მშენებლობა

თბილისში შენობების ექსპლუატაციაში მიღების წესები იცვლება

192
უახლოეს მომავალში თბილისის მერი შენობა-ნაგებობების ექსპლუატაციაში მიღების წესში ცვლილებების შეტანას გეგმავს

თბილისი, 20 მარტი - Sputnik. თბილისის მერია მუშაობს ცვლილებებზე, რომლებიც შენობა-ნაგებობების ექსპლუატაციაში მიღების წესს უკავშირდება. ამის შესახებ დედაქალაქის მერმა კახა კალაძემ მუნიციპალიტეტის მთავრობის სხდომაზე განაცხადა.

თბილისის გენგეგმა დამტკიცებულია >>

მუნიციპალური ინსპექცია არა მხოლოდ მშენებლობის პროცესს უნდა აკვირდებოდეს, არამედ შენობების ექსპლუატაციაში მიღებისას მისი უსაფრთხოებაც უნდა გააკონტროლოს, აღნიშნა მერმა.

„ამ მიმართულებით, ვიცით, რომ პრობლემები გვაქვს, რომელიც ბოლო წლებმა გვაჩვენა. ადამიანებს ჰქონდათ შესაძლებლობა, ისეთ შენობა-ნაგებობებში ეცხოვრათ, რომელიც ექსპლუატაციაში არ იყო მიღებული, რაც სერიოზულ პრობლემას წარმოადგენს. უახლოეს მომავალში ვაპირებ, საზოგადოებას სრული ინფორმაცია მივაწოდო იმ ცვლილებებთან და გადაწყვეტილებებთან დაკავშირებით, რომელიც ამ მიმართულებით მუნიციპალიტეტმა მიიღო“, - განაცხადა კახა კალაძემ.

2018 წელს თბილისში მშენებლობის ახალი რეგულაციები შევიდა ძალაში. ცვლილებების მიზანს მოსახლეობის უსაფრთხოების გაზრდა წარმოადგენს.

ამიერიდან მშენებლობისას ყველა სადარბაზოში აუცილებლად უნდა დამონტაჟდეს კვამლის დეტექტორები და სიგნალიზაციის სისტემა, ასევე, ცეცხლმაქრი მოწყობილობა - ყველა სართულზე. გარდა ამისა, სადარბაზოები და ბინების კარები ცეცხლგამძლე სამშენებლო მასალით უნდა იყოს გაკეთებული. ასეთი კარი ცეცხლს მინიმუმ 30 წუთით შეაჩერებს.

მრავალსართულიან შენობებში თითო სადარბაზოში უნდა დამონტაჟდეს ორ-ორი ლიფტი. ხოლო სახლებში, რომელთა სიმაღლე 23 მეტრს აღემატება, უნდა გაკეთდეს ორი კიბე, რათა მცხოვრებლებს შენობიდან გამოსვლის ალტერნატიული საშუალება ჰქონდეთ.

თბილისში ელიავას ბაზრობის ნაწილს რეკრეაციულ ზონად გადააქცევენ >>

37 მეტრზე მაღალი შენობები უზრუნველყოფილი უნდა იყოს ორი სახანძრო-სამაშველო ლიფტით, რომლებიც ცალ-ცალკე 1200 კილოგრამზეა გათვლილი. 130 მეტრზე მაღალი შენობა, სახანძრო-სამაშველო ლიფტების გარდა, აღჭურვილი უნდა იყოს დამატებითი კიბით.

მრავალსართულიანი შენობებისთვის დაწესებული მოთხოვნები შემუშავებულია იმ მიზნით, რომ მათ ხანძარს გაუძლონ, სულ მცირე, სამი საათის განმავლობაში. აკრძალულია შენობებში იოლად აალებადი და ისეთი სამშენებლო მასალების გამოყენება, რომლებიც ხანძრის გავრცელებას უწყოს ხელს.

192
თემები:
თბილისის მერია (239)
თბილისის მეტრო

ახალი ფასადი და ვესტიბიული: თბილისში მეტროს სადგურები განახლდება

81
„ვარკეთილისა“ და „ავლაბრის“ მეტროსადგურების პროექტირება ამა წლის ნოემბერში დასრულდება, ქალაქის ხელისუფლება ეტაპობრივად დანარჩენი სადგურების განახლებასაც გეგმავს

თბილისი, 12 აგვისტო - Sputnik. თბილისის მეტროსადგურების სარეკონსტრუქციო-სარეაბილიტაციო სამუშაოები ეტაპობრივად ჩატარდება, განაცხადა თბილისის მერმა კახა კალაძემ ქალაქის მთავრობის სხდომაზე.

მისი თქმით, ამჟამად სამუშაოები მიმდინარეობს „გოცირიძის“, „ვარკეთილის“ და „ავლაბრის“ მეტროსადგურებზე, იგეგმება ასევე სხვა სადგურების მასშტაბური განახლება.

„ჩვენი სატრანსპორტო პოლიტიკის ერთ-ერთი აქტიური ნაწილია მეტროსადგურების რეაბილიტაცია. ვმუშაობთ რამდენიმე მიმართულებით. დაწყებული გვაქვს მეტროს ვაგონების განახლება-რეაბილიტაცია... გარდა ამისა, აქტიურად ვმუშაობთ მეტროსადგურების რეაბილიტაციის მიმართულებით“, - განაცხადა კალაძემ.

ქალაქის თავის სიტყვებით, მეტროსადგურ „ვარკეთილისა“ და „ავლაბრის“ სარეკონსტრუქციო-სარეაბილიტაციო სამუშაოებზე დეტალური პროექტირება მიმდინარე წლის ნოემბერში დასრულდება. მეტროსადგურ „გოცირიძეზე“ უკვე მიმდინარეობს სარეკონსტრუქციო-სარეაბილიტაციო სამუშაოები, რომლის შედეგადაც, სრულად განახლდება და გადაიხურება მოსაცდელი ბაქანი, ასევე, გარემონტდება მეტროს ფასადი, ვესტიბიული და სამეურნეო სათავსოები.

„რაც შეეხება მეტროსადგურ „ვარკეთილსა“ და „ავლაბარს“, გაფორმებულია ხელშეკრულებები სარეკონსტრუქციო-სარეაბილიტაციო სამუშაოების პროექტირებაზე. კონტრაქტორმა კომპანიებმა სადგურების განახლებული იერსახის წინასწარი ესკიზები უკვე წარმოადგინეს“, - განაცხადა კალაძემ.

მერმა ხაზი გაუსვა, რომ ევროპის რეკონსტრუქციისა და განვითარების ბანკის ფინანსური მხარდაჭერით იგეგმება თბილისის კიდევ ათი მეტროსადგურის რეაბილიტაცია.

დღეისათვის თბილისის მეტროპოლიტენში 23 სადგურია, რომლებიც ორ ხაზზეა განლაგებული - ახმეტელი-ვარკეთილისა და საბურთალოს ხაზებზე. მეტროს ხაზების საერთო სიგრძე 57 კმ-ია, ძირითადი ხაზის სიგრძე - 40 კილომეტრია, მეორე ხაზისა - 17 კმ.

81
თემები:
თბილისი დღეს
შუქნიშანი

კალაძე: თბილისში „ჭკვიანი“ სატრანსპორტო სისტემა დაინერგება

94
(განახლებულია 16:22 12.08.2020)
„ჭკვიანი“ შუქნიშნების სინქრონიზებული სისტემა ხელს შეუწყობს საგანგებო მომსახურების – სასწრაფო სამედიცინო დახმარების, სახანძრო მანქანების შეუფერხებლად გადაადგილებას.

თბილისი, 12 აგვისტო – Sputnik. თბილისის მასშტაბით დაინერგება გონიერი („ჭკვიანი“) სატრანსპორტო სისტემა, რომლის შემადგენელი შუქნიშნები, კამერები და კონტროლერები დაკავშირებული იქნება ნაკადების ერთიანი მართვის ცენტრთან, განაცხადა თბილისის მერმა კახა კალაძემ დედაქალაქის მთავრობის დღევანდელ სხდომაზე.

„ჭკვიანი შუქნიშნები" თბილისს „საცობებისგან" დაიცავს>>

კალაძის განმარტებით, „ჭკვიანი“ შუქნიშნების სინქრონიზებული სისტემა შეამცირებს გზებზე „საცობების“ რაოდენობას და ხელს შეუწყობს საგანგებო მომსახურების (სასწრაფო სამედიცინო დახმარების, სახანძრო) მანქანების შეუფერხებლად გადაადგილებას.

„ჭკვიანი“ შუქნიშნების სისტემა „საცობების“ ნაწილობრივ განტვირთვის შესაძლებლობას მოგვცემს. რა თქმა უნდა, მხოლოდ შუქნიშნები „საცობებს“ მთლიანად ვერ განტვირთავს, მაგრამ შუქნიშნები და სატრანსპორტო მიმართულებით მიმდინარე რეფორმები მთლიანობაში მოგვცემს შედეგს“, – განაცხადა კალაძემ.

თბილისის მერის განცხადებით, გერმანიის მთავრობის დახმარებით კომპანია „გოპამ“ უკვე ჩაატარა ტექნიკურ-ეკონომიკური მიზანშეწონილობის კვლევა და შესაბამისი ტექნიკის/აღჭურვილობის შესასყიდად გამოცხადდა ტენდერი.

გამარჯვებული კომპანია უახლოეს მომავალში გახდება ცნობილი.

თბილისის მერია – „მიეჩვევიან“, ანუ რატომ „გაჩერდა“ ჭავჭავაძის გამზირი>>

„ჭკვიანი“ შუქნიშნები საგზაო მოძრაობის კონტროლის ინტელექტუალურ სისტემას წარმოადგენს. ასეთი შუქნიშნები დაარეგულირებს ტრანსპორტის გაჩერებისა და მოძრაობის დროს და ხანგრძლივობას გზის კონკრეტულ მონაკვეთზე, შექმნილი სიტუაციის მიხედვით.

94
თემები:
თბილისი დღეს
მთვარის ფაზები

მთვარის კალენდარი: 13 აგვისტო რისი გაკეთება შეიძლება და რისი არა

0
(განახლებულია 16:05 11.08.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

13 აგვისტო, ხუთშაბათი. ამ დღეს იუპიტერი მართავს. კლებადი მთვარე ტყუპის ნიშანშია.

ტყუპის დღეები კარგია კონტაქტებისა და ურთიერთობებისთვის, გაცნობისა და იდეების ურთიერთგაცვლისთვის. ხელსაყრელი დროა ინფორმაციების მოპოვებისა და დამუშავებისთვის, სრწფად გასაკეთებელი საქმეებისთვის.

მთვარე ტყუპში – ესაა მსუბუქი ურთიერთობების დრო, რომელიც არაფერს ავალდებულებს ადამიანებს. კარგად ეწყობა ახალი ნაცნობობა. ადამიანები უფრო გულგახსნილი, მიმნდობი და კომუნიკაბელური ხდებიან.

რეკომენდებულია ფულთან დაკავშირებული საქმიანობა, მიმდინარე საქმეების განხილვა და რთული საკითხების განხილვის გადადება, დაგეგმილის რეალიზება, საბუღალტრო ოპერაციები, ბიზნეს–საქმიანობა, მნიშვნელოვანი პროექტების დასრულება, აქტიურობა, უძრავ ქონებასთან დაკავშირებით: მშენებლობის საძირკვლის ჩაყრა, რემონტის დაწყება, უძრავი ქონების ყიდვა, გამოფენების, კონცერტების მოწყობა, სწავლა, კვალიფიკაციის ამაღლება.

არარეკომენდებული აჩქარება, საფუძვლიანი მიზეზის გარეშე ხელმძღვანელობისთვის მიმართვა, კონტრაქტების გაფორმება.

კარგი დღეა მგზავრობისთვის.

თმის შეჭრა, შეღებვა: თმის შეჭრისთვის ნეიტრალური დღეა. დაჩქარდება თმის ზრდის პროცესი, მაგრამ თმა დაუმორჩილებელი გახდება. შეღებვისთვის ძალიან კარგი დღეა.

მანიკურისთვის არასასურველი დღეა.

მებაღეობა: მთვარის კლების ფაზის დროს, ტყუპის ნიშანში, მცენარეები ისვენებენ, მათი წვენი ფესვებისკენ ისწრაფვის, მცირდება მცენარეების სიცოცხლისუნარიანობა. კარგი დღეა გადარგვის, გასხვლის, შეწამვლის, მოსავლის აღებისთვის.

ეფექტური იქნება ზედმეტი ყლორტების მოშორება–გაკრეჭა, გამარგვლა, კულტივირება, მულჩირება, სამკურნალო მცენარეების მოგროვება, ხილისა და კენკროვანების დაკრეფა.

0