საათი თბილისის ცენტრში

თბილისის ცენტრში ღამით ტრანსპორტის მოძრაობა გადაიკეტება

65
(განახლებულია 20:46 17.04.2018)
თბილისის ერთ–ერთ ცენტრალურ ქუჩაზე პანდუსებს გაწმენდენ

თბილისი, 17 აპრილი – Sputnik. თბილისის ცენტრში ტრანსპორტის მოძრაობა საგაზაფხულო სამუშაოების ჩატარების გამო შეიზღუდება, ნათქვამია დედაქალაქის მერიის განცხადებაში.

კომპანია „თბილსერვის ჯგუფი“, რომელიც დედაქალაქში სისუფთავეზე აგებს პასუხს, სპეცტექნიკის გამოყენებით გმირთა მოედანზე პანდუსებს და იუსტიციის სახლთან საფეხმავლო ხიდს მორეცხავს.

„აღნიშნულიდან გამომდინარე, დღეს, 24:00 საათიდან 07:00 საათამდე გმირთა მოედანზე ტრანსპორტით გადაადგილება შეიზღუდება — გადაიკეტება პანდუსზე ასასვლელი ხუთივე მონაკვეთი. ასევე, ნაწილობრივი შეზღუდვა დაწესდება მტკვრის მარჯვენა სანაპიროზე, იუსტიციის სახლის მიმდებარედ“, – ნათქვამია განცხადებაში.

თბილისის მერმა კახა კალაძემ გასულ კვირაში, ქალაქის მთავრობის სხდომაზე შესაბამის სამსახურებს ქალაქში მასშტაბური საგაზაფხულო სამუშაოების დაწყება დაავალა.


65
თემები:
თბილისი დღეს (665)