MAN–ის მარკის ავტობუსები

თბილისში ყვითელ ავტობუსებს მწვანე ავტობუსები ჩაანაცვლებს

337
(განახლებულია 20:07 12.02.2019)
თბილისის მერიამ პოლონეთში 90 „მწვანე“ ავტობუსი შეიძინა.

თბილისი, 12 თებერვალი — Sputnik. უახლოეს დღეებში პოლონეთიდან თბილისში ახალი, МАN-ის მარკის 10-მეტრიანი ავტობუსები შემოვა, რომლებიც დიზელზე იმუშავებენ, განაცხადა თბილისის მერმა კახა კალაძემ.

ახალი ავტობუსები თბილისის მერიას 69 მილიონი ლარი დაუჯდება>>>

ავტობუსების ავტოპარკის განახლება თბილისის მერიის მუშაობის ერთ-ერთ მთავარ მიმართულებას წარმოადგენს. სამშაბათს კალაძე პოლონეთში, კომპანია МАN-ის ქარხანაში იმყოფებოდა და აღნიშნული ავტობუსები დაათვალიერა. კალაძის სიტყვებით, იმ 90 ავტობუსის ნაწილი, რომელიც მერიამ 2018 წელში შეიძინა, უკვე მზადაა. რაც შეეხება ავტობუსების ფერს, გადაწყვეტილება ქალაქის მოსახლეობასთან ერთად იქნა მიღებული – ახალი ავტობუსები მწვანე ფერის იქნება.  

 „MAN-ის მარკის ავტობუსები, რომლებიც ქალაქში გადაადგილდებიან, საკმაოდ კომფორტულია. ახლო მომავალში დამატებით 90 ერთეული შემოვა. რა თქმა უნდა, ეს საკმარისი არაა და წლის ბოლომდე ჩვენ ე.წ. ყვითელი ავტობუსების სრულად ჩანაცვლებას  ვგეგმავთ“, – განაცხადა კალაძემ Facebook–გვერდზე გავრცელებულ რეპორტაჟში.

მერის ინფორმაციით, უკვე გამოცხადდა ტენდერი 220 ერთეული ახალი ავტობუსის შეძენაზე, რომელთა დახმარებითაც იგეგმება არსებული ავტოპარკის განახლება. 

„ჩვენთვის პრინციპულად მნიშვნელოვანია წესრიგში მოვიყვანოთ საზოგადოებრივი ტრანსპორტი. როგორც ავტობუსები, ისე მეტროს ვაგონები უნდა იყოს კომფორტული და ემსახუროს ქალაქს... 2019 წლის ბოლოსთვის აუცილებლად შევცვლით და განვაახლებთ პარკს ევროპული ტიპის ახალი, თანამედროვე ავტობუსებით“, – აღნიშნა კალაძემ.

ახალი ავტობუსები აღჭურვილი იქნება მგზავრების უსაფრთხოების სისტემით, სათვალთვალო კამერით, ინტეგრირებული გათბობის, კონდიცირებისა და ვენტილაციის სისტემით. ავტობუსებში 27 დასაჯდომი ადგილი იქნება და ასევე იქნება შშმ პირებზე ადაპტირებული. ამასთან, აღჭურვილი იქნება USB-დამტენების რვა წერტილით, რომლებიც დამონტაჟებულია მგზავრებისთვის მოსახერხებელ ადგილზე.

დღეისთვის თბილისში 600–650 ავტობუსი მოძრაობს. მათგან 143 MAN-ის ფირმის ახალი ავტობუსია, რომლებიც ეკოლოგიურად სუფთაა და შშმ პირებზეა ადაპტირებული.

თბილისის ავტობუსები დღეში საერთო ჯამში 109,5 ათას კილომეტრს ფარავენ და 1800-ზე მეტ გაჩერებაზე ჩერდებიან.

337
თემები:
ტრანსპორტი საქართველოში (321)
თელასი

„თელასი": თბილისის რომელ უბნებს შეეზღუდება ელექტროენერგიის მიწოდება 15 აგვისტოს

51
(განახლებულია 08:47 15.08.2020)
გადაუდებელი სარემონტო სამუშაოების გამო დედაქალაქის სხვადასხვა უბნებში ელექტროენერგიის მიწოდება დროებით შეიზღუდება.

თბილისი, 15 აგვისტო — Sputnik. სააქციო საზოგადოება „თელასი" იუწყება, რომ 15 აგვისტოს გადაუდებელი სარემონტო სამუშაოების გამო დედაქალაქის სხვადასხვა უბანში ელექტროენერგიის მიწოდება დროებით შეიზღუდება.

ვაკის რაიონი

11:00 საათიდან 18:00 საათამდე შეზღუდვა შეეხება: ჩხიკვაძის ქუჩის მოსახლეობას.

მთაწმინდის რაიონი

23:00 საათიდან 03:00 საათამდე შეზღუდვა შეეხება: ასათიანის ქუჩის მოსახლეობას.

კრწანისის რაიონი

10:00 საათიდან 18:00 საათამდე შეზღუდვა შეეხება: გუდიაშვილის მოედნის, აბესაძის, ლერმონტოვის, ბეთლემის, ასათიანის, ახოსპირელის, ჯიბლაძის, ჩიხლაძის და ალავერდოვის ქუჩების მოსახლეობას.

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.

51
თემები:
თბილისი დღეს
თბილისი

როგორი ამინდი იქნება თბილისში კვირას, 16 აგვისტოს

74
(განახლებულია 14:55 14.08.2020)
კვირას ქვეყნის დედაქალაქში შედარებით აგრილდება, დაიკლებს ტემპერატურა. მოსალოდნელია ხანმოკლე წვიმა ელჭექით.

თბილისი, 14 აგვისტო – Sputnik. სინოპტიკოსების პროგნოზით კვირას, 16 აგვისტოს თბილისში უპირატესად მოღრუბლული ამინდია მოსალოდნელი. შესაძლებელია ხანმოკლე წვიმა ელჭექით.

ტემპერატურა ღამით იქნება +18, ხოლო დღისით +26 გრადუსი.

ქარი 8–13 მეტრი წამში სიჩქარით დაუბერავს.

მზე 06:10 საათზე ამოვა და 19:58 საათზე ჩავა.

74
თემები:
ამინდის ზუსტი პროგნოზი თბილისში
მომხმარებელი კომპიუტერთან

ჯანდაცვის სამინისტრო დახმარების მისაღებად რეგისტრაციისას შეფერხების გამო ბოდიშს იხდის

0
რეგისტრაციის ვებგვერდი დილიდან შეფერხებით მუშაობდა, შუადღისთვის კი საერთოდ გაითიშა. როგორც უწყებაში განმარტავენ, ფულადი დახმარების სწრაფად მიღების მსურველი ძალიან ბევრია

თბილისი, 15 აგვისტო  — Sputnik. საქართველოში 17 წლის ჩათვლით ბავშვებისთვის 200-ლარიანი დახმარების მიღების მსურველებმა სპეციალურ პორტალზე რეგისტრაცია ვერ მოახერხეს - მშობელთა გაზრდილი ნაკადის გამო პლატფორმის მუშაობა შეფერხდა, იუწყებიან ჯანდაცვის სამინისტროში.

საქართველოს პრემიერ-მინისტრმა გიორგი გახარიამ 6 აგვისტოს მთავრობის სხდომაზე მოსახლეობის დახმარების ახალი ეტაპის დაწყების შესახებ განაცხადა, რომლის ფარგლებშიც 18 წელს ქვემოთ ასაკის ყველა მოზარდი სახელმწიფოსგან 200 ლარის ფარგლებში ერთჯერად დახმარებას მიიღებს. გახარიას თქმით, დღეისათვის საქართველოში 18 წლამდე ასაკის დაახლოებით 880 ათასი მოზარდია. შაბათს ვებგვერდზე daxmareba.moh.gov.ge დაიწყო რეგისტრაცია დახმარების მისაღებად. თუმცა რეგისტრაციის გავლის მსურველები პრობლემას გადააწყდნენ - ვებგვერდი არ მუშაობდა.

„ხარვეზი პორტალზე ბევრი ადამიანის ერთდროულად დარეგისტრირებითაა განპირობებული“, - განმარტეს ჯანდაცვის სამინისტროში და ბოდიში მოიხადეს.

ამავე დროს უწყებამ დაამშვიდა მშობლები და განმარტა, რომ რეგისტრაცია 1 დეკემბრამდე გაგრძელდება და დახმარების მიღებას ყველა მსურველი მოასწრებს.

მშობელმა ელექტრონულ პორტალზე შემდეგი სახის ინფორმაცია უნდა განათავსოს:

  • ბავშვის სახელი, გვარი, დაბადების თარიღი, პირადი ნომერი
  • მშობლის/კანონიერი წარმომადგენლის სახელი, გვარი, პირადი ნომერი
  • მშობლის/კანონიერი წარმომადგენლის სახელზე კომერციულ საბანკო დაწესებულებაში გახსნილი საბანკო ანგარიშის რეკვიზიტები (ბანკის ანგარიშის ნომერი)
  • საკონტაქტო მობილური, რომელზეც მოკლე ტექსტური შეტყობინებები გაიგზავნება.

ამ ეტაპების გავლის შემდეგ სისტემა დაარეგისტრირებს განაცხადს. ერთ ბავშვზე დახმარების ოდენობა 200 ლარს შეადგენს.

0
თემები:
სოციალური სფერო საქართველოში