თბილისი, 28 დეკემბერი — Sputnik. „საქართველოს ბანკის“ გლდანის ფილიალზე ყაჩაღურ თავდასხმაში ბრალდებულები ბათუმში დააკავეს, აღნიშნულია შინაგან საქმეთა სამინისტროს ვებ-გვერდზე განთავსებულ ცნობაში.
ბანკის ფილიალი გუშინ დააყაჩაღეს. მძარცველი ორი შეიარაღებული ადამიანი იყო.
სამართალდამცველებმა ბანკიდან წაღებული ფულის ნაწილი — 1475 ევრო, 640 ლარი და 60 აშშ დოლარი ნივთმტკიცებად ამოიღეს.
დაკავებულებმა ბრალი აღიარეს.
ადგილობრივი მოსახლეობა აცხადებს, რომ ეს „საქართველოს ბანკის“ ამ ფილიალზე თავდასხმის უკვე მესამე შემთხვევაა.
სისხლის სამართლის საქმე აღძრულია სსკ-ის მუხლით „ყაჩაღობა სადგომში ან სხვა საცავში უკანონო შეღწევით“, რაც 6-დან 9 წლამდე პატიმრობით ისჯება.
