თბილისი, 7 აგვისტო — Sputnik. ევროკავშირის ქვეყნებს შორის რადიკალურად განწყობილი იმ მოქალაქეების ყველაზე დიდი რაოდენობა, რომლებიც სირიაში საომრად წავიდნენ, საფრანგეთშია — 1,2 ათასი ადამიანი 2014 წლის აპრილიდან. ამის შესახებ ტელერადიოკომპანია RTBF რისკების შეფასების კომპანია Aon- ის მონაცემებზე დაყრდნობით იტყობინება.
სირიაში გამგზავრებული რადიკალების რიცხოვნებით პირველ სამეულში ასევე შედიან გერმანია და დიდი ბრიტანეთი — 600 კაცი თითოეული ქვეყნიდან. მეოთხე პოზიცია ამ მაჩვენებლით ბელგიას უჭირავს — 440 მოქალაქე, რომელიც ანტისამთავრობო ძალების რიგებს შეემატა სირიაში.
ევროკავშირის იმ ქვეყნებს შორის, სადაც ტერორისტული დაჯგუფება „ისლამური სახელმწიფოს“ და „ალ- ქაიდას“ მხრიდან პოტენციურად გაზრდილია ტერორისტული საფრთხე, Aon ასახელებს საფრანგეთს, გერმანიას, ბელგიას, ირლანდიას, დანიასა და ესტონეთს.
Aon — მულტინაციონალური კორპორაციაა, რისკების მართვის სფეროში მსოფლიოს წამყვანი მომსახურების მიმწოდებელი. Aon —ს 500-მდე ოფისი აქვს, სადაც 65 ათასი თანამშრომელი მსოფლიოს 120 ქვეყნის კლიენტებს ემსახურება.
