თბილისი, 9 დეკემბერი — Sputnik. ზუგდიდის მუნიციპალიტეტის სოფელ რუხში ქვეითად მოსიარულე, რომელსაც ავტომობილი დაეჯახა, ადგილზე გარდაიცვალა.
გავრცლებული ინფორმაციით, შემთხვევა გუშინ, გვიან ღამით მოხდა. ავტომობილს საფრანგეთის მოქალაქე მართავდა. აღნიშნული ინფორმაცია "Sputnik-საქართველოს" შინაგან საქმეთა სამინისტროში დაუდასტურეს.
მომხდარ ფაქტთან დაკავშირებით გამოძიება სისხლის სამართლის კოდექსის 276-ე მუხლით მიმდინარეობს („ავტომობილის, ტრამვაის, ტროლეიბუსის, ტრაქტორის ან სხვა მექანიკური ტრანსპორტის მოძრაობის უსაფრთხოების ან ექსპლუატაციის წესის დარღვევას იმის მიერ, ვინც ამ სატრანსპორტო საშუალებას მართავს, რამაც გამოიწვია ადამიანის სიცოცხლის მოსპობა“).
