თბილისი, 14 მაისი-Sputnik. საქართველოს შინაგან საქმეთა სამინისტროს თანამშრომლებმა, ნარკოტიკული ნივთიერების უკანონო შეძენა-შენახვის ბრალდებით დააკავეს 51 წლის აზერბაიჯენელი მოქალაქე.
დაკავებულის ავტომობილის ჩხრეკისას, სამართალდამცველებმა აღმოაჩინეს და ამოიღეს 24 ერთეული შეფუთული და დაფასოებული 12 გრამზე მეტი ჰეროინი, ნათქვამია უწყების საიტზე.
ამასთან ნარკოლოგიურმა შემოწმებამ აჩვენა, რომ აზერბაიჯანელი მოქალაქე თავადაც მოიხმარდა ნარკოტიკს.
სისხლის სამართლის აქმე აღძრულია განსაკუთრებით დიდი ოდენობის ნარკოტიკული ნივთიერების „უკანონო დამზადება, შეძენა, შენახვა, გადაზიდვის ან გაყიდვის “ მუხლით, რაც ისჯება თავისუფლების აღკვეთით 8-დან 20 წლამდე ვადით, ან უვადო პატიმრობით.
