კახეთის გზატკეცილი

კახეთის გზატკეცილზე რეაბილიტაცია იწყება: მოძრაობის სქემა შეიცვალა

127
(განახლებულია 12:27 20.07.2019)
დღეიდან კახეთის გზატკეცილიდან ქალაქის ცენტრისკენ და უკუმიმართულებით ტრანსპორტის მოძრაობის სქემები შეიცვლება.

თბილისი, 20 ივლისი - Sputnik. კახეთის გზატკეცილზე, ლეხ კაჩინსკის ქუჩიდან შერვაშიძის ქუჩამდე გზის მონაკვეთზე,  20 ივლისიდან დაახლოებით ორი თვის განმავლობაში სარეკონსტრუქციო სამუშაოები განხორციელდება, ნათქვამია თბილისის მერიის მიერ გავრცელებულ განცხადებაში.

სარემონტო სამუშაოების გამო დღეიდან კახეთის გზატკეცილიდან ქალაქის ცენტრისკენ და უკუმიმართულებით ტრანსპორტის მოძრაობის სქემები შეიცვლება.

სამუშაოები იწარმოებს ქალაქის გასასვლელიდან ცენტრისკენ მოძრაობის ზოლზე. შესაბამისად, ტრანსპორტი შერვაშიძის ქუჩის გადაკვეთიდან კაჩინსკის ქუჩისკენ საპირისპირო ზოლზე იმოძრავებს. ბუშის ქუჩიდან კაჩინსკის ქუჩის მიმართულებით და კახეთის გზატკეცილიდან ჩაჩავას ქუჩის მიმართულებით მოძრაობა ცალმხრივი გახდება.

„კახეთის გზატკეცილი ქეთევან დედოფლის გამზირს კაჩინსკის ქუჩის მეშვეობით დაუკავშირდება, ხოლო, ქეთევან დედოფლის გამზირიდან კახეთის გზატკეცილზე მოხვედრა შესაძლებელი იქნება მეტროსადგურ „ისნიდან“ და შემდეგ, ჩაჩავას ქუჩის გავლით“, - ნათქვამია განცხადებაში.

უწყების ინფორმაციით, კაჩინსკის ქუჩაზე შესაძლებელი იქნება მოძრაობა ჯორჯ ბუშის ქუჩიდან ქეთევან დედოფლის გამზირისკენ. ქეთევან დედოფლის გამზირის გადამკვეთ გზაჯვარედინზე მოძრაობა დაშვებული იქნება, როგორც პირდაპირ - ბოჭორმის ქუჩის მიმართულებით, ასევე მარჯვნივ და მარცხნივაც ქეთევან დედოფლის გამზირზე. ხოლო ქეთევან დედოფლის გამზირიდან კაჩინსკის ქუჩაზე ბუშის ქუჩის მიმართულებით ახვევა შეიზღუდება.

ასევე, კაჩინსკის ქუჩიდან აწყურის ქუჩაზე შესაძლებელი იქნება შეხვევა მარცხნივ - ჩაჩავას ქუჩისკენ.

„ბუშის ქუჩიდან კაჩინსკის ქუჩის გავლით, ზურაბაშვილის ქუჩაზე მარჯვნივ შეხვევა კვლავინდებურად დაშვებული იქნება. ანალოგიურად, ზურაბაშვილის ქუჩიდან ტრანსპორტი იმოძრავებს მხოლოდ მარჯვნივ - ქეთევან დედოფლის გამზირისკენ. ამდენად, ზურაბაშვილის ქუჩიდან კახეთის გზატკეცილზე მოხვედრა შესაძლებელი იქნება ან ქეთევან დედოფლის გამზირისა და ჩაჩავას ქუჩის, ან აწყურისა და ჩაჩავას ქუჩების გავლით“, - ნათქვამია მერიის განცხადებაში.

კაჩინსკიდან დოესის, შორაპნისა და შირაქის ქუჩებზე შეხვევა შეიზღუდება. ამდენად, კაჩინსკის ქუჩიდან ზემოთხსენებულ ქუჩებზე მოხვედრა შესაძლებელი იქნება ქეთევან დედოფლის გამზირის გავლით.

ჩაჩავას ქუჩაზე მოძრაობა დაშვებული იქნება მეტროსადგურ „ისნიდან“ კახეთის გზატკეცილისკენ, საიდანაც ტრანსპორტს შეეძლება მოუხვიოს, როგორც მარცხნივ - ჯორჯ ბუშის ქუჩისკენ, ასევე მარჯვნივ - ქალაქის გასასვლელის მიმართულებით.

საათ-ნახევრის განმავლობაში უფასოდ მგზავრობა მიკროავტობუსებითაც იქნება შესაძლებელი >>

ანალოგიურად შეიცვლება საზოგადოებრივი ტრანსპორტის მარშრუტებიც:

ავტობუსები N37, N43 და N71 და ასევე, მიკროავტობუსები კახეთის გზატკეცილიდან ქეთევან დედოფლის გამზირისკენ იმოძრავებენ კაჩინსკის ქუჩის, ხოლო უკუმიმართულებით - მეტროსადგურ „ისნისა“ და ჩაჩავას ქუჩის გავლით.

127
თემები:
თბილისი დღეს (1705)
თელასი

„თელასი": თბილისის რომელ უბნებს შეეზღუდება ელექტროენერგიის მიწოდება 15 აგვისტოს

38
(განახლებულია 08:47 15.08.2020)
გადაუდებელი სარემონტო სამუშაოების გამო დედაქალაქის სხვადასხვა უბნებში ელექტროენერგიის მიწოდება დროებით შეიზღუდება.

თბილისი, 15 აგვისტო — Sputnik. სააქციო საზოგადოება „თელასი" იუწყება, რომ 15 აგვისტოს გადაუდებელი სარემონტო სამუშაოების გამო დედაქალაქის სხვადასხვა უბანში ელექტროენერგიის მიწოდება დროებით შეიზღუდება.

ვაკის რაიონი

11:00 საათიდან 18:00 საათამდე შეზღუდვა შეეხება: ჩხიკვაძის ქუჩის მოსახლეობას.

მთაწმინდის რაიონი

23:00 საათიდან 03:00 საათამდე შეზღუდვა შეეხება: ასათიანის ქუჩის მოსახლეობას.

კრწანისის რაიონი

10:00 საათიდან 18:00 საათამდე შეზღუდვა შეეხება: გუდიაშვილის მოედნის, აბესაძის, ლერმონტოვის, ბეთლემის, ასათიანის, ახოსპირელის, ჯიბლაძის, ჩიხლაძის და ალავერდოვის ქუჩების მოსახლეობას.

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.

38
თემები:
თბილისი დღეს (1705)
თბილისი

როგორი ამინდი იქნება თბილისში კვირას, 16 აგვისტოს

63
(განახლებულია 14:55 14.08.2020)
კვირას ქვეყნის დედაქალაქში შედარებით აგრილდება, დაიკლებს ტემპერატურა. მოსალოდნელია ხანმოკლე წვიმა ელჭექით.

თბილისი, 14 აგვისტო – Sputnik. სინოპტიკოსების პროგნოზით კვირას, 16 აგვისტოს თბილისში უპირატესად მოღრუბლული ამინდია მოსალოდნელი. შესაძლებელია ხანმოკლე წვიმა ელჭექით.

ტემპერატურა ღამით იქნება +18, ხოლო დღისით +26 გრადუსი.

ქარი 8–13 მეტრი წამში სიჩქარით დაუბერავს.

მზე 06:10 საათზე ამოვა და 19:58 საათზე ჩავა.

63
თემები:
ამინდის ზუსტი პროგნოზი თბილისში
ლიზა ყენია

„იმედი მაქვს არ მოვკვდები...“ - ლიზა ყენია კლინიკიდან ფოტოებს აქვეყნებს

0
(განახლებულია 15:01 31.07.2020)
ლიზა ყენიას პირადი ცხოვრება საზოგადოებას ძალიან აინტერესებს. ცოტა ხნის წინ მომღერალმა კლინიკიდან ფოტოები გამოაქვეყნა და დაწერა, რომ ჯანმრთელობის პრობლემები აქვს.

ლიზა ყენიას პირადი ცხოვრება საზოგადოებას ძალიან აინტერესებს. ცოტა ხნის წინ საზოგადოება აქტიურად საუბრობდა იმაზე, რომ ლიზა ყენია და რეპერი „ძვალი“, იგივე აჩი ვანიშვილი ერთად არიან, რადგან ეს უკანასკნელი ულამაზეს ქართველ მომღერალთან ერთად გადაღებულ ფოტოებს აქტიურად აქვეყნებდა, კომენტარებში კი მეგობრები და ახლობლები წყვილს ულოცავდნენ და ბედნიერებას უსურვებდნენ.

View this post on Instagram

Bestie

A post shared by Elizabeth Frisky (@elizabethfrisky8) on

აღსანიშნავია, რომ ლიზას თაყვანისმცემლების არმია ჰყავს. ეპატაჟური და თანატოლებს შორის საკმაოდ პოპულარული გოგონა – ლიზა ყენია გარეგნობით, ხმის ტემბრით, მოქნილობით, პოზიტიური ხასიათითა და შესრულების განსაკუთრებული ნიჭით გამოირჩევა. მიუხედავად იმისა, რომ ლიზა ლეგენდარული „მზიურის“ ერთ-ერთი ცნობილი სოლისტის მაია ჯაბუას შვილია, მან თავის დამკვირდება შეძლო და დედის ჩრდილქვეშ არ მოექცა.

„ინსტაგრამის“ „სთორიში“ მომღერალმა ცოტა ხნის წინ ფოტოები გამოაქვეყნა, სადაც ჩანს, რომ კლინიკაშია და გამოკვლვევებს იტარებს. ლიზამ ერთ-ერთ ფოტოს წააწერა - „იმედი მაქვს არ მოვკვდები“, შემდეგ კი დაწერა, რომ გული აწუხებს და გადაწყვიტა გამოკვლევები ჩაიტაროს. სავარაუდოდ, მომღერალს სერიოზული არაფერი სჭირს. ლიზას ჯანმრთელობას ვუსურვებთ.

0
თემები:
სელებრითების ცხოვრება