ტაქსი

ტაქსის მძღოლები თბილისში მანქანების უფასოდ გარეცხვას და გადაღებვას 1 მარტიდან შეძლებენ

218
მერიის კონკურსში გამარჯვებული კომპანია თავის თავზე იღებს ტაქსის მანქანების განახლების ხარჯებს და სანაცვლოდ ავტომობილებზე რეკლამას განათავსებს

თბილისი, 6 თებერვალი — Sputnik. კომპანია „ალმა“ 1 მარტიდან ლიცენზირებულ ტაქსებს, ავტომობილებზე რეკლამის განთავსების სანაცვლოდ უფასოდ გადაღებავს, იუწყება თბილისის მერია.

კომპანიამ მუნიციპალიტეტის მიერ გამოცხადებულ აუქციონში გაიმარჯვა და საზოგადოებრივ ტრანსპორტსა და ტაქსებზე ორი წლით რეკლამის განთავსების უფლება მოიპოვა.

„კონკურსი, რომელიც დაწყებული იყო ტაქსებზე რეკლამის განთავსებასთან დაკავშირებით, უკვე დასრულებულია... 2019 წლის ოქტომბრიდან ტაქსის ფერი - თეთრი განისაზღვრა. იმისთვის, რომ მძღოლებს, რომელთაც ლიცენზია ექნებათ მიღებული და ტექნიკური ინსპექტირება გავლილი, გარკვეული ხარჯები არ დააწვეთ, გადაღებვის სამუშაოების შესრულების ვალდებულებას კონკურსში გამარჯვებული კომპანია აიღებს“, - განაცხადა დედაქალაქის მერმა კახა კალაძემ.

კონკურსში გამარჯვებული კომპანია ტაქსებზე რეკლამის განთავსების სანაცვლოდ, ლიცენზირებული ტაქსის მფლობელებს გადაღებვისა და სალონის ქიმწმენდის ვაუჩერებს გასცემს.

შეღებვისა და ინტერიერის წმენდის ვაუჩერით სარგებლობის უფლება აქვთ იმ მძღოლებს, რომლებმაც 2018 წლის 10 ოქტომბრის ჩათვლით ტაქსით მომსახურების ნებართვა აიღეს.

თბილისის მერიის გადაწყვეტილებით, 2019 წლის 1 ოქტომბრიდან თბილისში მხოლოდ თეთრი ფერის ტაქსები იმოძრავებენ. ტაქსებთან დაკავშირებით დედაქალაქის მერის კახა კალაძის მიერ წამოწყებული რეფორმები ორ ეტაპად იყოფა. პირველ ეტაპზე, მიმდინარე წლის ოქტომბრიდან სავალდებულო ხდება ტაქსისტების ლიცენზირება, ხოლო ერთი წლის შემდეგ დედაქალაქში ერთი ფერის ტაქსებმა უნდა იმოძრაოს.

მეტროში, ავტობუსებსა და ტაქსებზე რეკლამის განთავსების 20-წლიანი უფლება გაიყიდა >>

ლიცენზიის მქონე ტაქსები გადასახადებს არ გადაიხდიან.

ეს სამუშაოები 2018-2019 წლებში ჩატარდება.

ავტომობილის თეთრად შეღებვის შემთხვევაში მძღოლებს ავტომობილის პასპორტის შეცვლა მოუწევთ. ეს მათ 35 ლარი დაუჯდებათ.

დედაქალაქში, მიმდინარე წლის 16 ოქტომბრის მონაცემებით, ტაქსის მძღოლად მუშაობის 18,7 ათასი ნებართვაა გაცემული. სპეციალური ნებართვის აღება 100 ლარი ჯდება, ჰიბრიდული ავტომობილის შემთხვევაში რეგისტრაცია 50 ლარია, ხოლო ელექტრომობილების მფლობელებისთვის უფასოა.

218
თემები:
თბილისის მერია–2018 (200)
თელასი

„თელასი": თბილისის რომელ უბნებს შეეზღუდება ელექტროენერგიის მიწოდება 15 აგვისტოს

51
(განახლებულია 08:47 15.08.2020)
გადაუდებელი სარემონტო სამუშაოების გამო დედაქალაქის სხვადასხვა უბნებში ელექტროენერგიის მიწოდება დროებით შეიზღუდება.

თბილისი, 15 აგვისტო — Sputnik. სააქციო საზოგადოება „თელასი" იუწყება, რომ 15 აგვისტოს გადაუდებელი სარემონტო სამუშაოების გამო დედაქალაქის სხვადასხვა უბანში ელექტროენერგიის მიწოდება დროებით შეიზღუდება.

ვაკის რაიონი

11:00 საათიდან 18:00 საათამდე შეზღუდვა შეეხება: ჩხიკვაძის ქუჩის მოსახლეობას.

მთაწმინდის რაიონი

23:00 საათიდან 03:00 საათამდე შეზღუდვა შეეხება: ასათიანის ქუჩის მოსახლეობას.

კრწანისის რაიონი

10:00 საათიდან 18:00 საათამდე შეზღუდვა შეეხება: გუდიაშვილის მოედნის, აბესაძის, ლერმონტოვის, ბეთლემის, ასათიანის, ახოსპირელის, ჯიბლაძის, ჩიხლაძის და ალავერდოვის ქუჩების მოსახლეობას.

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.

51
თემები:
თბილისი დღეს
თბილისი

როგორი ამინდი იქნება თბილისში კვირას, 16 აგვისტოს

74
(განახლებულია 14:55 14.08.2020)
კვირას ქვეყნის დედაქალაქში შედარებით აგრილდება, დაიკლებს ტემპერატურა. მოსალოდნელია ხანმოკლე წვიმა ელჭექით.

თბილისი, 14 აგვისტო – Sputnik. სინოპტიკოსების პროგნოზით კვირას, 16 აგვისტოს თბილისში უპირატესად მოღრუბლული ამინდია მოსალოდნელი. შესაძლებელია ხანმოკლე წვიმა ელჭექით.

ტემპერატურა ღამით იქნება +18, ხოლო დღისით +26 გრადუსი.

ქარი 8–13 მეტრი წამში სიჩქარით დაუბერავს.

მზე 06:10 საათზე ამოვა და 19:58 საათზე ჩავა.

74
თემები:
ამინდის ზუსტი პროგნოზი თბილისში
მაგიდა კაფეში

იმნაძე მოსახლეობას აფრთხილებს: რა ხდება ქობულეთში

0
(განახლებულია 17:18 15.08.2020)
საქართველოში ახალი კორონავირუსით დაავადებულთა რაოდენობა ბოლო დღე-ღამეში 15-ით გაიზარდა და 1321-ს მიაღწია

თბილისი, 15 აგვისტო - Sputnik. ყველა იმ მოქალაქემ, რომლებიც ქობულეთში, კაფე „ჰავანაში“ 9, 10 და 11 აგვისტოს იმყოფებოდნენ,  სიმპტომების გამოჩენისთანავე ცხელების ცენტრებს უნდა მიმართოს, განაცხადა დაავადებათა კონტროლის ეროვნული ცენტრის ხელმძღვანელის მოადგილემ პაატა იმნაძემ.

დღეს საქართველოში ახალი კორონავირუსით დაავადებულთა რაოდენობა ბოლო დღე-ღამეში 15-ით გაიზარდა და 1321-ს მიაღწია. დღეს გავრცელდა ინფორმაცია, რომ ერთ-ერთი ინფიცირებულია ქალი, რომელიც ქობულეთში, კაფე „ჰავანაში“ მუშაობს.

„ეს ქალბატონი თბილისიდან ქობულეთში სამუშაოდ არის ჩასული. ის ქობულეთში კაფე „ჰავანაში“ მუშაობდა. აქ მომუშავე პერსონალი, ყველა, ვინც კონტაქტში იყო ამ თანამშრომელთან, ყველა მოკვლეულია და იზოლაციაშია გადაყვანილი. მათ გამოიკვლევენ, მაგრამ მინდა, მაქსიმალურად გავაფრთხილო ისინი, ვინც 9, 10 და 11 აგვისტოს ამ კაფეში იმყოფებოდა, რომ ფრთხილად იყვნენ და თუ ოდნავ მაინც გამოუვლინდებათ სიმპტომები, აუცილებლად მიმართონ ცხელების ცენტრებს“, – განაცხადა  იმნაძემ.

რაც შეეხება დანარჩენ შემთხვევებს, იმნაძის თქმით, ცხრა ინფიცირებული იმყოფებოდა მესტიაში, ერთი - ყაზბეგში ინფიცირებულის ოჯახის წევრია, სამი - ადრე დადასტურებული შემთხვევის კონტაქტია, ხოლო ერთი - სომხეთიდან ჩამოსული მძღოლია.

ამ დროისათვის გამოჯანმრთელებულია 1088 ადამიანი, გარდაცვლილია – 17, კარანტინის რეჟიმში იმყოფება 7597, ხოლო სტაციონარებში ექიმების დაკვირვების ქვეშ 261 პაციენტია.

ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს 41 მოქალაქე, მათ შორის 38 – სამხედრო მოსამსახურე.

საქართველოში კორონავირუსის პირველი შემთხვევა 26 თებერვალს დაფიქსირდა.

0
თემები:
COVID-19 საქართველოში