ელიავას ბაზრობა

თბილისში ელიავას ბაზრობის ნაწილს რეკრეაციულ ზონად გადააქცევენ

224
თბილისის მერის მოადგილემ ისაუბრა ქალაქის მთავრობის გეგმებზე ელიავას სამშენებლო მასალების ბაზრობასთან დაკავშირებით

თბილისი, 28 თებერვალი - Sputnik. თბილისის მერია ქალაქის ცენტრში მდებარე სამშენებლო მასალების ყველაზე მსხვილი ბაზრობის ნაწილის სარეკრეაციო ზონად გადაქცევას გეგმავს, ხოლო სხვა ნაწილისთვის -საზოგადოებრივ-საქმიანი ფუნქციის მინიჭებას, განუცხადა ჟურნალისტებს მერის მოადგილემ მაია ბითაძემ.

თბილისის გენერალურ გეგმაზე მუშაობა დასრულდა: დოკუმენტი მალე დასამტკიცებლად გაიგზავნება >>

ბაზრობის ტერიტორიის განაშენიანება უნდა მოხდეს სანიტარულ-ჰიგიენური ნორმების დაცვით, ხოლო საცხოვრებელ და საწარმოო ზონებს შორის გარკვეული ბუფერული ზონა უნდა შეიქმნას.

„ხაზს ვუსვამ, ნებისმიერი ტერიტორიის განაშენიანება ისე უნდა მოხდეს, რომ ამან საფრთხე არ შეუქმნას სხვის სიცოცხლეს და ჯანმრთელობას. ელიავას მიმდებარე ტერიტორიაზე საფრთხის შემცველია არა ის საქმიანობა, რასაც ისინი ახორციელებენ, არამედ როგორც ხორციელდება ეს საქმიანობა“, – განაცხადა მაია ბითაძემ.

მისი თქმით, ამაზე ძალიან მკაცრი კონტროლი განხორციელდება.

Строительный рынок Элиава
© Sputnik / Levan Avlabreli
ელიავას ბაზრობა

„გარემოს დაბინძურების ფაქტები ამ ტერიტორიაზე ძალიან აშკარაა. საშენი მასალების დასაწყობებისას, გაყიდვა-რეალიზაციისას დამტვერიანების კუთხით ერთ-ერთი ყველაზე დაბინძურებული ადგილია. არ შეიძლება, საცხოვრებელ ზონასთან ახლოს იყოს ისეთი მძიმე ეკოლოგიური მდგომარეობა, რომელიც პირდაპირ საფრთხის შემცველია ადგილობრივი მოსახლეობისთვის, მათ შორის აალებადი მასალის არაკონტროლირებადი ვაჭრობის თვალსაზრისით“, – განაცხადა მაია ბითაძემ.

ელიავას ბაზრობა 13,2 ჰექტარის ფართობზე 1995 წელს დაარსდა. ბოლო 20 წლის განმავლობაში ელიავას ბაზრობა 15,5 ჰექტრამდე გაიზარდა და სრულიად უსისტემო გახდა. ამასთან საშიში მასალების გამოყენებამ ამ ტერიტორიაზე ეკოლოგიური მდგომარეობა მნიშვნელოვნად გააუარესა. გარემოს დაცვის სამინისტროს მონაცემებით, დედაქალაქში ჰაერში მტვრის ნაწილაკების შემცველობის ყველაზე მაღალი მაჩვენებელი სწორედ ამ ტერიტორიაზეა.

ადრე ბაზრობის ქალაქის შემოგარენში გადატანისა და მის ადგილზე რეკრეაციული ზონის მოწყობის ინიციატივა გახმოვანდა, მაგრამ ლაბორატორია „მულტიტესტის" სპეციალისტების კვლევამ აჩვენა, რომ გრუნტი გამწვანებისთვის არ გამოდგება.

ელიავას ბაზრობაზე დასაქმებულია 15 ათასამდე როგორც ადგილობრივი, ისე უცხოელი მოვაჭრე. ბაზრობა კი რამდენიმე კომპანიის საკუთრებას წარმოადგენს.

224
თემები:
ეკოლოგია საქართველოში -2018 (45)
თელასი

თელასი": თბილისის რომელ უბნებს შეეზღუდება ელექტროენერგიის მიწოდება 24 ოქტომბერს

40
(განახლებულია 23:51 23.10.2020)
გეგმიური სარემონტო სამუშაოების გამო დედაქალაქის სხვადასხვა უბნებში ელექტროენერგიის მიწოდება დროებით შეიზღუდება.

თბილისი, 24 ოქტომბერი – Sputnik. სააქციო საზოგადოება „თელასი" იუწყება, რომ 24 ოქტომბერს გეგმიური სარემონტო სამუშაოების გამო დედაქალაქში ელექტროენერგიის მიწოდება შეიზღუდება.

სამგორის რაიონი

10:00 საათიდან 17:00 საათამდე შეზღუდვა შეეხება: ქვემო ალექსეევკის დასახლების, ხვედელიანის და ქებურიას ქუჩების მოსახლეობას.

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.

40
თემები:
თბილისი დღეს
ახალი ავტობუსების პრეზენტაცია

ახალი ავტობუსები, მიკროავტობუსები და ახალი მარშრუტები: რა სიახლეები ელოდება თბილისელებს

90
(განახლებულია 20:24 23.10.2020)
დღეს ცნობილი გახდა, რომ დედაქალაქში 10 სწრაფი სატრანზიტო დერეფნის მოწყობა მიმდინარეობს. აქედან პირველი უკვე ხვალიდან ამოქმედდება.

თბილისი, 23 ოქტომბერი – Sputnik. ჩვენს ქალაქში ტრანსპორტი იქნება ყველაზე მოწესრიგებული, ყველაზე ახალი, ყველაზე სუფთა და ყველაზე კომფორტული, განაცხადა თბილისის მერმა კახა კალაძემ პრეზენტაციაზე, რომელიც ახალი მიკროავტობუსებისა და ავტობუსების შემოყვანას მიეძღვნა.

დღეს დედაქალაქში BMC-ს მარკის ავტობუსებისა და FORD-ის მარკის მიკროავტობუსების პირველი ნაკადი შემოვიდა. 

პრეზენტაციაზე კახა კალაძემ სატრანსპორტო რეფორმაში ჩართულ ორგანიზაციებსა და ექსპერტებს მადლობა გადაუხადა.

„მადლობას ვუხდი ყველას, ვინც ჩართულია სატრანსპორტო პოლიტიკაში და გვეხმარება, რომ ხვალინდელი თბილისი იყოს უფრო მოწესრიგებული და განვახორციელოთ ყველა ის პროექტი, რომელიც განვითარებულ, დიდ ქალაქებში არის მიღებული და უკვე განხორციელებული“, – განაცხადა კახა კალაძემ.

როგორც პრეზენტაციაზე გახდა ცნობილი, მიმდინარეობს 10 სწრაფი სატრანზიტო დერეფნის მოწყობა. პირველი სწრაფი სატრანზიტო დერეფანი და მისი მკვებავი საქალაქო და საუბნო მარშრუტები ხვალიდან, 24 ოქტომბრიდან ამოქმედდება.

ახალი საავტობუსო ქსელის გაშვებით საშუალო მოცდის დრო შემცირდება 7 წუთამდე, ხოლო ავტობუსებში მგზავრთა ტევადობა გაიზრდება 2,5-ჯერ. შესაბამისად, მოქალაქეებისთვის მცირდება მგზავრობისა და მოცდის დრო.

როგორც პრეზენტაციაზე მერის მოადგილემ ირაკლი ხმალაძემ განაცხადა, ახალ მარშრუტებზე მოძრავ ავტობუსებსა და მიკროავტობუსებში თანხის გადახდა შესაძლებელი იქნება მხოლოდ ბარათის საშუალებით, მგზავრობის დასაწყისშივე. ახალი მიკროავტობუსების მძღოლების ანაზღაურება კი იქნება ფიქსირებული, რითიც მარშრუტზე მოძრაობის გრაფიკიდან გადაცდომის და მგზავრის ფეხზე დგომის პრევენცია მოხდება.

მიკროავტობუსების ხაზების მონიტორინგი თანამედროვე GPS და მგზავრთა მთვლელი სისტემების გამოყენებით განხორციელდება.

თბილისში „ფორდის“ მარკის 300 მიკროავტობუსს შემოიყვანენ>>

მუნიციპალური ავტოპარკის განახლების პროექტის ფარგლებში თბილისის სატრანსპორტო კომპანიამ 226 ერთეული 12-მეტრიანი, EURO 6-ის სტანდარტის ავტობუსი შეისყიდა. მათი ნაწილი უკვე დედაქალაქშია, დანარჩენი კი 2021 წლის მარტამდე ეტაპობრივად შემოვა. 2021 წელს ასევე დაგეგმილია 180 ერთეული 18-მეტრიანი ავტობუსების შეძენა.

გარდა ავტობუსებისა, პროექტის ფარგლებში შესყიდულია 300 ერთეული FORD-ის მარკის, დიზელის ძრავზე მომუშავე, „ევრო 5“ ემისიის, ეკოლოგიურად სუფთა მიკროავტობუსი. მიკროავტობუსების სრულად შემოყვანისთვის განსაზღვრულია 180 კალენდარული დღე.

90
თემები:
თბილისი დღეს
კორონავირუსის ეპიდემია. მამაკაცი პირბადით ... ნიკაპზე

„კორონავირუსი ხომ არ მაქვს ???“: COVID-19-ის უტყუარი დიაგნოსტიკა ექიმ კომაროვსკისგან

0
(განახლებულია 12:20 24.10.2020)
მსოფლიოში კორონავირუსით ინფიცირების უკვე 42,2 მილიონი შემთხვევა დაფიქსირდა, გარდაიცვალა 1,1 მილიონი ადამიანი.

თბილისი, 24 ოქტომბერი – Sputnik. ყნოსვის და გემოს გრძნობის დაკარგვა კორონავირუსული ინფექციის მნიშვნელოვანი დიაგნოსტიკური სიმპტომია, მიიჩნევს ცნობილი ექიმი და ტელეწამყვანი ევგენი კომაროვსკი. ამის შესახებ РИА Новости წერს.

„ტესტი „რისი სუნი აქვს?“ გაცილებით ზუსტია, ვიდრე ნებისმიერი თერმომეტრია“, - განაცხადა მან.

ექიმმა აღნიშნა, რომ ყნოსვის დაკარგვა გრიპის დროსაც ხდება, მაგრამ მაშინ ეს განპირობებულია სურდოთი, ცხვირის „გაჭედვით“.

„კორონავირუსის დროს სურდო თითქმის არ არის, ყნოსვა კი იკარგება“, - აღნიშნა კომაროვსკიმ.

ასეთ სიმპტომს ექიმი ხსნის იმით, რომ COVID-19 აზიანებს იმ ნერვულ უჯრედებს, რომლებიც სუნსა და გემოს აღქმაში გვეხმარება. თუმცა ეს ცვლილებები აღდგენადია. სპეციალისტი აღნიშნავს, რომ ყნოსვის ფუნქციის აღდგენას სამი კვირა სჭირდება, ზოგჯერ კი სამი თვეა საჭირო.

მსოფლიოში კორონავირუსით ინფიცირების უკვე 42,2 მილიონი შემთხვევა დაფიქსირდა, გარდაიცვალა 1,1 მილიონი ადამიანი.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 1941-ით გაიზარდა და საერთო რიცხვმა 26503-ს მიაღწია, აღნიშნულია საქართველოს მთავრობის სპეციალურ ვებ-გვერდზე stopcov.ge.

ამ დროისათვის სულ გამოჯანმრთელდა 10163 ადამიანი, გარდაიცვალა – 193, კარანტინის რეჟიმში იმყოფება 4180, სტაციონარებში ექიმების დაკვირვების ქვეშ 3571 პაციენტია, ხოლო კოვიდ–სასტუმროებში 1848 ადამიანი იმყოფება.

ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს 41 მოქალაქე, მათ შორის 38 – სამხედრო მოსამსახურე.

საქართველოში კორონავირუსის პირველი შემთხვევა 26 თებერვალს დაფიქსირდა.

0
თემები:
COVID-19-ის პანდემია მსოფლიოში