თბილისი. 17 აგვისტო — Sputnik. ქართველი ძალოსანი ლაშა ტალახაძე ბრაზილიის ოლიმპიური თამაშების ჩემპიონი გახდა 105 კგ-ზე მეტ წონით კატეგორიაში.
ტალახაძემ შეჯიბრი მსოფლიო რეკორდით მოიგო — მან ჯამში 473 კგ მოაგროვა (215+258).
ბრინჯაოს მედალი საქართველოს კიდევ ერთმა წარმომადგენელმა მოიგო — ირაკლი თურმანიძემ 448 კგ-ით.
ვერცხლის მედალი სომხეთის წარმომადგენელს გორა მინასიანს ხვდა წილად.
შეჯიბრის XI დღის შემდეგ საქართველოს ნაკრების ყულაბაში 5 მედალია: ერთი ოქრო (ლაშა ტალახაძე), ერთი ვერცხლი (ვარლამ ლიპარტელიანი) და სამი ბრინჯაო (ლაშა შავდათუაშვილი, შმაგი ბოლქვაძე და ირაკლი თურმანიძე).
