თბილისი, 1 დეკემბერი — Sputnik. საქართველოს ფინანსთა სამინისტროს საგამოძიებო სამსახურის თანამშრომლებმა ყალბი ფულის შენახვა—გასაღების ბრალდებით ორი პირი დააკავეს, ნათქვამია უწყების პრეს-სამსახურის მიერ გავრცელებულ განცხადებაში.
გამოძიებით დადგინდა, რომ ბრალდებულებმა იმერეთის რეგიონში ყალბი 50- და 100-ლარიანი კუპიურების რეალიზება მოახდინეს. ჩხრეკისას დამატებით ამოღებულია 15 ერთეული ყალბი 100-ლარიანი კუპიურა.
მომხდარ ფაქტზე გამოძიება სსკ–ის 212-ე მუხლით მიმდინარეობს („ყალბი ფულის ან ფასიანი ქაღალდის დამზადება ან გასაღება“), რაც ითვალისწინებს თავისუფლების აღკვეთას 7-დან 10 წლამდე ვადით.
შოთა ნოზაძე
