თბილისი, 4 სექტემბერი — Sputnik. სულ მცირე 30 ადამიანი ითვლება დაკარგულად მას შემდეგ, რაც ლივიის ნაპირებთან მიგრანტების ნავი ჩაიძირა, განაცხადეს პარასკევს მიგრაციის საერთაშორისო ორგანიზაციაში.
როგორც სააგენტო ფრანც-პრესი იტყობინება, მიგრანტთა ნავი ხუთშაბათს ჩაიძირა. იტალიის სანაპირო დაცვამ 91 ადამიანი გადაარჩინა. გადარჩენილთა თქმით, ნავზე 120-დან 140 ადამიანამდე იმყოფებოდა.
2015 წლის დასაწყისიდან ევროკავშირის ტერიტორიაზე 340 ათასი მიგრანტი ჩავიდა. ექსპერტთა მოსაზრებით, არალეგალურ მიგრანტებთან დაკავშირებული სიტუაცია მოცემულ მომენტში, ევროკავშირის ქვეყნებში მეორე მსოფლიო ომის შემდეგ გადაადგილებულ პირთა ყველაზე უარესი კრიზისია.