სებ-ის პრეზიდენტი კრიპტოვალუტებში ინვესტირების მსურველებს აფრთხილებს
„ინვესტორები უნდა იყვნენ ფრთხილად, რადგან კრიპტოვალუტების ფასს მერყეობა ახასიათებს. რაც შეეხება ზოგადად ვირტუალურ ვალუტებს, ვფიქრობ, რომ ამასთან დაკავშირებით რეგულაციები აუცილებელი იქნება“, – აღნიშნა კობა გვენეტაძემ.
მსოფლიო ბანკის ანგარიშის თანახმად, საქართველო კრიპტოვალუტების მოპოვებით მსოფლიოში მესამე ადგილზეა. ვირტუალური ვალუტების მაინინგსა და ინვესტირებაში ბევრი ადამიანია ჩართული, ხოლო ქვეყანაში მოხმარებული ელექტროენერგიის 15% სწორედ კრიპტოვალუტებზე მოდის.