თბილისი, 21 სექტემბერი – Sputnik. საქართველოში ჩამოსული ტურისტები შეძლებენ ეწვიონ კავკასიაში ყველაზე დიდ ჰიდროელექტროსადგურს – ენგურჰესს.
ჰიდროელექტროსადგური ტექნიკური და საინჟინრო ნაგებობების უნიკალურ კომპლექსს წარმოადგენს, სადაც მოეწყობა სამუზეუმო–საინფორმაციო სივრცე ტურისტებისთვის, აღნიშნულია საქართველოს ენერგიტიკის სამინისტროს განცხადებაში.
ენგურის ჰიდროელექტროსადგური — უდიდესი ჰესი ამიერკავკასიაში. მდებარეობს მდინარე ენგურზე. აშენდა 1961-1978 წლებში. ენგურჰესი ჰიდროელექტროსადგურების კასკადია, რომელშიც შედის თვით ენგურჰესი, რომლის დადგენილი სიმძლავრეა 1300 ათ. კვტ (5 აგრეგატი, თითოეული 260 ათ. კვტ სიმძლავრის), ვარდნილჰესი № 1 (სიმძლავრე 220 ათ. კვტ) და სამი 40-ათ. კვტ სიმძლავრის ჰესი.
ენგურჰესის თაღოვან კაშხალს მინიჭებული აქვს ეროვნული მნიშვნელობის კულტურის ძეგლის სტატუსი.
ენგურჰესის კაშხალი საქართველოს ხელისუფლების მიერ კონტროლირებად ტერიტორიაზეა, ხოლო მართვის პულტი – აფხაზეთის მხარეს.
საქართველოს მთავრობა უახლოეს პერიოდში აპირებს დაიწყოს პროცედურები, რათა ენგურჰესის თაღოვანმა კაშხალმა UNESCO- ს მსოფლიო მემკვიდრეობის ნუსხაში დაიკავოსადგილი.
