თბილისი, 12 ივნისი — Sputnik. ქვემო ქართლში თბილისის ინტერპოლისა და შსს-ს საპატრულო პოლიციის თანამშრომლებმა კიევის ინტერპოლის მიერ 10.12.2015 წლიდან საერთაშორისო დონეზე ძებნილი უკრაინის მოქალაქე, 1979წ. დაბადებული დილგამ ბ. დააკავეს, იუწყება შსს-ს პრეს-სამსახური.
დილგამ მ. საკონტროლი გამშვებ-პუნქტზე მაშინ დააკავეს, როდესაც ის საქართველოდან აზერბაიჯანის ტერიტორიაზე გადასვლას აპირებდა.
დიგლამ ბ.-ს ბრალი ედება უკრაინის სისხლის სამართლის კოდექსის 121-ე მუხლის 1-ლი ნაწილით გათვალისწინებული დანაშაულის ჩადენისათვის, რაც სხეულის განზრახ მძიმე დაზიანებას გულისხმობს.
ამ დროისთვის დაკავებულის მიმართ კანონით გათვალისწინებული წინასაექსტრადიციო პროცედურები მიმდინარეობს.