თბილისი. კოსტავას ქუჩა

კოსტავას ქუჩაზე მიწისქვეშა გადასასვლელით სარგებლობა დროებით შეიზღუდება

114
(განახლებულია 10:33 10.07.2018)
მერაბ კოსტავას ქუჩაზე, სასტუმრო „რუმს თბილისის“ მიმდებარედ, მიწისქვეშა გადასასვლელის რეაბილიტაციის სამუშაოებს „თბილსერვის ჯგუფი“ ჩაატარებს

თბილისი,  9 ივლისი — Sputnik. თბილისში, მერაბ კოსტავას ქუჩაზე მიწისქვეშა გადასასვლელის რეაბილიტაცია იწყება. სარემონტო სამუშაოების გამო 10 ივლისიდან 24 აგვისტოს ჩათვლით შეიზღუდება მიწისქვეშა გადასასვლელით სარგებლობა, იუწყება საზოგადოებრივი მაუწყებლის პირველი არხი თბილისის მერიაზე დაყრდნობით. 

რეაბილიტაციის ფარგლებში განხორციელდება მოსაპირკეთებელი სამუშაოები, რის შედეგადაც მიწისქვეშა გადასასვლელს პირვანდელი იერსახე დაუბრუნდება. 

მერაბ კოსტავას ქუჩაზე, სასტუმრო „რუმს თბილისის“ მიმდებარედ არსებული მიწისქვეშა გადასასვლელის რეაბილიტაციას „თბილსერვის ჯგუფი“ ჩაატარებს.  

„თბილსერვის ჯგუფი“ მოსახლეობას შეფერხებისთვის ბოდიშს უხდის.

 

114
თემები:
თბილისი დღეს (662)