ტაქსი

იუსტიციის სახლი თბილისში ტაქსის მძღოლებს აღარ დაარეგისტრირებს

79
(განახლებულია 12:33 06.12.2018)
ტაქსის მძღოლებმა მუშაობის ნებართვისთვის მუნიციპალური მომსახურების ცენტრებს უნდა მიმართონ.

თბილისი, 6 დეკემბერი — Sputnik. ტაქსის მძღოლად მუშაობის ნებართვის აღება ამიერიდან მხოლოდ მუნიციპალური მომსახურების ცენტრებში იქნება შესაძლებელი. ასეთი თბილისში 11 ცენტრია, ნათქვამია დედაქალაქის მერიის ვებ-გვერდზე განთავსებულ განცხადებაში.

რეგისტრაციის გავლა ასევე შესაძლებელია ელექტრონულად ვებ-გვერდზე taxi.tbilisi.gov.ge.

უფრო ადრე, ტაქსის მძღოლის ლიცენზიის აღების მსურველთა დიდი რაოდენობის გამო, პროცესში იუსტიციის სახლი ჩაერთო.

ტაქსის სავალდებულო რეგისტრაცია თბილისში 2018 წლის 1 აგვისტოს დაიწყო.

ერთწლიანი ლიცენზიის საფასური ჩვეულებრივი, შიდაწვისძრავიანი ავტომობილებისთვის 100 ლარია, ჰიბრიდული ავტომობილების მფლობელები სრული გადასახადის 50%-ს იხდიან, ხოლო ელექტრომობილების მფლობელებისთვის ლიცენზია უფასოა.

ავტომობილებზე, რომლებმაც რეგისტრაცია გაიარეს, რეკლამისთვის ადგილებია გამოყოფილი. ამას გარდა, მძღოლებისთვის გამოიყო ვაუჩერები სალონის ქიმწმენდისა და მანქანის თეთრად შეღებვისთვის.

ამ დროისთვის რეგისტრირებულია დაახლოებით 23 ათასი ტაქსი.

 

79
თემები:
თბილისი დღეს (871)