დარეჯანის სასახლე და ქალთა მონასტერი ძველ თბილისში

თბილისი დარეჯანის სასახლის რესტავრაციაზე 2 მილიონ ლარს დახარჯავს

154
კულტურული მემკვიდრეობის ძეგლს სასწრაფო რესტავრაცია სჭირდება, აღნიშნავენ სპეციალისტები

თბილისი, 3 ივლისი - Sputnik. თბილისში ერთ-ერთი ყველაზე ღირსშესანიშნავი ხუროთმოძღვრული ძეგლის - დარეჯანის სასახლის რესტავრაცია იწყება. ამის შესახებ დედაქალაქის მერმა კახა კალაძემ ოთხშაბათს განაცხადა.

როგორც სპეციალისტების კვლევამ აჩვენა, სასახლეს სასწრაფოდ სჭირდება რესტავრაცია. წინააღმდეგ შემთხვევაში ამ ისტორიულ კომპლექსს საფრთხე ემუქრება, შენობის კედლები კი შეიძლება საერთოდ ჩამოიშალოს. ყველაზე მეტად გალავანსა და მის კედლებს მიწისქვეშა წყლები აზიანებს, გაზრდილია კედლების ტენიანობა, რაც ბზარებს აჩენს.

„პრობლემას წარმოადგენდა ის, რომ ფაქტობრივად იშლება გალავანი, რომელსაც აზიანებს მიწისქვეშა წყლები. რეაბილიტაციის ფარგლებში, ასევე, აღდგება ერეკლეს აბანო და გამაგრდება ეზოში არსებული ტაძარი. ყველაფერს გავაკეთებთ იმისთვის, რომ ეს ტერიტორია იყოს ერთ-ერთი საუკეთესო და მაღალ დონეზე რეაბილიტირებული. ტურისტულად საკმაოდ მიმზიდველი ადგილია. ძალიან ბევრი ადამიანი სტუმრობს ამ სასახლეს“, - განაცხადა კახა კალაძემ.

მისი თქმით, მსგავსი სივრცეების მოვლა-პატრონობა დედაქალაქის მერიის ერთ-ერთი მთავარი პრიორიტეტია.

„მე დავავალე თბილისის განვითარების ფონდს, რომ მიმდებარე ტერიტორიისთვის, სადაც ბევრი ბარაკია და მოსახლეობა ცხოვრობს მძიმე პირობებში, შემუშავდეს რეაბილიტაციის პროექტი და მოხდეს მისი განვითარება“, - აღნიშნა კალაძემ.

სენსაციური აღმოჩენა: რუსეთში საქართველოს სამეფო ოჯახის სამარხები იპოვეს >>

სარესტავრაციო სამუშაოებზე დაახლოებით ორი მილიონი ლარი დაიხარჯება. რესტავრაცია წელიწად-ნახევარში დასრულდება.

XVIII საუკუნეში აგებული დარეჯანის სასახლის შესწავლა ქვეყნის კულტურული მემკვიდრეობის დაცვის ეროვნული სააგენტოს სპეციალისტებმა ჯერ კიდევ 2017 წელს დაიწყეს.

Дворец царицы Дареджан
© photo: Sputnik / Alexander Imedashvili
დარეჯანის სასახლე

სარესტავრაციო სამუშაოებს შეასრულებს თბილისის განვითარების ფონდი და კულტურული მემკვიდრეობის დაცვის ეროვნული სააგენტო.

დარეჯანის სასახლე ავლაბარში, ღვინის აღმართზე მდებარეობს. აშენდა 1776 წელს ქართლ-კახეთის მეფე ერეკლე მეორის ბრძანებით მისი მეუღლე დარეჯან დედოფლისათვის (1734 – 1807). ეს იყო მდიდრული სასახლე, რომლის ტერიტორიაზეც იმავე პერიოდში აღიმართა კარის ეკლესია. აღსანიშნავია, რომ ტაძრის არქიტექტურა ირანულ ელემენტებსაც შეიცავს.

Город Тбилиси на закате - дворец царицы Дареджан
© Sputnik / Alexander Imedashvili
დარეჯანის სასახლე

სასახლე და ეკლესია ნაწილობრივ დაინგრა XVIII საუკუნის ბოლოს, აღა-მაჰმად ხანის შემოსევისას. დედოფლის სანქტ-პეტერბურგში გადასახლების შემდეგ, 1807 წელს, ეგზარქოსმა თეოფილაქტემ ტაძართან საკვირაო სკოლა და სასულიერო სემინარია გახსნა. 1824 წელს აქ ამოქმედდა დედათა მონასტერი, 1862 წელს კი - სემინარია სასულიერო პირთა შვილებისთვის. 2001 წელს ეკლესიის საკურთხეველი ხელახლა მოიხატა. ამჟამად კი აქ დედათა მონასტერი ფუნქციონირებს.

154
თემები:
თბილისი დღეს (1787)
ახალი ავტობუსების პრეზენტაცია

ახალი ავტობუსები, მიკროავტობუსები და ახალი მარშრუტები: რა სიახლეები ელოდება თბილისელებს

82
(განახლებულია 20:24 23.10.2020)
დღეს ცნობილი გახდა, რომ დედაქალაქში 10 სწრაფი სატრანზიტო დერეფნის მოწყობა მიმდინარეობს. აქედან პირველი უკვე ხვალიდან ამოქმედდება.

თბილისი, 23 ოქტომბერი – Sputnik. ჩვენს ქალაქში ტრანსპორტი იქნება ყველაზე მოწესრიგებული, ყველაზე ახალი, ყველაზე სუფთა და ყველაზე კომფორტული, განაცხადა თბილისის მერმა კახა კალაძემ პრეზენტაციაზე, რომელიც ახალი მიკროავტობუსებისა და ავტობუსების შემოყვანას მიეძღვნა.

დღეს დედაქალაქში BMC-ს მარკის ავტობუსებისა და FORD-ის მარკის მიკროავტობუსების პირველი ნაკადი შემოვიდა. 

პრეზენტაციაზე კახა კალაძემ სატრანსპორტო რეფორმაში ჩართულ ორგანიზაციებსა და ექსპერტებს მადლობა გადაუხადა.

„მადლობას ვუხდი ყველას, ვინც ჩართულია სატრანსპორტო პოლიტიკაში და გვეხმარება, რომ ხვალინდელი თბილისი იყოს უფრო მოწესრიგებული და განვახორციელოთ ყველა ის პროექტი, რომელიც განვითარებულ, დიდ ქალაქებში არის მიღებული და უკვე განხორციელებული“, – განაცხადა კახა კალაძემ.

როგორც პრეზენტაციაზე გახდა ცნობილი, მიმდინარეობს 10 სწრაფი სატრანზიტო დერეფნის მოწყობა. პირველი სწრაფი სატრანზიტო დერეფანი და მისი მკვებავი საქალაქო და საუბნო მარშრუტები ხვალიდან, 24 ოქტომბრიდან ამოქმედდება.

ახალი საავტობუსო ქსელის გაშვებით საშუალო მოცდის დრო შემცირდება 7 წუთამდე, ხოლო ავტობუსებში მგზავრთა ტევადობა გაიზრდება 2,5-ჯერ. შესაბამისად, მოქალაქეებისთვის მცირდება მგზავრობისა და მოცდის დრო.

როგორც პრეზენტაციაზე მერის მოადგილემ ირაკლი ხმალაძემ განაცხადა, ახალ მარშრუტებზე მოძრავ ავტობუსებსა და მიკროავტობუსებში თანხის გადახდა შესაძლებელი იქნება მხოლოდ ბარათის საშუალებით, მგზავრობის დასაწყისშივე. ახალი მიკროავტობუსების მძღოლების ანაზღაურება კი იქნება ფიქსირებული, რითიც მარშრუტზე მოძრაობის გრაფიკიდან გადაცდომის და მგზავრის ფეხზე დგომის პრევენცია მოხდება.

მიკროავტობუსების ხაზების მონიტორინგი თანამედროვე GPS და მგზავრთა მთვლელი სისტემების გამოყენებით განხორციელდება.

თბილისში „ფორდის“ მარკის 300 მიკროავტობუსს შემოიყვანენ>>

მუნიციპალური ავტოპარკის განახლების პროექტის ფარგლებში თბილისის სატრანსპორტო კომპანიამ 226 ერთეული 12-მეტრიანი, EURO 6-ის სტანდარტის ავტობუსი შეისყიდა. მათი ნაწილი უკვე დედაქალაქშია, დანარჩენი კი 2021 წლის მარტამდე ეტაპობრივად შემოვა. 2021 წელს ასევე დაგეგმილია 180 ერთეული 18-მეტრიანი ავტობუსების შეძენა.

გარდა ავტობუსებისა, პროექტის ფარგლებში შესყიდულია 300 ერთეული FORD-ის მარკის, დიზელის ძრავზე მომუშავე, „ევრო 5“ ემისიის, ეკოლოგიურად სუფთა მიკროავტობუსი. მიკროავტობუსების სრულად შემოყვანისთვის განსაზღვრულია 180 კალენდარული დღე.

82
თემები:
თბილისი დღეს (1787)
ახალი ავტობუსი თბილისში

თბილისის ქუჩებში ახალი ავტობუსები და მიკროავტობუსები გამოჩნდა

74
(განახლებულია 16:05 23.10.2020)
ახალი ავტობუსების დიდი ნაწილი უკვე დედაქალაქშია, დანარჩენი კი 2021 წლის მარტამდე ეტაპობრივად შემოვა.

თბილისი, 23 ოქტომბერი — Sputnik. თბილისის საქალაქო ავტოპარკი ახალი ავტობუსებითა და მიკროავტობუსებით შეივსო, ამის შესახებ დედაქალაქის მერმა კახა კალაძამ ისაუბრა.

ახალი სატრანსპორტო საშუალებები თბილისის მერმა მოსახლეობას დღეს წარუდგინა.

„შემოვიყვანეთ ავტობუსების ახალი პარტია. ეს არის BMC-ს მარკის 12-მეტრიანი ავტობუსები, 126 ერთეული, რომელიც ხვალიდან მოემსახურება თბილისის მოსახლეობას. როგორც ამ ქალაქის მერი, ძალიან ბედნიერი ვარ და ძალიან მიხარია, რომ ეს რეფორმა ხორციელდება და საზოგადოებრივი ტრანსპორტი ქალაქში იქნება ყველასთვის ხელმისაწვდომი“, — განაცხადა კალაძემ.

კომპრესირებულ ბუნებრივ აირზე მომუშავე, ევრო 6-ის სტანდარტის 126 ავტობუსი თბილისის სატრანსპორტო კომპანიამ ევროპის რეკონსტრუქციისა და განვითარების ბანკის ხელშეწყობით შეისყიდა.

ავტობუსების ნაწილი უკვე დედაქალაქშია, დანარჩენი კი 2021 წლის მარტამდე ეტაპობრივად შემოვა.

ახალი ავტობუსები 90 მგზავრზეა გათვლილი და სრულად ადაპტირებულია შშმ პირებისთვის. მათთვის სალონში გამოყოფილია სპეციალური სივრცე და ავტობუსს აქვს გადმოსაშლელი პანდუსი ეტლით ასვლის უზრუნველსაყოფად.

ავტობუსებში დამონტაჟებულია თანამედროვე სტანდარტის ინტეგრირებული გათბობის, კონდიცირებისა და ვენტილაციის სისტემა, რომელიც გათვლილია თბილისის კლიმატურ პირობებზე. აქვს როგორც საინფორმაციო ხმოვანი სისტემა, შიდა და გარე ანტივანდალური ვიდეომონიტორინგის სისტემა, ასევე USB-დამტენები და გაჩერების დასახელების გამოცხადების ტექნიკური საშუალება.

„ამასთან ჩვენ დავიწყეთ მიკროავტობუსების განახლების პროცესი. აქაც ძალიან კრიტიკული მდგომარეობა გვაქვს. ყველანაირი რესურსი აქვს ამოწურული ე.წ. ყვითელ მარშრუტკებს. მათი გამონაბოლქვი სერიოზული პრობლემაა. შესაბამისად, ასევე ხდება მიკროავტობუსების განახლება. დღეის მდგომარეობით 200 ერთეული მიკროავტობუსია შემოყვანილი“, — განაცხადა დედაქალაქის მერმა.

კალაძის ინფორმაციით, ახლო მომავალში თბილისში დაახლოებით 1500-მდე მიკროავტობუსი იმოძრავებს. მისი თქმით, უფრო მეტის საჭიროება დედაქალაქს არ აქვს.

ახალი მიკროავტობუსი გათვლილია 17 მგზავრზე და ასევე აღჭურვილია თბილისის კლიმატზე გათვლილი გათბობა-კონდიცირების სისტემებით. გარდა ამისა, აქვს AM/FM რადიო და AUX, USB შესაერთებლები.

ამჟამად თბილისში 600-650 მუნიციპალური ავტობუსი მოძრაობს. აქედან 183 ახალია, MAN-ის მარკის. ისინი ეკოლოგიურად სუფთაა და ადაპტირებულია შშმ პირებისთვის.

დღის განმავლობაში თბილისის ავტობუსები საშუალოდ 110 ათას კილომეტრს გადიან და 1,8 ათასზე მეტ გაჩერებაზე ჩერდებიან.

რაც შეეხება მიკროავტობუსებს, დღეისათვის თბილისში დაახლოებით 1,8 ათასი მიკროავტობუსი მოძრაობს.

74
თემები:
თბილისი დღეს (1787)
ნახევარმთვარე

მთვარის კალენდარი: 24 ოქტომბერი რისი გაკეთება შეიძლება და რისი არა

0
(განახლებულია 10:51 22.10.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

24 ოქტომბერი, შაბათი. ამ დღეს სატურნი მართავს. მზარდი მთვარე მერწყულის ნიშანშია.

მთვარე მერწყულის ნიშანში – ამ დღეს ჩნდება ინტერესი ყოველი ახლისადმი, მოულოდნელად მოდის საინტერესო იდეები, ადამიანებში იზრდება დამოუკიდებლობის წყურვილი, ექსტრავაგანტულობა, კომუნიკაბელურობა, ექსპერიმენტებისკენ სწრაფვა, შემოქმედებითი დამოკიდებულება ყველაფრისადმი.

კარგი დღეა მეგობრობისა და ფლირტისთვის. თუ გინდათ, რომ პარტნიორისთვის საყვარელი ადამიანი იყოთ, გახდით მისი მეგობარიც და არ შეუშინდეთ ორიგინალობას. მთვარეს მერწყულში უცნაური და უჩვეულო ნაცნობობა შეუძლია მოიტანოს. არ გაგიკვირდეთ ვითარების სწრაფი ცვლა, ეცადეთ, პარტნიორი იდეალურად არ აღიქვათ.

ასეთ დროს სასიყვარულო ურთიერთობებზე დიდ გავლენას ახდენს მეგობრების მოსაზრებები. თუ გაჩნდება მეგობრობა, ურთიერთგაგება, მაშინ რომანი, დიდი ალბათობით, დიდხანს გაგრძელდება. ეს უფრო ორიგინალური კავშირი იქნება, ვიდრე მგზნებარე და ვნებიანი.

რეკომენდებულია ძველი პროექტების განხორციელებისას კრეატიული იდეების გამოყენება, მცირე ფინანსური საქმეების გადაწყვეტა, ახალი პარტნიორების ძებნა, ინდივიდუალურად მუშაობა და გუნდური მუშაობის შეზღუდვა.

არარეკომენდებულია საკუთარ შესაძლებლობების ზედმეტად შეფასება, დატვირთვა სამუშაოზე.

არცთუ ხელსაყრელი დღეა მგზავრობისთვის, მოგზაურობის დაწყებისთვის.

თმის შეჭრა, შეღებვა: ამ დღეს სჯობს, თმის შეჭრისგან თავი შეიკავოთ. შეღებვისთვის კარგი დროა. მანიკურისთვის ძალზე ხელსაყრელი დღეა.

მებაღეობა:  ვინაიდან მერწყულის ნიშანი მებაღეობის მხრივ არცთუ ნაყოფიერი პერიოდია, შეიძლება მხოლოდ ბრძოლა მავნებლებთან, მცენარეების შეწამვლა, ნიადაგის გაფხვიერება, არ ღირს პიკირება, მცენარეების დარგვა და გადარგვა.

0