მეტროს სადგური „გოცირიძე" გარემონტდება და გადაიხურება

© Sputnik / STRINGERმეტროს სადგური „დიდუბე"
მეტროს სადგური „დიდუბე - Sputnik საქართველო
გამოწერა
ქართულ მასმედიაში გავრცელდა ინფორმაცია, რომ სადგურ „გოცირიძეზე" მგზავრების გადაადგილება საშიშია, რადგან ერთ-ერთი საყრდენი ბოძი დაჯდა.

თბილისი, 23 მაისი — Sputnik. „თბილისის სატრანსპორტო კომპანიამ" მეტროს სადგურ „გოცირიძეზე" სარემონტო სამუშაოების ჩატარებაზე ტენდერი გამოაცხადა, იუწყება საინფორმაციო სააგენტო Новости Грузия კომპანიის პრეს-სამსახურზე დაყრდნობით.

ამჟამად სადგური „გოცირიძე" მეტროს ერთადერთი სადგურია, რომელსაც ღია ტიპის პლატფორმა აქვს. კაპიტალური რემონტის ერთ-ერთი მთავარი სამუშაო სადგურის გადახურვაა.

მეტრო „მარჯანიშვილი“ - Sputnik საქართველო
თბილისის მეტრო წლის ბოლომდე განახლდება: მერია 40 ახალ ვაგონს ყიდულობს

სამუშაოების სავარაუდო ღირებულება 2 მილიონ ლარს აჭარბებს. ტენდერში გამარჯვებულმა კომპანიამ სამუშაოები შეთანხმების გაფორმებიდან 210 დღეში უნდა დაასრულოს.

უფრო ადრე ქართულ მასმედიაში გავრცელდა ინფორმაცია, რომ სადგურ „გოცირიძეზე" მგზავრების გადაადგილება საშიშია, რადგან იქ არსებული ხიდის ერთ-ერთი საყრდენი ბოძი დაჯდა. თუმცა, როგორც „თბილისის სატრანსპორტო კომპანიის" წარმომადგენელმა განაცხადა, ლევან სამხარაულის სახელობის ექსპერტიზის ეროვნულმა ბიურომ ხიდი შეამოწმა და დაასკვნა, რომ ის მგზავრებისთვის საფრთხეს არ წარმოადგენს.

დღეისათვის თბილისის მეტროპოლიტენი 23 სადგურს ითვლის, რომლებიც ორ ხაზზე – ახმეტელი–ვარკეთილისა და საბურთალოს ხაზებზეა განაწილებული. მეტროს საერთო სიგრძე 57 კილომეტრია, მათგან პირველი ხაზი – 40 კმ, მეორე კი 17 კმ-ია.

ყველა ახალი ამბავი
0