კახა კალაძე

თბილისის გენერალურ გეგმაზე მუშაობა დასრულდა: დოკუმენტი მალე დასამტკიცებლად გაიგზავნება

114
(განახლებულია 15:38 28.02.2019)
კახა კალაძემ განაცხადა, რომ დედაქალაქის მიწათსარგებლობის გენერალური გეგმის პროექტში გათვალისწინებულია ყველა ხარვეზი და მისი დამტკიცება უკვე შეიძლება.

თბილისი, 28 თებერვალი — Sputnik. თბილისის მერიამ თბილისის მიწათსარგებლობის გენერალურ გეგმაზე მუშაობა დაასრულა, დოკუმენტის საკრებულოში გაგზავნა დასამტკიცებლად დღის ბოლომდე იგეგმება. ამის შესახებ თბილისის მერმა კახა კალაძემ დედაქალაქის მთავრობის სხდომაზე განაცხადა.

საკრებულომ გენგეგმის პროექტი მერიას გასულ კვირაში დასამუშავებლად უკან დაუბრუნა. კალაძის განცხადებით, დოკუმენტში ყველა შენიშვნაა გათვალისწინებული.

„დასრულდა დედაქალაქის მერიისა და „სითი ინსტიტუტის" (City Institute) ერთობლივი მუშაობა თბილისის მიწათსარგებლობის გენერალურ გეგმაზე. ძალიან მნიშვნელოვანია ამ დოკუმენტის მიღება... ჩვენ ვიმუშავეთ და ყველა ხარვეზი გამოსწორებულია, შენიშვნები მიღებული და გასწორებულია, და დღეს დოკუმენტს საკრებულოში გადავაგზავნით", – განაცხადა კალაძემ.

დედაქალაქის მერის განცხადებით, გენგეგმა უზრუნველყოფს თბილისის გრძელვადიან, სწორ განვითარებას, ასევე საშუალებას მოგვცემს, თავიდან ავირიდოთ ქალაქის ქაოსური მშენებლობა.

პროექტზე მუშაობა, რომელიც 2,8 მილიონი ლარი დაჯდა, 2015 წლიდან წარმოებდა. City Institute Georgia-მ თბილისის მერიას სამუშაოს შედეგები 2017 წლის ივნისში წარუდგინა, მაგრამ რადგან მერიას ბევრი შენიშვნა ჰქონდა პროექტთან დაკავშირებით, მისი მიღება გაჭიანურდა. შენიშვნები ეხებოდა ზონირების, ტრანსპორტის განვითარებისა და მშენებლობის საკითხებს.

გენგეგმის პროექტის სრულყოფისთვის, მერის განცხადებით, დიდი მუშაობა გასწიეს.

„ჩვენ ვხედავდით სერიოზულ პრობლემებს თავდაპირველ დოკუმენტში. ძალიან შრომატევადი სამუშაო გავწიეთ City Institute-თან ერთად, ჩვენ ჩავრთეთ საერთაშორისო ინსტიტუტები, ძალიან დაგვეხმარნენ ადგილობრივი საფინანსო ინსტიტუტები და ერთობლივი ძალისხმევით მივიღეთ ნამდვილად უკეთესი დოკუმენტი", – აღნიშნა კალაძემ.

თბილისის მიწათსარგებლობის გენგეგმა ურთულესი კომპლექსური დოკუმენტია, რომელიც 2030 წლამდეა გაწერილი. ის სხვადასხვა საკითხს მოიცავს: განაშენიანების გეგმაზომიერი და სტაბილური განვითარება, ეკონომიკის სტაბილური ზრდა, სატრანსპორტო ინფრასტრუქტურის პრობლემების გადაწყვეტა, ეკოლოგიურ ნორმებთან შესაბამისობაში მოყვანა, ისტორიული და კულტურული მატერიალური ძეგლების შენარჩუნება და მოვლა.

114
თემები:
თბილისის მერია–2018 (200)
თელასი

„თელასი": თბილისის რომელ უბნებს შეეზღუდება ელექტროენერგიის მიწოდება 15 აგვისტოს

52
(განახლებულია 08:47 15.08.2020)
გადაუდებელი სარემონტო სამუშაოების გამო დედაქალაქის სხვადასხვა უბნებში ელექტროენერგიის მიწოდება დროებით შეიზღუდება.

თბილისი, 15 აგვისტო — Sputnik. სააქციო საზოგადოება „თელასი" იუწყება, რომ 15 აგვისტოს გადაუდებელი სარემონტო სამუშაოების გამო დედაქალაქის სხვადასხვა უბანში ელექტროენერგიის მიწოდება დროებით შეიზღუდება.

ვაკის რაიონი

11:00 საათიდან 18:00 საათამდე შეზღუდვა შეეხება: ჩხიკვაძის ქუჩის მოსახლეობას.

მთაწმინდის რაიონი

23:00 საათიდან 03:00 საათამდე შეზღუდვა შეეხება: ასათიანის ქუჩის მოსახლეობას.

კრწანისის რაიონი

10:00 საათიდან 18:00 საათამდე შეზღუდვა შეეხება: გუდიაშვილის მოედნის, აბესაძის, ლერმონტოვის, ბეთლემის, ასათიანის, ახოსპირელის, ჯიბლაძის, ჩიხლაძის და ალავერდოვის ქუჩების მოსახლეობას.

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.

52
თემები:
თბილისი დღეს
თბილისი

როგორი ამინდი იქნება თბილისში კვირას, 16 აგვისტოს

76
(განახლებულია 14:55 14.08.2020)
კვირას ქვეყნის დედაქალაქში შედარებით აგრილდება, დაიკლებს ტემპერატურა. მოსალოდნელია ხანმოკლე წვიმა ელჭექით.

თბილისი, 14 აგვისტო – Sputnik. სინოპტიკოსების პროგნოზით კვირას, 16 აგვისტოს თბილისში უპირატესად მოღრუბლული ამინდია მოსალოდნელი. შესაძლებელია ხანმოკლე წვიმა ელჭექით.

ტემპერატურა ღამით იქნება +18, ხოლო დღისით +26 გრადუსი.

ქარი 8–13 მეტრი წამში სიჩქარით დაუბერავს.

მზე 06:10 საათზე ამოვა და 19:58 საათზე ჩავა.

76
თემები:
ამინდის ზუსტი პროგნოზი თბილისში
მომხმარებელი კომპიუტერთან

ჯანდაცვის სამინისტრო დახმარების მისაღებად რეგისტრაციისას შეფერხების გამო ბოდიშს იხდის

0
რეგისტრაციის ვებგვერდი დილიდან შეფერხებით მუშაობდა, შუადღისთვის კი საერთოდ გაითიშა. როგორც უწყებაში განმარტავენ, ფულადი დახმარების სწრაფად მიღების მსურველი ძალიან ბევრია

თბილისი, 15 აგვისტო  — Sputnik. საქართველოში 17 წლის ჩათვლით ბავშვებისთვის 200-ლარიანი დახმარების მიღების მსურველებმა სპეციალურ პორტალზე რეგისტრაცია ვერ მოახერხეს - მშობელთა გაზრდილი ნაკადის გამო პლატფორმის მუშაობა შეფერხდა, იუწყებიან ჯანდაცვის სამინისტროში.

საქართველოს პრემიერ-მინისტრმა გიორგი გახარიამ 6 აგვისტოს მთავრობის სხდომაზე მოსახლეობის დახმარების ახალი ეტაპის დაწყების შესახებ განაცხადა, რომლის ფარგლებშიც 18 წელს ქვემოთ ასაკის ყველა მოზარდი სახელმწიფოსგან 200 ლარის ფარგლებში ერთჯერად დახმარებას მიიღებს. გახარიას თქმით, დღეისათვის საქართველოში 18 წლამდე ასაკის დაახლოებით 880 ათასი მოზარდია. შაბათს ვებგვერდზე daxmareba.moh.gov.ge დაიწყო რეგისტრაცია დახმარების მისაღებად. თუმცა რეგისტრაციის გავლის მსურველები პრობლემას გადააწყდნენ - ვებგვერდი არ მუშაობდა.

„ხარვეზი პორტალზე ბევრი ადამიანის ერთდროულად დარეგისტრირებითაა განპირობებული“, - განმარტეს ჯანდაცვის სამინისტროში და ბოდიში მოიხადეს.

ამავე დროს უწყებამ დაამშვიდა მშობლები და განმარტა, რომ რეგისტრაცია 1 დეკემბრამდე გაგრძელდება და დახმარების მიღებას ყველა მსურველი მოასწრებს.

მშობელმა ელექტრონულ პორტალზე შემდეგი სახის ინფორმაცია უნდა განათავსოს:

  • ბავშვის სახელი, გვარი, დაბადების თარიღი, პირადი ნომერი
  • მშობლის/კანონიერი წარმომადგენლის სახელი, გვარი, პირადი ნომერი
  • მშობლის/კანონიერი წარმომადგენლის სახელზე კომერციულ საბანკო დაწესებულებაში გახსნილი საბანკო ანგარიშის რეკვიზიტები (ბანკის ანგარიშის ნომერი)
  • საკონტაქტო მობილური, რომელზეც მოკლე ტექსტური შეტყობინებები გაიგზავნება.

ამ ეტაპების გავლის შემდეგ სისტემა დაარეგისტრირებს განაცხადს. ერთ ბავშვზე დახმარების ოდენობა 200 ლარს შეადგენს.

0
თემები:
სოციალური სფერო საქართველოში