თბილისის საკრებულოს ფასადი

თბილისში გიორგი დანელიას სახელობის ქუჩა გაჩნდა

657
(განახლებულია 13:08 26.07.2019)
თბილისის რამდენიმე ქუჩას ცნობილი ხელოვანების სახელები მიენიჭა.

თბილისი, 26 ივლისი – Sputnik. ვაკეში უნივერსიტეტის ქუჩის ნაწილს და მის მიმდებარე უსახელო ქუჩას გამოჩენილი რეჟისორის გიორგი დანელიას სახელი მიენიჭა.

თბილისის საკრებულომ დედაქალაქის რამდენიმე ქუჩის გადარქმევის გადაწყვეტილება მიიღო. რამდენიმე ქუჩას კულტურის ცნობილი ქართველი მოღვაწის სახელი მიენიჭება.

კერძოდ, ამიერიდან თბილისში გაჩნდება დიდი ქართველი რეჟისორების გიორგი დანელიას და ვახტანგ ტაბლიაშვილის ქუჩები. ასევე ქუჩებს გივი ბერიკაშვილის, ბელა მირიანაშვილის, დოდო ჭიჭინაძის, ლეილა აბაშიძის, მედეა ჯაფარიძის, ლიანა ასათიანის, მარინე თბილელის, იაკობ ტრიპოლსკის სახელები მიენიჭა.

საკრებულოს გადაწყვეტილებით, მსახიობ ბელა მირიანაშვილის სახელი მიენიჭა ლამის ქუჩის ნაწილს ჩუღურეთის რაიონში. დოდო ჭიჭინაძის სახელი ლამის ქუჩის მეორე ჩიხს და ასპინძის ქუჩის ნაწილს მიენიჭა.

ლეილა აბაშიძის სახელი ისნის რაიონში წერნაკის ქუჩის ნაწილს მიენიჭა. მახათას შესახვევს ლიანა ასათიანის სახელი მიენიჭა, ხოლო მახათას ქუჩას – მარინა თბილელის.

მედეა ჯაფარიძის სახელი მიენიჭა რევაზ თაბუკაშვილის ქუჩის ჩიხსა და შესახვევს.

წყნეთის გზატკეცილთან ახლოს მდებარე უსახელო ქუჩას და ჩიხს რეჟისორ ვახტანგ ტაბლიაშვილის სახელი მიენიჭა.

მსახიობ გივი ბერიკაშვილის სახელი მთაწმინდაზე ვასილ ბარნოვის ქუჩის მეორე ჩიხს და ირაკლი ტატიშვილის ქუჩის პირველ ჩიხს მიენიჭა. იაკობ ტრიპოლსკის სახელი საბურთალოზე სერგო ზაქარიაძის ქუჩის მიმდებარე უსახელო ქუჩას მიენიჭა.

 

657
თემები:
თბილისი დღეს (2076)
ვაკის პარკი

მერიამ ვაკის პარკში შადრევნების რემონტზე გამოყოფილი თანხა შეამცირა

40
(განახლებულია 09:12 25.07.2021)
ტენდერში გამარჯვებულმა კომპანიამ სამუშაოები ხელშეკრულების გაფორმებიდან 510 დღეში უნდა დაასრულოს და, საჭიროების შემთხვევაში, ობიექტზე სამუშაოები 24 საათიან რეჟიმში აწარმოოს.

თბილისი, 25 ივლისი - Sputnik. თბილისის მერიამ ვაკის პარკში შადრევნების კასკადის შეკეთებაზე გამოაცხადა განმეორებითი ელექტრონული ტენდერი შემცირებული თანხით, ნათქვამია სახელმწიფო შესყიდვების სააგენტოს ვებგვერდზე.

პირველი ტენდერი 11,6 მილიონი ლარის თანხაზე 17 ივნისს გამოცხადდა, მაგრამ მასში მონაწილეობის მსურველები არ გამოჩნდნენ.

ახლა მერიამ 10,9 მილიონი ლარის თანხაზე განმეორებითი ტენდერი გამოაცხადა.

ვაკის პარკში შადრევნებისა და კასკადის აღდგენის სამუშაოები თბილისის ბიუჯეტიდან 2021-2023 წლებში დაფინანსდება. 2021 წელს აღნიშნულ სამუშაოებზე დაიხარჯება 2,8 მილიონი ლარი, 2022 წელს - 7,8 მილიონი ლარი, ხოლო 2023 წელს - 248,8 ათასი ლარი.

ამავდროულად, ტენდერში გამარჯვებულმა კომპანიამ სამუშაოები ხელშეკრულების გაფორმებიდან 510 დღეში უნდა დაასრულოს და, საჭიროების შემთხვევაში, ობიექტზე სამუშაოები 24 საათიან რეჟიმში აწარმოოს.

განაცხადების მიღება 8 – დან 13 აგვისტომდე გაგრძელდება. როგორც ტენდერის მოთხოვნებიდან გამომდინარეობს, ობიექტის მიღების მომენტიდან სამუშაოების ჩაბარებამდე კომპანიას ორი წლის ვადა ეძლევა.

2021 წლის თებერვლის დასაწყისიდან ვაკის პარკი მთლიანად დაიხურა სრულმასშტაბიან რემონტზე.

40

კორონავირუსი არ არსებობს: ანტივაქსერების საპროტესტო აქცია თბილისში - ვიდეო

211
შაბათს პარლამენტთან რამდენიმე ათეული აქტივისტი შეიკრიბა, რომლებმაც საყოველთაო ვაქცინაცია და კორონავირუსული აკრძალვები გააპროტესტეს. როგორ მიმდინარეობდა აქცია - ჩვენს ვიდეოში იხილავთ

მომიტინგეების თქმით, კორონავირუსული საფრთხე გადაჭარბებულია და საზოგადოებისათვის მიწოდებული ინფორმაცია არ შეესაბამება სიმართლეს. ისინი ფიქრობენ, ეს ყველაფერი გარკვეული მიზნებით ადამიანების მართვის მეთოდია. დემონსტრანტებმა ასევე განაცხადეს, რომ ვაქცინაციის წინააღმდეგაც გამოდიან.

აქციის მონაწილეები ადგილზე მყოფ ჟურნალისტებს თხოვდნენ მოეხსნათ პირბადეები, რადგან ისინი, მათი თქმით, გამოუსადეგარია და არ არის საჭირო. ამავდროულად, საქართველოს ხელისუფლება მოსახლეობას შეზღუდვების დაცვისა და დახურულ სივრცეებში პირბადის ტარებისკენ მოუწოდებს. რაც შეეხება ქუჩებსა და ღია სივრცეებს, პირბადის ტარების აუცილებლობა უკვე მოხსნილია.

უნდა აღინიშნოს, რომ შაბათს საქართველოში ვაქცინა Pfizer-ის ნახევარი მილიონი დოზა ჩამოვიდა, მანამდე კი ქვეყანაში იყო ვაქცინები AstraZeneca, Sinopharm და Sinovac. ათობით ათასმა ადამიანმა უკვე გაიკეთა აცრა.

211
გიორგი ღოღობერიძე

ღოღობერიძე: როგორ უნდა მოვიქცეთ მაღალი სიცხის დროს

0
(განახლებულია 20:25 26.07.2021)
ექიმი-რეზიდენტი გიორგი ღოღობერიძე საუბრობს, როგორ დავიცვათ თავი ზაფხულის მაღალი სიცხისგან და  საზოგადოებას რჩევებს აძლევს.
ღოღობერიძე: როგორ უნდა მოვიქცეთ მაღალი სიცხის დროს
„მაღალი ტემპერატურის მიმართ განსაკუთრებით მგრძნობიარეები არიან ისინი, ვისაც ქრონიკული დაავადებები აწუხებთ, ან არიან ასაკიანები. ძალიან მნიშვნელოვანია, მაღალი სიცხი დროს ბევრი სითხე მიიღოთ, ასევე მიირთვით ისეთი საკვები, რომელიც დიდი რაოდენობით წყალს შეიცავს, მაგალითად, კიტრი, საზამთრო, ნესვი. სასურველია ეს სასმელი არ იყოს ალკოჰოლის, კოფეინისა და შაქრის შემცველი“, - ამბობს ღოღობერიძე.

მისი რჩევით, სიცხის დროს კარგია მოვერიდოთ ფიზიკურ აქტივობას, რადგან ამ დროს მეტი სითხე ორთქლდება, ასევე, ჩავიცვათ ღია ფერის, ბამბის ტანსაცმელი.

 

0