თბილისში 96 ადგილას პარკირება აიკრძალება

© Sputnik / Alexander Imedashviliმანქანა ტროტუარზე
მანქანა ტროტუარზე - Sputnik საქართველო
გამოწერა
2015 წლიდან თბილისში 2200 პარკირების ადგილიდან ტროტუარებზე სადგომი 900 ადგილი გაუქმდა.

თბილისი, 28 თებერვალი — Sputnik. თბილისის მერიამ მხარი დაუჭირა საქალაქო სატრანსპორტო სამსახურის ინიციატივას კიდევ 96 პარკირების ადგილის გაუქმების შესახებ ქალაქის ტროტუარებზე. 

კერძოდ: ლიახვის ქუჩის N1-თან 20 ადგილი გაუქმდა, გუდამაყრის N5 – 35, წერეთლის გამზირის N126 – 16 ადგილი, წერეთლის N116 – 20 ადგილი, რობაქიძის გამზირის N18 – 5 ადგილი. 

პარალელურად ქალაქის სატრანსპორტო სამსახური განაგრძობს პროექტს, რომელიც ითვალისწინებს ქვეითად მოსიარულეთათვის უსაფრთხო გადაადგილების პირობების შექმნას და ავტომობილების მფლობელთათვის პარკირების ახალ ადგილებს. 

პარკირების ნიშანი თბილისში - Sputnik საქართველო
პარკირება თბილისში: როგორი იქნება „სითი პარკის“ ბედი

უახლოეს მომავალში მოეწყობა „შეჭრები“ ტროტუარებზე კოსტავას ქუჩის N71-თან, ჭავჭავაძის გამზირის N41, N42, N58-თან.

მსგავსი „ჯიბეების“ მოსაწყობად თბილისის მერია ირჩევს ისეთ ადგილებს, სადაც ტროტუარი შედარებით ფართოა და ხელს არ შეუშლის ქვეითად მოსიარულეთა გადაადგილებას. 

2015 წლიდან მოყოლებული თბილისში ტროტუარებზე არსებული 2 200 პარკირების ადგილიდან 900-მდე ადგილი გაუქმდა. 

ყველა ახალი ამბავი
0