თბილისი, 18 მაისი — Sputnik. საქართველოში მზიანი და თბილი ამინდი 21 მაისამდე შენარჩუნდება — სინოპტიკოსები ქვეყნის დასავლეთში 33 გრადუსამდე, ხოლო აღმოსავლეთში — 29 გრადუსამდე სითბოს გვპირდებიან.
”იმერეთის, სამეგრელოსა და გურიის რეგიონებში ჰაერის მაქსიმალური ტემპერატურა 32-33 გრადუსი იქნება. 32 გრადუსამდე დათბება ზღვისპირა რაიონებშიც. იმერეთის მაღალმთიანეთში სუსტი აღმოსავლეთის ქარია მოსალოდნელი”, — ამის შესახებ ორშაბათს, 18 მაისს გარემოს დაცვის ეროვნული სააგენტოს მოკლევადიანი პროგნოზირების განყოფილებაში განაცხადეს.
ნალექი არც აღმოსავლეთ საქართველოშია მოსალოდნელი, მაგრამ ჰაერის ტემპერატურა, დასავლეთთან შედარებით, უფრო ნაკლები — 29 გრადუსი იქნება.
ხუთშაბათს, დღის მეორე ნახევრიდან აღმოსავლეთ საქართველოში ამინდის შეცვლაა მოსალოდნელი — შესაძლებელია წვიმა ჭექა-ქუხილით, ასევე ტემპერატურის 2 გრადუსით დაწევა.
თბილისის მოსახლეობას უახლოეს დღეებში 25-26 გრადუსი სითბო ელოდება.
