი, 13 აგვისტო – Sputnik. მტკვრის მარჯვენა სანაპიროზე ტრანსპორტის მოძრაობა შეიზღუდება სარეაბილიტაციო სამუშაოების გამო, ნათქვამია თბილისის მერიის ადმინისტრაციის მიერ გავრცელებულ განცხადებაში.

მერია საზოგადოებრივი ტრანსპორტის კომფორტზე იმუშავებს, პირადი ავტომობილი პრიორიტეტი არაა>>

უწყების ინფორმაციით, მტკვრის მარჯვენა სანაპიროზე იწყება რკინის რიგის N6-დან გორგასლის ქუჩის კვეთამდე არსებული საგზაო მონაკვეთის რეაბილიტაცია.

„აღნიშნულ სამუშაოებთან დაკავშირებით 14 აგვისტოს 23:00 საათიდან 28 აგვისტოს ჩათვლით გორგასალის ქუჩასა და გამსახურდიას სანაპიროზე საავტომობილო მოძრაობა შეიზღუდება“, – აღნიშნულია განცხადებაში.

კერძოდ, გორგასალის ქუჩიდან გამსახურდიას სანაპიროზე მოხვედრა, ისევე, როგორც გამსახურდიას სანაპიროდან კრწანისის მოედნის მიმართულებით გადაადგილება შესაძლებელი იქნება გორგასალის ქუჩის გავლით. სარეაბილიტაციო სამუშაოების პერიოდში გზის აღნიშნულ მონაკვეთში მოძრაობა დასაშვები იქნება ორმხრივად.

გორგასალის ქუჩაზე მოძრაობა დაშვებული იქნება ოთხ ზოლში. გამსახურდიას სანაპიროსკენ მიმავალი ტრანსპორტისთვის გამოყოფილი ორი ზოლიდან ერთი საზოგადოებრივ ტრანსპორტს დაეთმობა, ხოლო მეორე – კერძო ავტომობილებს. საპირისპირო მიმართულებით მოძრავი საზოგადოებრივი და კერძო ტრანსპორტი იმოძრავებს ორ ზოლში.

გამსახურდიას სანაპიროზე ორივე მიმართულებით მოძრავ საზოგადოებრივ და კერძო ტრანსპორტს თითო ზოლი დაეთმობა.

მერიის ცნობით, მეტეხის ხიდიდან გორგასალის ქუჩისკენ მიმავალი ავტომობილებისთვის კი მოძრაობის მიმართულება უცვლელი დარჩება.

99
თემები:
თბილისი დღეს (1704)
კორონავირუსის პანდემია

კორონავირუსი მსოფლიოში 14 აგვისტოს მონაცემები

0
(განახლებულია 11:12 14.08.2020)
ინფიცირებულთა რაოდენობა მსოფლიოში იზრდება. მხოლოდ გასულ დღე-ღამეში COVID-19-ით დაინფიცირდა 276 389 ადამიანი და ინფიცირებულთა საერთო რაოდენობა 20,5 მილიონს მიუახლოვდა.

თბილისი, 14 აგვისტო – Sputnik. მთელ მსოფლიოში ახალი ტიპის კორონავირუსით ინფიცირებულთა რაოდენობამ 14 აგვისტოს დილისთვის 20 439 814 ადამიანი შეადგინა, გარდაიცვალა 744 385, ნათქვამია ჯანდაცვის მსოფლიო ორგანიზაციის (ჯანმო) ვებ-გვერდზე.

ინფიცირების ყველაზე მეტი შემთხვევა ფიქსირდება ჩრდილოეთ და სამხრეთ ამერიკაში – 10 950 220 ადამიანი, მას მოსდევს ევროპა – 3 668 652. ბოლო დღე-ღამეში მსოფლიოში კორონავირუსის 276 389 ახალი შემთხვევა დაფიქსირდა, გარდაიცვალა 6 933 ადამიანი.

ამავე დროს, ჯონს ჰოპკინსის უნივერსიტეტის მონაცემებით, გამოვლენილია კორონავირუსის 20 764 220 შემთხვევა და გარდაცვლილია 752 893 ადამიანი.

საქართველოში, ბოლო ოფიციალური მონაცემებით, კორონავირუსით ინფიცირებულია 1306 ადამიანი, გამოჯანმრთელდა 1085, გარდაიცვალა 17 პაციენტი.

კორონავირუსი საქართველოში: რამდენი შემთხვევა გამოვლინდა ბოლო დღე-ღამეში>>

კორონავირუსის პირველი შემთხვევა საქართველოში 26 თებერვალს დაფიქსირდა.

ჯანმომ კორონავირუსის პანდემიის შესახებ 2020 წლის 11 მარტს გამოაცხადა.

0
თემები:
COVID-19-ის პანდემია მსოფლიოში