თბილისი

ამინდის ზუსტი პროგნოზი თბილისში 2 მაისს

146
(განახლებულია 10:32 30.04.2019)
ხუთშაბათს ჰაერი 26 გრადუსამდე გათბება

თბილისი, 30 აპრილი — Sputnik. თბილისელებსა და დედაქალაქის სტუმრებს ხუთშაბათს, 2 მაისს მზიანი ამინდი ელოდებათ.

მზე 05:56 საათზე ამოვა და 19:59 საათზე ჩავა.

ღამით ჰაერის მინიმალური ტემპერატურა +14 გრადუსი, დღისით მაქსიმალური კი 26 გრადუსია ნავარაუდები. ქარის სიჩქარე წამში 8-13 მეტრი იქნება.

 

146
თემები:
ამინდის ზუსტი პროგნოზი თბილისში (398)
კახა კალაძე

ივნისი თუ ივლისი: კალაძე და გახარია ტრანსპორტის ამუშავების სხვადასხვა თარიღს ასახელებენ

81
თბილისის მერი არ გამორიცხავს, რომ ავტობუსები, სამარშრუტო ტაქსები და მეტრო დედაქალაქში ივნისის დასაწყისში შეიძლება ამუშავდეს, პრემიერი კი საზოგადოებრივი ტრანსპორტის ამუშავების ვადად ივლისის შუა რიცხვებს ასახელებს

თბილისი, 25 მაისი - Sputnik. დედაქალაქში საზოგადოებრივი ტრანსპორტი შეიძლება ივნისის დასაწყისში ამუშავდეს, ამის შესახებ ჟურნალისტებს თბილისის მერმა კახა კალაძემ განუცხადა.

დედაქალაქის მერის თქმით, ჯერ არ არის მითითებები, როგორ და რა პირობებით მოუწევს მუშაობა ქალაქის ტრანსპორტს. მაგრამ როდესაც გადაწყვეტილება მიღებული იქნება, მერია და შესაბამისი სამსახურები სრულ მზადყოფნაში იქნებიან, აღნიშნა კალაძემ.

„ზუსტი თარიღი უცნობია. ჩვენ ეგ ინფორმაცია არ გვაქვს. ეს საკითხი საკოორდინაციო საბჭოს სხდომაზე დავსვი, რადგან საზოგადოებაში ძალიან დიდი მოთხოვნაა. ველოდებით მითითებებს“, - განმარტა კალაძემ.

მთელ საქართველოში საზოგადოებრივი ტრანსპორტის მოძრაობა 31 მარტიდანაა შეჩერებული. აღნიშნული შეზღუდვა ქვეყანაში საგანგებო მდგომარეობის ფარგლებში დაწესდა.

23 მაისიდან საგანგებო მდგომარეობა გაუქმდა, მოიხსნა მრავალი შეზღუდვა, მათ შორის, კომენდანტის საათი, ავტომობილით სამ კაცზე მეტის გადაადგილებისა და სამზე მეტი ადამიანის თავშეყრის აკრძალვა.

თუმცა მთავარი კითხვა, რომელიც საქართველოს მოსახლეობას აწუხებს, როდის აღდგება საზოგადოებრივი ტრანსპორტის მოძრაობა, ჯერაც უპასუხოდ რჩება.

81
თემები:
COVID-19 საქართველოში

სკუტერების ქალაქი: თბილისში ელექტროსკუტერების პოპულარობა იზრდება ფოტო

103
(განახლებულია 16:17 25.05.2020)
  • თბილისის ქუჩებში, განსაკუთრებით ქალაქის ცენტრში, ხშირად სარგებლობენ ელექტროსკუტერებით
  • სერვისი იაფი არ ღირს, თუმცა შეზღუდულ დროში თანხის დაზოგვა შესაძლებელია
  • თბილისის მერიაში მიაჩნიათ, რომ სკუტერები შესაძლოა ავტომობილის ერთგვარ ალტერნატივად იქცეს, როდესაც ქალაქის ქუჩები გადატვირთულია და საცობები იქმნება
  • გარდა ამისა, ელექტროსკუტერი ეკომეგობრული ტრანსპორტია და არ აბინძურებს გარემოს
  • მგზავრობის პირველი ათი წუთი უფასოა
  • სკუტერის გააქტიურება მობილური აპლიკაციის მეშვეობით ხდება
  • მათი რაოდენობა დღითიდღე მატულობს
  • პანდემიასთან დაკავშირებით ელექტროსკუტერებს მერიის თანამშრომლები დღეში რამდენჯერმე დეზინფექციას უკეთებენ
  • ქალაქის მერის განცხადებას, რომ თბილისში ჯანსაღი ეკოლოგიური გარემო უმნიშვნელოვანესია, საზოგადოების დიდი ნაწილი ეთანხმება
  • ელექტროსკუტერები თბილისის ისტორიულ ცენტრშიც გამოჩნდა, თუმცა, დაკეტილი საზღვრების გამო, ქალაქის ტურისტულ ნაწილში სიცარიელეა
  • სამაგიეროდ ხალხმრავალ ადგილებში მათზე დიდი მოთხოვნაა
  • თუ ეს პროექტი გაამართლებს, ელექტროსკუტერები საქართველოს სხვა ქალაქებშიც გაჩნდება
თბილისში საზოგადოებრივ და კერძო ტრანსპორტზე დროებითი აკრძალვის დროს პოპულარული გახდა ელექტროსკუტერები.

ახალი ინიციატივა ბევრს მოეწონა, განსაკუთრებით – ახალგაზრდებს. ახლა თბილისის ქუჩებში ხშირად იხილავთ სხვადასხვა ასაკის ხალხს, რომლებიც ელექტროსკუტერებით გადაადგილდებიან. თუმცა, ძირითადად ახალგაზრდები.

თბილისის მერიაში მიაჩნიათ, რომ სკუტერები შესაძლოა ავტომობილის ერთგვარ ალტერნატივად იქცეს, ასევე ხელი შეუწყოს „საცობებისა“ და ეკოლოგიური მდგომარეობის პრობლემების გადაჭრას. ამგვარი მომსახურებით ასევე ბათუმშიც სარგებლობენ.

 

103
  • თბილისის ქუჩებში, განსაკუთრებით ქალაქის ცენტრში, ხშირად სარგებლობენ ელექტროსკუტერებით
    © Sputnik / Viktor Kaminsky.

    თბილისის ქუჩებში, განსაკუთრებით ქალაქის ცენტრში, ხშირად სარგებლობენ ელექტროსკუტერებით

  • სერვისი იაფი არ ღირს, თუმცა შეზღუდულ დროში თანხის დაზოგვა შესაძლებელია
    © Sputnik / Alexander Imedashvili

    სერვისი იაფი არ ღირს, თუმცა შეზღუდულ დროში თანხის დაზოგვა შესაძლებელია

  • თბილისის მერიაში მიაჩნიათ, რომ სკუტერები შესაძლოა ავტომობილის ერთგვარ ალტერნატივად იქცეს, როდესაც ქალაქის ქუჩები გადატვირთულია და საცობები იქმნება
    © Sputnik / Viktor Kaminsky.

    თბილისის მერიაში მიაჩნიათ, რომ სკუტერები შესაძლოა ავტომობილის ერთგვარ ალტერნატივად იქცეს, როდესაც ქალაქის ქუჩები გადატვირთულია და საცობები იქმნება

  • გარდა ამისა, ელექტროსკუტერი ეკომეგობრული ტრანსპორტია და არ აბინძურებს გარემოს
    © Sputnik / Alexander Imedashvili

    გარდა ამისა, ელექტროსკუტერი ეკომეგობრული ტრანსპორტია და არ აბინძურებს გარემოს

  • მგზავრობის პირველი ათი წუთი უფასოა
    © Sputnik / Viktor Kaminsky.

    მგზავრობის პირველი ათი წუთი უფასოა

  • სკუტერის გააქტიურება მობილური აპლიკაციის მეშვეობით ხდება
    © Sputnik / Viktor Kaminsky.

    სკუტერის გააქტიურება მობილური აპლიკაციის მეშვეობით ხდება

  • მათი რაოდენობა დღითიდღე მატულობს
    © Sputnik / Viktor Kaminsky.

    მათი რაოდენობა დღითიდღე მატულობს

  • პანდემიასთან დაკავშირებით ელექტროსკუტერებს მერიის თანამშრომლები დღეში რამდენჯერმე დეზინფექციას უკეთებენ
    © Sputnik / Viktor Kaminsky.

    პანდემიასთან დაკავშირებით ელექტროსკუტერებს მერიის თანამშრომლები დღეში რამდენჯერმე დეზინფექციას უკეთებენ

  • ქალაქის მერის განცხადებას, რომ თბილისში ჯანსაღი ეკოლოგიური გარემო უმნიშვნელოვანესია, საზოგადოების დიდი ნაწილი ეთანხმება
    © Sputnik / Viktor Kaminsky.

    ქალაქის მერის განცხადებას, რომ თბილისში ჯანსაღი ეკოლოგიური გარემო უმნიშვნელოვანესია, საზოგადოების დიდი ნაწილი ეთანხმება

  • ელექტროსკუტერები თბილისის ისტორიულ ცენტრშიც გამოჩნდა, თუმცა, დაკეტილი საზღვრების გამო, ქალაქის ტურისტულ ნაწილში სიცარიელეა
    © Sputnik / Alexander Imedashvili

    ელექტროსკუტერები თბილისის ისტორიულ ცენტრშიც გამოჩნდა, თუმცა, დაკეტილი საზღვრების გამო, ქალაქის ტურისტულ ნაწილში სიცარიელეა

  • სამაგიეროდ ხალხმრავალ ადგილებში მათზე დიდი მოთხოვნაა
    © Sputnik / Viktor Kaminsky.

    სამაგიეროდ ხალხმრავალ ადგილებში მათზე დიდი მოთხოვნაა

  • თუ ეს პროექტი გაამართლებს, ელექტროსკუტერები საქართველოს სხვა ქალაქებშიც გაჩნდება
    © Sputnik / Alexander Imedashvili

    თუ ეს პროექტი გაამართლებს, ელექტროსკუტერები საქართველოს სხვა ქალაქებშიც გაჩნდება

საკონსტიტუციო სასამართლო

ახალგაზრდა იურისტთა ასოციაცია საქართველოს პარლამენტს საკონსტიტუციო სასამართლოში უჩივის

0
(განახლებულია 10:10 26.05.2020)
ახალგაზრდა იურისტთა ასოციაცია მიიჩნევს, რომ მთავრობისთვის ქვეყანაში შეზღუდვების დაწესების უფლების მინიჭება საგანგებო მდგომარეობის გამოცხადების გარეშე კონსტიტუციას ეწინააღმდეგება

თბილისი, 26 მაისი – Sputnik. არასამთავრობო ორგანიზაცია „საქართველოს ახალგაზრდა იურისტთა ასოციაციამ“ (საია) საკონსტიტუციო სასამართლოში სარჩელი შეიტანა იმ შესწორებებთან დაკავირებით, რომლებიც პარლამენტმა საზოგადოებრივი ჯანდაცვის შესახებ კანონში შეიტანა.

შესწორებები, რომლის მიხედვით მთავრობას შეუზღუდავი უფლება ენიჭება, დააწესოს შეზღუდვები საგანგებო მდგომარეობის რეჟიმის გაუქმების შემდეგ, პარლამენტმა 22 მაისს მიიღო. ნორმა 23 მაისს ამოქმედდა და 15 ივლისამდე იქნება ძალაში.

პარლამენტმა მთავრობას საგანგებო მდგომარეობის შემდეგ შეზღუდვების დაწესების უფლება მიანიჭა>>

„კონსტიტუცია გადაადგილების თავისუფლების შეზღუდვას მხოლოდ კანონით უშვებს, შესაბამისად, ამ უფლების მთავრობის კანონქვემდებარე ნორმატიული აქტით შეზღუდვა დაუშვებელია. ასევე, შრომითი უფლებების შეზღუდვა მხოლოდ ორგანული კანონითაა დასაშვები“, – ნათქვამია საიას განცხადებაში.

ორგანიზაციაში აღნიშნავენ, რომ ამგვარად მთავრობა იღებს უფლებას, პარლამენტის გვერდის ავლით შეზღუდოს ასევე კონსტიტუციით გარანტირებული უფლებები.

კანონის ამოქმედების შემდეგ მთავრობას შეუძლია პანდემიისა და განსაკუთრებით საშიში ეპიდემიის დროს დროებით დააწესოს შეზღუდვები და მოაწესრიგოს წესებით, რომლებიც მოქმედი კანონმდებლობისგან განსხვავდება. გარდა ამისა, მთავრობა მიიღებს უფლებას, შეზღუდოს მოქალაქეთა გადაადგილება, მათი შრომითი და ეკონომიკური საქმიანობა და აკრძალოს სოციალური ღონისძიებების ჩატარება.

ასოციაციის ინფორმაციით, საკონსტიტუციო სასამართლოს პრაქტიკის მიხედვით, შეზღუდვითი ნორმა კონსტიტუციას უნდა შეესაბამებოდეს როგორც შინაარსობრივად, ისე ფორმალურად.

გახარია: ვერავინ შეუშლის ხელს იმ შეზღუდვების გაგრძელებას, რაც საჭიროა ჯანმრთელობისთვის>>

საია მიიჩნევს, რომ მთავრობისთვის მინიჭებული უფლება, შეზღუდოს საკუთრების უფლება, ანტიკონსტიტუციურია, რადგანაც მთავრობას მხოლოდ ტექნიკური ხასიათის ახალი წესების დადგენის უფლება აქვს. ამიტომ ახალგაზრდ იურისტები მიიჩნევენ, რომ ასეთად არ შეიძლება ჩაითვალოს შეზღუდვები, მაგალითად, სასტუმროს მესაკუთრისათვის ნომრების გაქირავების შეზღუდვა. ეს, მათი თქმით, არის საკუთრების უფლებით სარგებლობის სრული აკრძალვა და არა ტექნიკური ხასიათის რეგულაცია.

საკუთრების უფლებაზე სრული არძალვისთვის, როგორიცაა სასტუმროების ან ტანსაცმლის მაღაზიების დაკეტვა ან მუშაობის განახლების აკრძალვა, საჭიროა ლეგიტიმაცია პარლამენტის მხრიდან. ამ კონკრეტულ შემთხვევაში ასეთი რადიკალური ზომების მიღების შესაძლებლობა მთლიანად მთავრობის ხელშია.

საქართველოს კანონმდებლობით, საკონსტიტუციო სასამართლო ასოციაციის სარჩელს წარმოებაში მხოლოდ იმ შემთხვევაში მიიღებს, თუსასამართლოს კოლეგია მას მიზანშეწონილად მიიჩნევს.

ამოქმედებული შესწორებების საფუძველზე, საგანგებო მდგომარეობის რეჟიმის გაუქმების შემდეგ კორონავირუსით ინფიცირებულთა რაოდენობის გაზრდის თავიდან აცილების მიზნით, მთავრობამ სპეციალური დადგენილებით შეზღუდვებისა და აკრძალვების ნაწილი შეინარჩუნა.

ქვეყანაში ჯერ კიდევ არ მუშაობს საზოგადოებრივი ტრანსპორტი, დაკეტილია რესტორნები, ტანსაცმლისსა და ფეხსაცმლის მაღაზიები, სავაჭრო მოლები, სპორტდარბაზები, აკრძალულია სპორტული და კულტურული ღონისძიებების ჩატარება, კაზინოებისა და ტოტალიზატორების მუშაობა (გარდა ონლაინ მუშაობისა). საკარანტინე ზონებად რჩება თეთრიწყაროს რაიონი დაორი სოფელი ბოლნისის რაიონში.

0
თემები:
საქართველოს პარლამენტი