სადილი საბავშვო ბაღში

თბილისის მერიამ საბავშვო ბაღების მომმარაგებელ კომპანიას კონტრაქტი შეუწყვიტა

105
თბილისის საბავშვო ბაღები პროდუქტების მომწოდებლებთან კონტრაქტებს თავად გააფორმებენ

თბილისი, 20 მაისი - Sputnik. თბილისის მერიამ შეუწყვიტა კონტრაქტი კომპანია „ნილს“, რომელიც დედაქალაქის საბავშვო ბაღებს კვების პროდუქტებით ამარაგებდა, განაცხადა ბრიფინგზე თბილისის მერის მოადგილემ ილია ელოშვილმა.

ილია ელოშვილი კომპანიისთვის კონტრაქტის შეწყვეტის მიზეზად ბოლო ორი კვირის განმავლობაში გამოვლენილ ხარვეზებს ასახელებს.

„ბოლო ორი კვირის განმავლობაში შიდა ნაშთების გამოყენებით და სააგენტოს ძალისხმევით, ბაღები ხარისხიანი საკვებით მარაგდებოდა.  ამ ხნის განმავლობაში, ჩვენ კომპანია „ნილს“ მივეცით გაფრთხილება, თუმცა უნდა ითქვას, რომ დღეს ისევ ანალოგიური მდგომარეობაა, კვლავ დაგვიანებით ხდება ბაღებში საკვების შეტანა და ხარვეზები გვაქვს. პარასკევს აღვნიშნეთ, რომ ამგვარ რეჟიმში ვერ გავაგრძელებდით მუშაობას. შესაბამისად, დღეს მივიღეთ გადაწყვეტილება, რომ კომპანია „ნილს“ ხელშეკრულება შეუწყდეს“, - განაცხადა ელოშვილმა.

ცხენისა და ვირის ხორცს საქონლის ხორცად ასაღებდნენ – მხილებულია ორი პირი >>

თბილისის ბაგა-ბაღების განვითარების სააგენტოში აცხადებენ, რომ სკოლამდელი დაწესებულებების მომარაგების პროცესი არ შეწყდება. 21 მაისიდან თბილისის ყველა საბავშვო ბაღი მომწოდებელ კომპანიებთან ხელშეკრულებებს თავად გააფორმებენ.

შეგახსენებთ, რომ შარშან კომპანია „ნილი“ სამჯერ დააჯარიმეს. ორჯერ ეტიკეტირების წესების დარღვევისთვის და ერთხელ ჰიგიენური ნორმების კრიტიკული შეუსაბამობის გამო.

პირველ ჯერზე კომპანია 400 ლარით დაჯარიმდა, მეორე შემთხვევაში - 1200 ლარით, მესამეში - 1000 ლარით.

2018 წელს სურსათის ეროვნულმა სააგენტომ დედაქალაქის 157 საბავშვო ბაღში სახელმწიფო შემოწმება ჩაატარა.

თბილისის საბავშვო ბაღებში ხაჭო და არაჟანი დააბრუნეს >>

თბილისში 180 საჯარო საბავშვო ბაღი ფუნქციონირებს. წელს დედაქალაქის საბავშვო ბაღებში 61 ათასზე მეტი ბავშვია რეგისტრირებული.

105
თემები:
თბილისი დღეს (1912)

მოძრაობამ „საქართველოსთვის“ ივანიშვილის რეზიდენციასთან საპროტესტო აქცია გამართა - ვიდეო

15
მოძრაობა „საქართველოსთვის“ აქტივისტებმა და ოპოზიციის წარმომადგენლებმა საპროტესტო მსვლელობა გამართეს პარლამენტთან მოწყობილი კარვების ქალაქიდან მილიარდერი ბიძინა ივანიშვილის რეზიდენციამდე

მომიტინგეების მთავარი მოთხოვნა რიგგარეშე საპარლამენტო არჩევნების ჩატარება, პოლიტპატიმრების გათავისუფლება და საარჩევნო სისტემის რეფორმაა.

დემონსტრანტების თქმით, ივანიშვილის პოლიტიკიდან წასვლა მხოლოდ ფორმალური ხასიათისაა, ის განაგრძობს ქვეყანაში პროცესების მართვას და მსვლელობით სწორედ ამასთან დაკავშირებით გამოხატეს პროტესტი.

 

15
გზის მშენებლობა

მაჭავარიანის ქუჩაზე ტრანსპორტის მოძრაობა ერთი დღით ორმხრივად შეიზღუდება

22
(განახლებულია 14:19 01.03.2021)
თბილისის მერია მაჭავარიანის ქუჩისა და მარშალ გელოვანის გამზირის დამაკავშირებელი გზის მშენებლობას განაგრძობს

თბილისი, 1 მარტი - Sputnik. თბილისში მაჭავარიანის ქუჩაზე, ოპერატიული მართვის ცენტრის შენობიდან („112“) ვაშლიჯვრისკენ, „ბიპის“ ბენზინგასამართ სადგურამდე არსებულ საგზაო მონაკვეთში მოძრაობა 1 მარტიდან 2 მარტამდე ორმხრივად შეიზღუდება. ინფორმაციას თბილისის მერია ავრცელებს.

თბილისის მერია ვაკე-საბურთალოს რაიონში გასული წლის გაზაფხულიდან მოყოლებული მაჭავარიანის ქუჩისა და მარშალ გელოვანის გამზირის დამაკავშირებელი გზის მშენებლობას ახორციელებს. მაჭავარიანის ქუჩაზე 20 იანვრიდან 31 მარტამდე პერიოდში დაგეგმილი ინფრასტრუქტურული სამუშაოების გამო ავტოტრანსპორტის მოძრაობა ნაწილობრივ შეზღუდულია და დღემდე გადაადგილება მხოლოდ ცალმხრივად ხორციელდებოდა.

„შემდგომ დღეებში, 31 მარტამდე, როგორც სამუშაოების დროს იყო გათვალისწინებული, მოძრაობა ნუცუბიძის ფერდობიდან ვაშლიჯვრის მიმართულებით, კვლავ ცალმხრივად იქნება შესაძლებელი“, - აცხადებენ მერიაში.

პროექტის თანახმად, გადაუდებელი დახმარების ოპერატიული მართვის ცენტრის მიმდებარე ტერიტორიიდან ჩამოსასვლელი გზა სუპერმარკეტ „აგროჰაბსა" და „მათე მოტორსის" ყოფილ შენობას შორის გაივლის და მარშალ გელოვანის გამზირს დაუკავშირდება. ბეტონის ახალი გზა ოთხზოლიანი იქნება.

გზაზე ასევე მოეწყობა საყრდენი კედლები და წყალამრიდები, დამონტაჟდება გარე განათების თანამედროვე სტანდარტების შესაბამისი ქსელი.

22
თემები:
თბილისი დღეს (1912)
ჯანსაღი ხილი და ბოსტნეული

მეტს სარგებელი არ მოაქვს: დადგინდა ხილ-ბოსტნეულის ყოველდღიური ეფექტური ულუფა

0
(განახლებულია 16:06 01.03.2021)
მასშტაბურმა ანალიზმა, რა დროსაც 2 000 000 ადამიანის მონაცემები შეისწავლეს, აჩვენა, რომ ამაზე მეტი დოზა არანაირ დამატებით სარგებელს არ იძლევა ჯანმრთელობისთვის

თბილისი, 1 მარტი — Sputnik. ხანგრძლივი და ჯანმრთელი ცხოვრებისთვის ადამიანმა დღეში ორი ულუფა ხილი და სამი ულუფა ბოსტნეული უნდა მიირთვას, აცხადებენ ამერიკელი მეცნიერები, რომლეთა კვლევაც ამერიკის კარდიოლოგიური ასოციაცია Circulation–ის ჟურნალშია გამოქვეყნებული.

როგორც ირკვევა, კვლევის ავტორებმა 1984–2014 წლებში ჩატარებული ორი კოჰორტული კვლევის მონაცემები გაანალიზეს, რომლებშიც 100 ათასი ადამიანი მონაწილეობდა. გარდა ამისა, მათ ასევე შეისწავლეს 29 ქვეყნიდან მიღებული მონაცემები ხილისა და ბოსტნეულის მოხმარებისა და ასევე სიკვდილიანობის შესახებ. საერთო ჯამში, კვლევაში მონაწილე ადამიანების რაოდენობამ ორ მილიონს გადააჭარბა.

ანალიზმა აჩვენა, რომ ყოველდღიურად ხილ–ბოსტნეულის ხუთი ულუფის (ორი ულუფა ხილი და სამი ულუფა ბოსტნეული) მიღება მნიშვნელოვნად ამცირებს სიკვდილიანობის რისკს. ამასთან გაირკვა ისიც, რომ ამ დოზის გაზრდას არანაირი დამატებითი სარგებელი არ მოჰქონდა.

„ეს კომბინაცია დიდ სარგებელს იძლევა სერიოზული ქრონიკული დაავადებების პროფილაქტიკის თვალსაზრისით“, — აცხადებს კვლევის ხელმძღვანელი, ჰარვადრის უნივერსიტეტის მედიცინის პროფესორი დონ ვანა.

ამასთან მეცნიერები აღნიშნავენ, რომ ყველა ხილი და ბოსტნეული თანაბრად სასარგებლო არ არის. მაგალითად, სახამებლის შემცველი ბოსტნეული, როგორებიცაა კარტოფილი, ბარდა და სიმინდი, ასევე ხილის წვენები არ ამცირებს ქრონიკული დაავადებებითა თუ სხვა მიზეზებით გამოწვეულ სიკვდილიანობის რისკს. ამ მხრივ ყველაზე დიდი სარგებელი მოაქვს მწვანე ფოთლოვან ბოსტნეულს: ისპანახს, სალათსა და კომბოსტოს, და ასევე ბეტა–კაროტინებისა და C ვიტამინის შემცველ სხვა ხილსა და ბოსტნეულს: ციტრუსებს, კენკროვნებსა და სტაფილოს.

0
თემები:
მსოფლიო და მეცნიერება