თბილისი, 3 მაისი — Sputnik. სამტრედიაში, 9 აპრილის ქუჩაზე მდებარე პოლიციის შენობას ცეცხლი გაუჩნდა, იუწყება „sputnik საქართველოს“ კორესპონდენტი.
თვითმხილველების განმარტებით, ხანძარი პოლიციის ყოფილ შენობაში დღეს დილით გაჩნდა.
შემთხვევის ადგილზე ხუთი სახანძრო-სამაშველო ბრიგადა იყო მობილიზებული. ამ დროისთვის ხანძარი ლიკვიდირებულია.
ხანძრის შედეგად შენობაში 120 კვადრატული მეტრი ფართობი დაიწვა.
ამ დროისთვის უცნობია თუ რა გახდა ხანძრის გამომწვევი მიზეზი.
როგორც სააგენტოს შსს-ს პრეს-სამსახურში განუცხადეს, მოხდართან დაკავშირებით გამოძიება სსკ-ის 188-ე მუხლით აღიძრა, რაც გულისხმობს სხვისი ნივთის დაზიანებას ან განადგურებას გაუფრთხილებლობით.
