თბილისის საბავშვო ბაგა-ბაღების სააგენტოს ხელმძღვანელი კახაბერ გვანცელაძე

რეგისტრაცია თბილისის საჯარო საზაფხულო ბაღებში ადგილების შევსებამდე გაგრძელდება

144
ზაფხულში 40 საბავშვო ბაღი 13 ათასამდე აღსაზრდელს მიიღებს.

თბილისი, 7 მაისი – Sputnik. ბავშვთა რეგისტრაცია თბილისის საჯარო საზაფხულო ბაღებში 15 მაისს, 12:00 საათზე დაიწყება, განაცხადა თბილისის საბავშვო ბაგა-ბაღების სააგენტოს ხელმძღვანელმა კახაბერ გვანცელაძემ.

აღმზრდელობითი პროცესი თბილისის საჯარო ბაგა-ბაღებში 28 ივნისს დასრულდება. თბილისში 1-დან 31 ივლისის ჩათვლით სულ 40 საბავშვო ბაღი იმუშავებს, რომლებიც 13 ათასამდე აღსაზრდელს მიიღებენ.

რეგისტრაციის გავლა თბილისის საბავშვო ბაგა-ბაღების მართვის სააგენტოს ვებ-გვერდზეა შესაძლებელი.

„რეგისტრაციის დაწყების დღეს ვებ-გვერდზე იმუშავებს მხოლოდ საზაფხულო ბაღების რეგისტრაციის ფორმა, სადაც სავალდებულო იქნება კონკრეტული ველების შევსება რაიონის, საბავშვო ბაღის, ჯგუფის, ასევე აღსაზრდელისა და მშობლის პირადი მონაცემებისა და საკონტაქტო ინფორმაციის შესახებ. რეგისტრაცია ადგილების შევსებამდე გაგრძელდება“, – განაცხადა გვანცელაძემ.

საზაფხულო ბაღების სერვისი ხელმისაწვდომი იქნება არა მარტო რეგისტრირებული აღსაზრდელებისთვის, არამედ 2-დან 6 წლამდე ასაკის ნებისმიერი ბავშვისთვის.

რაც შეეხება ახალი სასწავლო წლისთვის სახელმწიფო საბავშვო ბაღებში საყოველთაო რეგისტრაციას, იგი ივნისში დაიწყება. პირველ ეტაპზე ბაღებში ჩაირიცხებიან სოციალურად დაუცველი ოჯახის შვილები და ის ბავშვები, რომელთა და ან ძმა იმავე ბაღის აღსაზრდელია. მომდევნო ეტაპზე კი ბაღში ყველა დანარჩენი მსურველი შეძლებს დარეგისტრირებას.

თბილისის საჯარო ბაღებში გაზქურებს ელექტროქურებით ანაცვლებენ >>

თბილისში 180 სახელმწიფო საბავშვო ბაღი ფუნქციონირებს, სადაც წელს 61 ათასზე მეტი ბავშვი იყო რეგისტრირებული.

144
თემები:
თბილისი დღეს (1612)

საქართველო vs კორონავირუსი: საგანგებო მდგომარეობის ორი თვე ორ წუთში

160
(განახლებულია 15:01 22.05.2020)
საქართველოში საგანგებო მდგომარეობა დასრულდა, რომელიც კორონავირუსი COVID-19-ის გავრცელების საფრთხის გამო დაწესდა

იხილეთ Sputnik-საქართველოს ვიდეოში, რა აკრძალვები მოქმედებდა საქართველოში ორი თვის განმავლობაში და რა ზიანი მიადგა სახელმწიფოს.

საგანგებო მდგომარეობა საქართველოში 21 მარტს გამოცხადდა. თავდაპირველად საგანგებო მდგომარეობა ერთი თვით დაწესდა, თუმცა მოგვიანებით 22 მაისამდე გაგრძელდა.

ქვეყანაში დაიკეტა სავაჭრო ობიექტები, ფუნქციონირებდა მხოლოდ სასურსათო მაღაზიები და აფთიაქები. ხელისუფლებამ დააწესა საკომენდანტო საათი, რომელიც ღამის 21:00-დან დილის 06:00 საათამდე მოქმედებდა. ასევე აკრძალული იყო სამ ადამიანზე მეტის შეკრება საზოგადოებრივი თავშეყრის ადგილებში, სავალდებულო იყო სოციალური დისტანციის დაცვა ორი მეტრის დაშორებით.

ნებისმიერი დარღვევა ისჯებოდა დიდი ჯარიმით: 3 000 ლარი ფიზიკური პირებისთვის და 15 000 ლარი იურიდიული პირებისათვის.

27 აპრილიდან შეზღუდვების ეტაპობრივი გაუქმება დაიწყო. ხელისუფლება იმედს იტოვებს, რომ შეზღუდვების შემსუბუქება არ გაართულებს ეპიდემიოლოგიურ სიტუაციას ქვეყანაში.

160
ჭავჭავაძის გამზირი

ჭავჭავაძის გამზირი სამი კვირით იკეტება

98
(განახლებულია 22:21 22.05.2020)
ჭავჭავაძის გამზირზე მასშტაბური სარემონტო სამუშაოები დედაქალაქის მერიამ გასული წლის მაისის ბოლოს დაიწყო.

თბილისი, 22 მაისი - Sputnik. რეაბილიტაციის ბოლო ეტაპის დაწყებასთან დაკავშირებით ჭავჭავაძის გამზირზე ტრანსპორტის მოძრაობა შეიზღუდება, ნათქვამია თბილისის მერიის ადმინისტრაციის მიერ გავრცელებულ განცხადებაში.

კერძოდ, 25 მაისიდან 15 ივნისამდე ჭავჭავაძის გამზირი ატენის ქუჩიდან გ. წერეთლის ქუჩის გასასვლელამდე სრულად ჩაიკეტება.

მერიის ცნობით, ამ დროისთვის დასრულებულია საპროექტო არეალში არსებული ასფალტის საფარის ქვედა ფენების დაგება. მიმდინარეობს საკომუნიკაციო ჭის თავების მოყვანა ნიშნულზე. პარალელურად  ეტაპობრივად დაიგება ასფალტის საფარის ბოლო ფენები. ასევე მიმდინარეობს საფეხმავლო სივრცეებში (ტროტუარები) მოპირკეთებისა და გამზირზე არსებული თარგების გამწვანების სამუშაოები.

„თბილისის მერია მადლობას უხდის მოსახლეობას შექმნილი დისკომფორტის დროს გამოჩენილი მოთმინებისა და მხარდაჭერისთვის“, - აღნიშნულია განცხადებაში.

ჭავჭავაძის გამზირზე მასშტაბური სარემონტო სამუშაოები დედაქალაქის მერიამ გასული წლის მაისის ბოლოს დაიწყო. გამზირზე საერთო ჯამში ასფალტის საფარი 60 ათას კვადრატულ მეტრ ფართობზე დაიგება. სარეაბილიტაციო არეალი ჯამში 2,5 კილომეტრს მოიცავს, რომლის ფარგლებშიც შეიცვალა და რეაბილიტაცია ჩაუტარდა სანიაღვრე ქსელს, მოეწყო ბორდიურები. ტროტუარები მოპირკეთდება ბუნებრივი ქვის ფილებით, გამზირზე მოეწყობა ველობილიკი, ტროტუარის გასწვრივ კი უსაფრთხოების მოაჯირები და სხვა სახის ბარიერები დამონტაჟდება.

98
თემები:
თბილისი დღეს (1612)
დაკეტილი რესტორნები და კაფეები აბანოთუბანში

საქართველო განაგრძობს საერთაშორისო დონორებისგან ფინანსური მხარდაჭერის მიღებას

0
(განახლებულია 08:55 25.05.2020)
დაფინანსება საბიუჯეტო დახმარებას წარმოადგენს და მიმართული იქნება მთავრობის ასიგნების მხარდაჭერისთვის

თბილისი, 25 მაისი – Sputnik. საფრანგეთის განვითარების სააგენტო (AFD) საქართველოს COVID-19–თან ბრძოლისთვის, ასევე ენერგეტიკული სექტორის რეფორმის პროგრამის მხარდაჭერისთვის 190 მილიონ ევროს გამოუყოფს, ნათქვამია საქართველოს ფინანსთა სამინისტროს განცხადებაში.

შესაბამისად, ფინანსთა მინისტრმა ივანე მაჭავარიანმა და AFD–ს სამხრეთ კავკასიის რეგიონული ოფისის დირექტორმა გაელლე ასაიაჟმა და საფრანგეთის ელჩმა საქართველოში დიეგო კოლასმა ხელი მოაწერეს ორ ხელშეკრულებას.

უწყების ინფორმაციით, ეს დაფინანსება საბიუჯეტო დახმარებას წარმოადგენს და მიმართული იქნება მთავრობის ასიგნების მხარდაჭერისთვის.

შეთანხმება, რომელსაც ხელი მოეწერა საფრანგეთის განვითარების სააგენტოსთან, წარმოადგენს იმ ფინანსური მხარდაჭერის ნაწილს, რომელიც საქართველოს მთავრობამ ქვეყნის ეკონომიკის შემდგომი რეაბილიტაციისთვის საერთაშორისო პარტნიორული დონორი ორგანიზაციებისგან მიიღო.

მსოფლიო ბანკი საქართველოს მოსახლეობას კორონავირუსის პანდემიის დაძლევაში დაეხმარება>>

საერთაშორისო სავალუტო ფონდი დათანხმდა პროგრამა „დაფინანსების გაფართოების მექანიზმის“ გაგრძელებას, რაც საქართველოსთვის წლის ბოლომდე 447 მილიონი დოლარის გამოყოფას ნიშნავს. ამას გარდა, რიგი საერთაშორისო დონორი ორგანიზაციები საქართველოს 1,5 მილიარდ დოლარს გამოუყოფენ 2020 წლის ბოლომდე.

0
თემები:
COVID-19 საქართველოში